ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ប្រកាសជ្រើសរើសនិស្សិតឱ្យសិក្សាអាហារូបករណ៍ចំនួន៥០កន្លែងឆ្នាំសិក្សា២០២៣ ។ អាហារូបករណ៍សិក្សារយៈពេល៤ខែ និងសម្រាប់និស្សិតទាំងពីរភេទដែលកំពុងសិក្សាផ្នែកព័ត៌មានវិទ្យាតែប៉ុណ្ណោះ ។
ជំនាញដែលអាហារូបករណ៍ផ្ដល់ជូនរួមមាន Java programming, Git, Database Essential, Web Design, និង Software Development Life Cycle ។ ដោយអាហារូបករណ៍នឹងផ្ដល់វេនសិក្សាចំនួន២វេនគឺ ច័ន្ទ-សុក្រ វេនទី១ពេលព្រឹកម៉ោង៨:០០នាទី ដល់ម៉ោង ១១:៣០នាទី និងវេនទី២ពេលរសៀលម៉ោង១:៣០នាទី ដល់ ៥:០០នាទីល្ងាច ។
ដោយឡែកបេក្ខជនអាហារូបករណ៍នឹងទទួលបានអត្ថប្រយោជន៍ដូចជាការសិក្សាដោយឥតគិតថ្លៃពេញលេញ១០០% ទទួលបានចំណេះដឹងមូលដ្ឋានគ្រឹះច្បាស់លាស់ដើម្បីជាទុនក្នុងការចាប់ជំនាញផ្សេងទៀតដូចជា Front-end development, Back-end development, DevOps, Cyber Security, Blockchain និង Data Analytics ។
កាលបរិច្ឆេទនៃការប្រឡងជ្រើសរើសនិស្សិតនឹងធ្វើឡើងដោយការប្រឡងសរសេរដៃថ្ងៃទី១៧ ខែមិថុនា ឆ្នាំ២០២៣, ការសម្ភាសន៍នៅថ្ងៃទី២៥ ខែមិថុនា ឆ្នាំ២០២៣ ។ ជាមួយគ្នានេះ វិញ្ញាសាប្រឡងនឹងប្រព្រឹត្តិទៅលើ២មុខវិជ្ជាគឺ ភាសាអង់គ្លេស និង Technology Information ។
ដើម្បីធ្វើការដាក់ពាក្យ និស្សិតដែលមានចំណាប់អារម្មណ៍សូមចូលទៅកាន់ https://forms.gle/CGa3TxmRNZ8Q1HBh8 ដើម្បីបំពេញពាក្យ ។ សម្រាប់
ព័ត៌មានបន្ថែមសូមទំនាក់ទំនងទៅកាន់វិទ្យាស្ថាន ISTAD ដែលមានអាស័យដ្ឋានផ្ទះលេខ២៤ ផ្លូវលេខ៥៦២ សង្កាត់បឹងកក់១ ខណ្ឌទួលគោក រាជធានីភ្នំពេញ។
គួរបញ្ជាក់ដែរថា ករណីដែលមានការប្រែប្រួលអំពីកាលបរិច្ឆេទនៃការប្រឡង ខាងសាលានឹងជូនដំណឹងតាមក្រោយ ។ ផុតកំណត់ទទួលពាក្យថ្ងៃទី ១៣ ខែមិថុនា ឆ្នាំ២០២៣ ៕
