ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់សិស្សនិស្សិតដែលចង់បន្តការសិក្សានៅសហរដ្ឋអាមេរិក ពេលនេះ មានអាហារូករណ៍ថ្នាក់ឧត្ដមសិក្សានៅវិទ្យាស្ថានផ្សេងៗក្នុងសាកលវិទ្យាល័យ Yale សម្រាប់និស្សិតអន្តរជាតិទូទាំងពិភពលោក។ អាហារូបករណ៍ផ្ដល់ជូនការសិក្សាថ្នាក់បរិញ្ញបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។
អាហារូបករណ៍ផ្ដល់ជូនការសិក្សាមុខជំនាញជាច្រើនដូចជា សាលាស្ថាបត្យកម្ម, សាលាសិល្បៈ, សាលាទេវភាព, សាលាល្ខោន, សាលាបរិស្ថាន, មហាវិទ្យាល័យសិល្បៈ និងវិទ្យាសាស្ត្រ, សាលាច្បាប់, សាលាគ្រប់គ្រង, សាលាវេជ្ជសាស្ត្រ, សាលាតន្ត្រី, សាលាគិលានុបដ្ឋាយិកា, កម្មវិធីជំនួយរបស់គ្រូពេទ្យ, សាលាសុខភាពសាធារណៈ និងវិទ្យាស្ថានតន្ត្រី។
អាហារូបករណ៍នឹងគាំទ្រដល់បេក្ខជនជ័យលាភីអាហារូបករណ៍ដូចជា គ្រប់បណ្ដប់១០០%នៃតម្រូវការហិរញ្ញវត្ថុនៃការសិក្សាដែលមានតម្លៃជាមធ្យមលើសពី៥០.០០០ដុល្លារ ។ អាហារូបករណ៍ផ្ដល់ជូននិស្សិតនឹងពិនិត្យទៅលើចំណូលរបស់ឪពុកម្ដាយរបស់បេក្ខជនផងដែរ ដោយសិស្សដែលឪពុកម្តាយរកបានតិចជាង ៦៥.០០០$ក្នុងមួយឆ្នាំនឹងទទួលបានអាហារូបករណ៍ពេញលេញ។
លក្ខណៈវិនិច្ឆ័យសិទ្ធិទទួលបានអាហារូបករណ៍ បេក្ខជនត្រូវមាន ចំណេះដឹងភាសាអង់គ្លេស TOEFL និង IELTS, ជាក្មេងកំព្រា ឬមកពីគ្រួសារដែលមានជីវភាពខ្វះខាត ឬប្រាក់ចំណូលទាប។ ជាមួយគ្នានេះបេក្ខជនត្រូវភ្ជាប់ជាមួយឯកសារចាំបាច់មួយចំនួនដូចជា លិខិតអនុសាសន៍ចំនួន២ច្បាប់ ប្រតិចារិក និងប្រវត្តិរូបសង្ខេបផ្ទាល់ខ្លួន។
បេក្ខជនដែលមានចំណាប់អារម្មណ៍ក្នុងការដាក់ពាក្យថ្នាក់បរិញ្ញាបត្រសូមចូលទៅកាន់តំណភ្ជាប់ https://world.yale.edu/admissions ចំណែកបេក្ខជនដែលមានចំណាប់អារម្មណ៍ដាក់ពាក្យថ្នាក់បរិញ្ញបត្រជាន់ខ្ពស់ និងថ្នាក់បណ្ឌិតសូមចូលទៅកាន់តំណភ្ជាប់ https://finaid.yale.edu/graduate-aid/graduate-financial-aid-offices ។ កាលបរិច្ឆេទផុតកំណត់ទទួលពាក្យនឹងទៅតាមជំនាញដែលស្នើពាក្យ៕
