ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា កាលពីពេលថ្មីៗនេះបានប្រកាសដល់សិស្ស និស្សិត និងមន្រ្តីរាជការកម្ពុជា ដែលមានបំណងចង់បន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រនៅព្រះរាជាណាចក្រថៃ ដោយពេលនេះ គម្រោងព្រះរាជូបត្ថម្ភដល់ព្រះរាជាណាចក្រកម្ពុជា លើវិស័យអប់រំរបស់ព្រះអង្គម្ចាស់ក្សត្រីមហាចក្រី សិរិថន បានប្រកាសផ្តល់អាហារូបករណ៍ចំនួន៥៥កន្លែង ទៅសិក្សានៅតាមគ្រឹះស្ថានអប់រំប្រមាណ២០ ក្នុងព្រះរាជាណាចក្រថៃ។
លក្ខខណ្ឌ នៃការចុះឈ្មោះជាបេក្ខជន ៖ សម្រាប់ថ្នាក់បរិញ្ញាបត្រជាន់ខ្ពស់ បេក្ខជនត្រូវមានសញ្ជាតិខ្មែរ, មានសញ្ញាបត្របរិញ្ញាបត្រ (ភ្ជាប់ព្រឹត្តិបត្រពិន្ទុ), មានអាយុយ៉ាងច្រើន ៤០ឆ្នាំ (គិតដល់ថ្ងៃដាក់ពាក្យ), មានចំណេះដឹងភាសាអង់គ្លេសជ្រៅជ្រះ, មានបទពិសោធន៍ការងាររដ្ឋ/អង្គការផ្សេងៗ/ក្រុមហ៊ុនឯកជនយ៉ាងតិច ២ឆ្នាំ, សរសេរ CV ជាភាសាអង់គ្លេស ឬថៃ, មានសុខភាពល្អបរិបូរណ៍ទាំងកាយសម្បទា និងសតិបញ្ញា។ សម្រាប់ថ្នាក់បរិញ្ញាបត្រ បេក្ខជនត្រូវមានសញ្ជាតិខ្មែរ, មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសមមូល, មានអាយុយ៉ាងច្រើន ២៥ឆ្នាំ (គិតដល់ថ្ងៃដាក់ពាក្យ), មានសុខភាពល្អបរិបូរណ៍ទាំងកាយសម្បទា និងសតិបញ្ញា។
ការទទួលពាក្យនឹងចាប់ផ្តើមពីថ្ងៃផ្សាយដំណឹងនេះ រហូតដល់ថ្ងៃទី៦ ខែធ្នូ ឆ្នាំ២០២៤ វេលាម៉ោង៤រសៀល នៅនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន ដែលមានអាសយដ្ឋាន អគារលេខ២៣ ផ្លូវ៣៦០ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។ កាលបរិច្ឆេទនៃការប្រឡង ៖ ថ្ងៃទី១៥ ខែធ្នូ ឆ្នាំ២០២៤។
ផ្អែកលើលទ្ធផលប្រឡងជំហានទី១ បេក្ខជនចំនួន ២៥០នាក់ ដែលត្រូវបានជ្រើសរើស នឹងត្រូវចូលរួមប្រឡង និងសម្ភាសន៍ជំហានទី២ ដែលសហការរៀបចំដោយក្រសួងអប់រំ យុវជន និងកីឡា ជាមយយភាគីគម្រោងនាថ្ងៃទី២៣ ដល់ថ្ងៃទី២៦ ខែធ្នូ ឆ្នាំ២០២៤។
ចំពោះព័ត៌មានលម្អិតផ្សេងៗទៀទាក់ទងនឹងអាហារូបករណ៍នេះ បេក្ខជនអាចសាកសួរដោយផ្ទាល់នៅនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន តាមអាសយដ្ឋានខាងលើ ឬតាមរយៈទូរស័ព្ទលេខ ០៩៨ ៩៨៩ ៧៨៩ និង ០៩៥ ៦២៤ ៨៩៥៕
