ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រតនគិរី – ក្នុងឱកាសសម្ពោធដាក់ឱ្យប្រើប្រាស់ជាផ្លូវការអគារស្នាក់ការថ្មី ស.ស.យ.ក. ខេត្តរតនគិរី កាលពីចុងសប្តាហ៍កន្លងទៅនេះ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានសម្តែងនូវក្តីសោមនស្សរីករាយ និងសាទរចំពោះសមិទ្ធផលនានាដែល ស.ស.យ.ក. ខេត្តរតនគិរីសម្រេចបាន រួមទាំងកិច្ចប្រឹងប្រែងរបស់សមាជិក សមាជិកាខេត្ត ដែលតែងចូលរួមក្នុងកិច្ចការងារសង្គមផងដែរ។
ឯកឧត្តម ហ៊ុន ម៉ានី បានរំលេចបន្ថែមថា ទីស្នាក់ការថ្មីៗរបស់ ស.ស.យ.ក. តាមបណ្តារាជធានីខេត្ត បានបង្ហាញពីវិសាលភាព កម្លាំង និងសក្តានុពលការងាររបស់មហាក្រុមគ្រួសារយុវជនទូទាំងប្រទេស ក្នុងការចូលរួមជាមួយរាជរដ្ឋាភិបាលក្នុងកិច្ចការសង្គម មនុស្សធម៌ និងបុព្វហេតុជាតិ មាតុភូមិគ្រប់កាលៈទេសៈទាំងអស់ គ្រប់ទីកន្លែង។ ឯកឧត្តមបានបន្ថែមថា នេះគឺជាមោទកភាពដ៏ធំបំផុតរបស់ឯកឧត្តម ជាមួយស.ស.យ.ក. ជាពិសេស ក្នុងរយៈពេល១០ឆ្នាំចុងក្រោយ គឺការរីកលូតលាស់ នៃមហាក្រុមគ្រួសារ ស.ស.យ.ក. ទូទាំងប្រទេស ។
ជាមួយគ្នានេះ អ្វីដែលជាមោទកភាពរបស់ឯកឧត្តមដែលធំធេងជាងនេះទៀតនោះ គឺការទទួលស្គាល់ និងជំនឿទុកចិត្ត របស់បងប្អូនមហាជន និងប្រជាជនទូទាំងប្រទេស នូវសកម្មភាពដើម្បីប្រទេសជាតិ និងប្រជាជន និងវប្បធម៌នៃការកសាងអំពើល្អរបស់យើង។
បើតាមប្រសាសន៍លើកឡើងរបស់ ឯកឧត្តម ហ៊ុន ម៉ានី ស.ស.យ.ក. បានក្លាយជាវេទិកាមួយដែលមិនត្រឹមតែសម្រាប់ការដុសខាត់ និងអភិវឌ្ឍសមត្ថភាពសមាជិក សមាជិកាម្នាក់ៗនោះទេ តែក៏ជាវេទិកាសម្រាប់ការបង្ហាញសមត្ថភាពនៃភាពជាអ្នកដឹកនាំ និងភាពជោគជ័យទៅថ្ងៃអនាគតរៀងៗខ្លួនផងដែរ។
ឯកឧត្តមបន្ថែមថា ការចូលរួមជាមួយ ស.ស.យ.ក. គឺបានផ្តល់ជាបទពិសោធន៍ ដោយផ្តល់ឱកាសឱ្យសមាជិក សមាជិកា រៀនសូត្រពីការងារសង្គម និងការងារមនុស្សធម៌ដោយប្រកាន់ភ្ជាប់ថា ការអនុវត្តកាន់តែច្រើន និងទទួលបានចំណេះដឹង បទពិសោធន៍កាន់តែច្រើន៕
