ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈកម្មវិធី TVET 1.5M របស់រាជរដ្ឋាភិបាល វិទ្យាស្ថានជាតិពហុបច្ចេកទេសអង្គរ ដែលមានទីតាំងស្ថិតនៅក្នុងក្រុងសៀមរាប បានប្រកាសផ្តល់អាហារូបករណ៍ក្នុងការសិក្សាជំនាញធុរកិច្ចភេសជ្ជៈដោយឥតគិតថ្លៃ ទៅដល់យុវជន និងអ្នកកំពុងត្រូវការជំនាញ។
ការសិក្សាដែលទទួលបានពីជំនាញនេះរួមមាន ៖ យល់ដឹងពីការឆុងកាហ្វេ និងភេសជ្ជៈ, ណែនាំទូទៅអំពីការឆុងកាហ្វេ, ឆុងកាហ្វេក្តៅ, ឆុងកាហ្វេត្រជាក់, ធ្វើភេសជ្ជៈប្រភេទទូទៅ និងតែពិសេស, ធ្វើភេសជ្ជៈប្រភេទផ្លែឈើ, ធ្វើភេសជ្ជៈប្រភេទសូកូឡា ទឹកដោះគោស្រស់ និង វ៉ាន់នីឡា។
លក្ខខណ្ឌ ៖ យុវជនមកពីគ្រួសារក្រីក្រ (បណ្ណក្រីក្រ ១ , ក្រីក្រី ២ ឬបណ្ណគ្រួសារងាយរងហានិភ័យ ទទួលបានប្រាក់ឧបត្ថម្ភប្រចាំខែចំនួន ២៨០,០០០រៀល/ខែ និងសិក្សាឥតគិតថ្លៃ ), យុវជនមកពីគ្រួសារដែលមានសមាជិកមានបណ្ណសម្គាល់មានពិការភាពឬបណ្ណមូលនិធិសមធម៌សុខាភិបាល(ពណ៌លឿង) ឬយុវជនដែលឧទ្ទេសនាមដោយរដ្ឋបាលរាធានី, ខេត្ត, ក្រុង, ស្រុក,ខណ្ឌ ទទួលបានការសិក្សាដោយមិនបង់ប្រាក់, មានអាយុចាប់ពី ១៥ ឆ្នាំឡើងទៅ, មានអត្តសញ្ញាណបណ្ណខ្មែរ ឬសំបុត្រកំណើត។
សម្រាប់ព័ត៌មានលម្អិត សូមទំនាក់ទំនងទៅកាន់ទូរស័ព្ទលេខ 087 527 876 / 077 489 398 ឬអាចទៅកាន់វិទ្យាស្ថានដោយផ្ទាល់ ដែលមានអាសយដ្ឋាននៅ តាមបណ្ដោយផ្លូវវិថីសម្ដេចវិបុល សុខ អាន (ចម្ងាយពីរង្វង់មូលអប្សរាឆ្ពោះទៅកើត១៥០០ម៉ែត្រ) ក្នុងសៀមរាប ខេត្តសៀមរាប៕
