ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ DAAD MIDE 2026 បានប្រកាសផ្តល់អាហារូបករណ៍សម្រាប់និស្សិតអន្តរជាតិពីប្រទេសកំពុងអភិវឌ្ឍ ដើម្បីទៅសិក្សាថ្នាក់បរិញ្ញាបត្រជាន់ខ្ពស់សេដ្ឋកិច្ចអន្តរជាតិ និងការអភិវឌ្ឍ (Master) នៅសាកលវិទ្យាល័យ HTW Berlin University of Applied Sciences។
អត្ថប្រយោជន៍ដែលនិស្សិតទទួលបាន ៖ សំបុត្រយន្តហោះ, ប្រាក់ឧបត្ថម្ភប្រចាំខែ €934, ថ្លៃស្នាក់នៅ និងថ្លៃធានារ៉ាប់រងសុខភាព។
លក្ខខណ្ឌនៃការជ្រើសរើស ៖ មានសញ្ជាតិខ្មែរ, មានបទពិសោធន៍ការងារយ៉ាងហោចណាស់ ២ឆ្នាំ, បានបញ្ចប់បរិញ្ញាបត្រមិនលើស ៦ឆ្នាំ និងមានជំនាញភាសាអង់គ្លេសល្អ។
ព័ត៌មានលម្អិត និងដាក់ពាក្យតាមរយៈតំណរលីងនេះ ។ ផុតកំណត់ដាក់ពាក្យ 31 សីហា 2025។
សូមជំរាបថា សាកលវិទ្យាល័យ HTW Berlin ជាសាកលវិទ្យាល័យធំបំផុតនៅទីក្រុងប៊ែកឡាំង ដោយផ្តល់កម្មវិធីថ្នាក់អនុបណ្ឌិតរយៈពេល 18 ខែទៅលើជំនាញ “សេដ្ឋកិច្ចអន្តរជាតិ និងការអភិវឌ្ឍន៍” (MIDE) ដែលបង្រៀនជាភាសាអង់គ្លេសទាំងស្រុង។
កម្មវិធីអនុបណ្ឌិតផ្នែកសេដ្ឋកិច្ចអន្តរជាតិ និងអភិវឌ្ឍន៍ត្រូវបានបង្កើតឡើងដើម្បីបង្កើនការយល់ដឹងអំពីសេដ្ឋកិច្ចអភិវឌ្ឍន៍ បរិបទសេដ្ឋកិច្ចអន្តរជាតិដែលការអភិវឌ្ឍន៍សេដ្ឋកិច្ចសង្គមកើតឡើង និងវិស័យសំខាន់ៗ និងផ្នែកគោលនយោបាយដែលពាក់ព័ន្ធសម្រាប់ប្រទេសកំពុងអភិវឌ្ឍន៍ ដោយផ្តោតលើស្ថាប័នហិរញ្ញវត្ថុ បញ្ហាបរិស្ថាន និងសហគ្រាសសាធារណៈ៕
