ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសថា នៅក្នុងឆ្នាំសិក្សា២០២៣-២០២៤ វិទ្យាស្ថាននឹងជ្រើសរើសយុវជន យុវនារី មកពីគ្រួសារក្រីក្រ និងគ្រួសារងាយរងហានិភ័យឱ្យចូលរៀនជំនាញបច្ចេកទេស និងវិជ្ជាជីវៈ ឥតបង់ថ្លៃលើកទី១ ចំនួន ៦៣០នាក់។
ជំនាញដែលត្រូវសិក្សារួមមាន ៖ ការងារកំបោរ, ការដំឡើងបណ្តាញបំពង់ទឹក, ការដំឡើងបណ្តាញអគ្គិសនីក្នុងអគារ, ការដំឡើងប្រព័ន្ធបញ្ជាម៉ូទ័រអគ្គិសនី, ការដំឡើង និងថែទាំកាមេរ៉ាសុវត្ថិភាព, ការថែទាំ និងជួសជុលបរិក្ខាអេឡិចត្រូនិក, ការផ្សារអគ្គិសនី, ការផ្សារលោហៈដោយធ្នូអគ្គិសនី (ធូប), សេវាកម្មបរិក្ខាត្រជាក់ក្នុងគេហដ្ឋាន, ការថែទាំ និងជួសជុលអគ្គិសនីរថយន្ត និងការថែទាំ និងជួសជុលរថយន្ត។
រយៈពេលសិក្សា ៖ វេន ចន្ទ-ស្រុក មានរយៈពេល៤ខែ ព្រឹកពីម៉ោង៨ ដល់ម៉ោង១២ និងពេលរសៀលពីម៉ោង១ ដល់ម៉ោង៩, វេនយប់ មានរយៈពេល៨ខែ រៀនពីម៉ោង៥ : ៣០ ដល់ម៉ោង ៨:៣០, វេន ថ្ងៃសៅរ៍-អាទិត្យ មានរយៈពេល ១០ខែ ពេលព្រឹកម៉ោង ៨ដល់ម៉ោង១២ និងពេលរសៀល ពីម៉ោង១ ដល់ម៉ោង៥។
លក្ខខណ្ឌសិក្សា ៖ យុវជនមកពីគ្រួសារក្រីក្រ និងគ្រួសារងាយរងហានិភ័យ, យុវជនមានអាយុចាប់ពី១៥ឆ្នាំ ដល់៣៥ឆ្នាំ។
អត្ថប្រយោជន៍ ដែលសិក្ខាកាមទទួលបាន ៖ សិក្សាដោយមិនបង់ថ្លៃ, ទទួលបានប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងមួយខែ រយៈពេល៤ខែ ដោយសិក្សាពេញម៉ោង, ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ទទួលបានជំនាញមួយពិតប្រាកដដែលទីផ្សារការងារកំពុងត្រូវការ, ឱកាសការងារធ្វើសមរម្យ និងចំណូលទៀងទាត់។
កាលបរិច្ឆេទចែក និងទទួលពាក្យ គឺចាប់ពីថ្ងៃផ្សាយដំណឹងនេះតទៅ រហូតដល់ថ្ងៃទី០១ ខែធ្នូ ឆ្នាំ២០២៣។ កាលបរិច្ឆេទចូលរៀន គឺនៅថ្ងៃទី០៤ ខែធ្នូ ឆ្នាំ២០២៣។
ដូច្នេះសម្រាប់យុវជន យុវនារី ដែលចាប់អារម្មណ៍ សូមទៅបំពេញទម្រង់ដោយផ្ទាល់នៅការិយាល័យសិក្សា នៃវិទ្យាស្ថាន ដែលស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង ឬចុះឈ្មោះចូលរៀនតាមរយៈប្រព័ន្ធឌីជីថល Mobile App: TVET 1.5M៕
