សៅ កូរីរដ្ឋា យុវតីមកពីខេត្តព្រះវិហារ ឡើង​មករៀនជំនាញផលិតនំដល់ភ្នំពេញ ដើម្បីសម្រេចក្តីស្រមៃបើកអាជីវកម្មនៅស្រុកកំណើត

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

ដើម្បីសម្រេចក្តីស្រមៃ និងមានជំនាញមួយ​ច្បាស់លាស់ក្នុងជីវិត យុវតី សៅ កូរីរដ្ឋា បានចាកចេញពីស្រុកកំណើត​នៅ​ខេត្តព្រះវិហារ មក​កាន់រាជធានីភ្នំពេញ ដើម្បីរៀនផលិតនំ នៅ​វិទ្យាស្ថាន​សហគ្រិនភាព និងនវានុវត្តន៍ ក្រោម​​គម្រោង​របស់​កម្មវិធីបណ្តុះបណ្តាលជំនាញ​បច្ចេកទេស និង​វិជ្ជាជីវៈ ដល់​យុវជន​មកពីគ្រួសារក្រីក្រ និងគ្រួសារងាយរងហានិភ័យ ១,៥លាននាក់របស់រាជរដ្ឋាភិបាល។

យុវតី សៅ កូរីរដ្ឋា និយាយថា ជំនាញផលិតនំនេះ គឺនាង​ត្រូវ​សិក្សា​រយៈពេលប្រាំមួយខែ ដោយសិក្សាអំពីការផលិតនំ និងដុតនំជាច្រើនប្រភេទផ្សេងៗគ្នា។ កូរីរដ្ឋា បន្តថា ត្បិតទើបតែរៀនបាន​រយៈពេល​មួយខែក៏ពិតមែន ប៉ុន្តែនាងបានរៀន និងស្វែងយល់បានច្រើន​អំពីការផលិតនំ ខណៈការបង្រៀនរបស់លោកគ្រូ អ្នកគ្រូ ក៏​មានការបង្ហាត់បង្ហាញច្បាស់លាស់ ដិតដល់ និងយកចិត្តទុកដាក់។

កូរីរដ្ឋា បន្ថែមថា ក្នុងអំឡុងពេលរៀនជំនាញធ្វើនំបានមួយខែនេះ នាងអាចរៀនធ្វើនំបានមួយចំនួននៅផ្ទះដោយខ្លួនឯង ទោះប្រភេទនំខ្លះមិនទាន់មានឧបករណ៍គ្រប់គ្រាន់ក្នុងការផលិត ប៉ុន្តែនាងតែងតែយកចិត្តទុកដាក់ និងកត់ត្រារូបមន្តផ្សេងៗទុក និងតាមដានសួរគ្រូបន្ថែមនៅពេលមានចម្ងល់ជានិច្ច។

សិក្ខាកាមរូបនេះបានបន្តថា វគ្គសិក្សារយៈពេល៦ខែនេះ មិនមែនជារយៈពេលវែងពេក ឬខ្លីពេកសម្រាប់ការសិក្សានោះទេ ព្រោះថា មានពេលវេលាគ្រប់គ្រាន់សម្រាប់ការរៀន និងស្វែងយល់ ថែមទាំងទទួលបានឱកាសហាត់ការងារជាមួយកន្លែងហាត់ការដែលជាដៃគូសហការណ៍របស់សាលាផងដែរ។​ យុវតីមកពីខេត្តព្រះវិហាររូបនេះបន្តថា ប្រសិនបើរៀនដុតនំ នៅខាងក្រៅក៏មិនមានការសិក្សាដែលមានរយៈពេលដូចនេះដែរ ហើយ​ត្រូវ​បង់លុយដើម្បីរៀនទៀតផង ដូច្នេះក្នុងរយៈពេលនេះ នាងគិតថា គឺជាពេលវេលាសមស្របបំផុតសម្រាប់រៀន ដើម្បីទទួលបានជំនាញមួយច្បាស់លាស់។

បើតាម យុវតី កូរីរដ្ឋា ជំនាញធ្វើនំ និងដុតនំនេះ គឺគេសិក្សាអំពីរូបមន្តនៃការលាយម្សៅនំ របៀបលាយគ្រឿងផ្សំ ស្គាល់សម្ភារៈដែលត្រូវមានក្នុងការផលិតនំ ការធ្វើនំដែលមានរូបរាងខុសៗគ្នា និងការស្វែងយល់ពីការបង្កើតថ្មី និងការអភិវឌ្ឍន៍ផ្នែកនេះផងដែរ។

សៅ កូរីរដ្ឋា យល់ឃើញថា ជំនាញដុតនំ ឬការផលិតនំ មានសារៈសំខាន់ជាងគេក្នុងវិស័យអាហារូបត្ថម្ភ និងសេដ្ឋកិច្ចសង្គម ព្រោះជំនាញនេះ អាចឱ្យ​យើង​ផ្គត់ផ្គង់អាហារដែលមានគុណភាព និងប្រភេទសំបូរបែបទៅកាន់សហគមន៍។ ជំនាញដុតនំនេះ មិនត្រឹមតែជួយឱ្យប្រជាជនបានទទួលអាហារចំណីប្រកបដោយអនាម័យ និងរសជាតិផ្អែមឆ្ងាញ់ប៉ុណ្ណោះទេ ថែមទាំងជួយបង្កើតការងារក្នុងវិស័យកែច្នៃអាហារដ៏ធំមួយផងដែរ។ បន្ថែមពីនេះ ជំនាញដុតនំ ក៏អាចជួយជំរុញការលូតលាស់សេដ្ឋកិច្ចតាមរយៈការបើកអាជីវកម្មថ្មីៗទាក់ទងនឹងផលិតផលនំ ហើយអ្នកដែលមានជំនាញផលិតនំនេះ អាចផ្តល់នូវបរិយាកាសផ្តោតលើវប្បធម៌អាហារដែលជំរុញសុភមង្គល និងសុខភាពល្អនៅក្នុងសង្គម។

បន្ទាប់ពីបញ្ចប់ជំនាញផលិតនំនេះ យុវតី សៅ កូរីរដ្ឋា នឹងមានគម្រោងរៀនជំនាញឆុងកាហ្វេមួយទៀត ហើយបន្ទាប់​មក​នាងនឹង​ស្វែងរកការងារធ្វើដើម្បីសន្សំបទពិសោធន៍ក្នុងផ្នែកនេះឱ្យបានច្រើន មុនវិលត្រឡប់​ទៅស្រុកកំណើតវិញ ដើម្បីបើកអាជីវកម្មផ្ទាល់ខ្លួនក្នុងក្តីស្រមៃ។

យុវតី សៅ កូរីរដ្ឋា ក៏​សូមលើកទឹកចិត្តដល់យុវជន យុវនារីទាំងអស់ដែលចង់រៀន ចង់ចេះជំនាញមួយច្បាស់លាស់ក្នុងខ្លួនអាចស្វែងរកឱកាសសិក្សាជំនាញផ្សេងៗដែលស្ថិតក្រោមកម្មវិធី​បណ្តុះបណ្តាល​ជំនាញវិជ្ជាជីវៈ និង​បច្ចេកទេស ដល់យុវជន​មក​ពី​គ្រួសារក្រីក្រ និង​គ្រួសារងាយរងហានិភ័យ ១,៥លាននាក់របស់រាជរដ្ឋាភិបាល នៅតាមបណ្ដាគ្រឹះស្ថានសិក្សានានាទាំងរាជធានីភ្នំពេញ និងតាមបណ្ដាខេត្តនានា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសផ្លាស់ប្ដូរការសិក្សារយៈពេលខ្លីនៅប្រទេសសឹង្ហបុរី និងប្រទេសវៀតណាមពីកម្មវិធី ASEAN SUMMER NTU

ព័ត៌មានអាហារូបករណ៍, ព្រឹត្តិការណ៍

• 31/01/2024

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច(RULE)ប្រកាសជ្រើសរើសនិស្សិតដែលកំពុងសិក្សានៅ RULE ទៅផ្លាស់ប្ដូរសិក្សារយៈពេលខ្លីនៅសាកលវិទ្យាល័យ Nanyang ...

អាហារូបករណ៍ថ្នាក់បរិញ្ញាបត្ររងចំនួន១០០កន្លែងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ

ព័ត៌មានអាហារូបករណ៍, ព្រឹត្តិការណ៍

• 17/12/2024

ឱកាសសិក្សាអាហារូបករណ៍ថ្នាក់បរិញ្ញាបត្ររងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនចំនួន១០០កន្លែង តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហា...

អាហារូបករណ៍ថ្នាក់ឧត្ដមសិក្សាពីកម្មវិធី Canada-ASEAN នៅប្រទេសកាណាដា ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 25/03/2025

ឱកាសសិក្សាថ្នាក់ឧត្ដមសិក្សា និងក្រោយឧត្ដមសិក្សា ពីកម្មវិធី Canada-ASEAN Scholarships and Educational Exchanges for Development (SEED) ឆ្នាំសិក្សា២០២៥ ។

ឱកាស​អាហារូបករណ៍ជំនាញបច្ចេកទេស និង​វិជ្ជាជីវៈ ចំនួន៣១៥កន្លែង នៅ​វិទ្យាស្ថានពហុបច្ចេកទេស​ខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 14/02/2025

វិទ្យាស្ថានពហុបច្ចេកទេស​ខេត្តកំពង់ឆ្នាំង ប្រកាសជ្រើសរើសសិស្ស​ទាំងពីរ​ភេទ​ឱ្យ​ចូលរៀន​ជំនាញ​បច្ចេកទេស និង​វិជ្ជាជីវៈ ដោយ​ឥតគិតថ្លៃសរុបចំនួន ៣១៥នាក់។

ឱកាសសិក្សាថ្នាក់បរិញ្ញាបត្រជាន់ខ្ពស់បណ្ឌិតផ្នែក AI នៅសាកលវិទ្យាល័យជាតិ Chungbok ប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 05/04/2023

ជាឱកាសសម្រាប់អ្នកចង់បន្ត​ការសិក្សា​ លើជំនាញ AI Processor Chip Design និង AI Deep Learning Image Recognition ពេល​នេះ​សាកលវិទ្យាល័យជាតិ Chungbok ...

អាហារូបករណ៍ថ្នាក់បណ្ឌិតពេញថ្លៃ នៅ Hanyang University ប្រទេសកូរ៉េខាងត្បូង សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 05/11/2026

សាកលវិទ្យាល័យ Hanyang University នៃប្រទេសកូរ៉េខាងត្បូង បានប្រកាសផ្តល់អាហារូបករណ៍ថ្នាក់បណ្ឌិត (PhD) ពេញថ្លៃ ដល់និស្សិតអន្តរជាតិ

អាហារូបករណ៍ថ្នាក់បរិញ្ញាបត្រ១០០កន្លែងនៅសាកលវិទ្យាល័យសម្ដេចព្រះមហាសង្ឃរាជ បួរ គ្រី ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 17/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យសម្ដេចព្រះមហាសង្ឃរាជ បួរ​ គ្រី ចំនួន១០០កន្លែង សម្រាប់ឆ្នាំសិក្សា២០២៥-២០២៦ ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ។

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពី Chulabhorn Postgraduate Scholarship ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 06/07/2023

កម្មវិធីអាហារូបករណ៍ Chulabhorn Postgraduate Scholarship in Thailand ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសថៃ ។...

សាកលវិទ្យាល័យ Mae Fah Lung ប្រទេសថៃ ផ្តល់អាហារូបករណ៍ថ្នាក់បរិញ្ញាបត្រ​សម្រាប់ឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 22/03/2023

ភ្នំពេញ - សាកលវិទ្យាល័យ Mae Fah Lung នៃប្រទេសថៃ បានប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន២កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូន...