ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់ការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២២-២០២៣នេះ អង្គភាពប្រឆាំងអំពើពុករលួយបានពង្រាយកម្លាំងសង្កេតការណ៍ប្រមាណជាង៣ពាន់នាក់ ទៅតាមមណ្ឌលប្រឡងនានានៅទូទាំងប្រទេស។
ឯកឧត្តម ឃាង សេង អនុប្រធានអង្គភាពប្រឆាំងអំពើពុករលួយបានមានប្រសាសន៍ថា ដើម្បីឱ្យលទ្ធផល នៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ទទួលបាន អ្នកចេះ គឺជាប់ អង្គភាពប្រឆាំងអំពើពុករលួយ ដែលជាសេនាធិការបស់ក្រសួងអប់រំ យុវជន និងកីឡា បានប្រើប្រាស់កម្លាំងសង្កេតការណ៍ទូទាំងប្រទេសប្រមាណជាង៣នាក់ ដោយដាក់ពង្រាយនៅតាមមណ្ឌលទាំងអស់ ខណៈនៅរាជធានីភ្នំពេញមានប្រមាណជាង៥នាក់។
បើតាមការបញ្ជាក់របស់ ឯកឧត្តម ឃាង សេង ជាគោលការណ៍អ្នកសង្កេតការណ៍របស់អង្គភាពប្រឆាំងអំពើពុករលួយ ត្រូវបែងចែកទៅតាមចំនួនបន្ទប់ ក្នុងនោះអ្នកសង្កេតការណ៍ម្នាក់ត្រូវត្រួតពិនិត្យបន្ទប់ប្រឡងចំនួន២។ ឯកឧត្តមបន្តថា អ្នកសង្កេតការណ៍ គឺជាភ្នែក ជាត្រចៀក ជាច្រមុះដើម្បីផ្តល់ព័ត៌មាន ដើម្បីផ្តល់ភស្តុតាងពាក់ព័ន្ធនឹងភាពមិនប្រក្រតីណាមួយ ហើយប្រសិនបើមានធាតុផ្សំគ្រប់គ្រាន់ នោះអង្គភាពប្រឆាំងអំពើពុករលួយនឹងអនុវត្តច្បាប់។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិនៅឆ្នាំនេះ មានបេក្ខជនចុះឈ្មោះប្រឡងសរុប ១៣៧ ៤១២នាក់ ចែកចេញជាមណ្ឌលប្រឡងចំនួន២២៧មណ្ឌល ត្រូវជា ៥៥៤៣បន្ទប់ ដោយបែងចែកថ្នាក់វិទ្យាសាស្រ្តមានចំនួន ៧២មណ្ឌល និងវិទ្យាសាស្រ្តសង្គម ១៥៥មណ្ឌល៕
