ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ចាប់ផ្ដើមពីអាយុ ១០ឆ្នាំ ខួរក្បាលរបស់កុមារឆ្លងកាត់ការផ្លាស់ប្ដូរជាមូលដ្ឋានជាច្រើន ដែលធ្វើឱ្យពួកគេចង់បានការយកចិត្តទុកដាក់ និងការទទួលស្គាល់ពីមិត្តភក្ដិ និងមនុស្សជុំវិញខ្លួន។
ស្របពេលជាមួយគ្នានេះ អាណាព្យាបាលមួយចំនួនបានផ្ដល់ទូរស័ព្ទឱ្យមនុស្សវ័យក្មេង ដែលធ្វើឱ្យពួកគេមានឱកាស ប្រើប្រាស់ប្រព័ន្ធផ្សព្វផ្សាយ និងបណ្ដាញសង្គម ដូចជា Facebook, Instagram, YouTube, TikTok និង Snapchat ជាដើម។ នេះជាពេលមួយដែលពួកគេអាចភ្ជាប់ទំនាក់ទំនងបានច្រើនជាមួយអ្នកដទៃ ប៉ុន្តែសកម្មភាពនេះ ក៏ផ្សារភ្ជាប់ទៅនឹងបញ្ហាសុខភាពផ្លូវចិត្ត មួយចំនួន ដូចជា ការថប់បារម្ភ ការធ្លាក់ទឹកចិត្ត និងការព្រួយបារម្ភអំពីសម្រស់ និងរូបភាពរាងកាយ។
របាយការណ៍ស្រាវជ្រាវបង្ហាញថា នៅអាយុចន្លោះពី ១០ ទៅ១២ឆ្នាំ ខួរក្បាលកុមារចាប់ផ្ដើមផលិតអរម៉ូនរីករាយ ដូចជា អុកស៊ីតូស៊ីន និងដូប៉ាមីន ហើយការកើនឡើងនៃសារធាតុនេះក្នុងខួរក្បាល បានធ្វើឱ្យក្មេងជំទង់កាន់តែមានភាពរស៊ើបចំពោះការយកចិត្តទុកដាក់ និងការកោតសរសើរពីអ្នកដទៃ។
លោក Mitch Prinstein ប្រធានផ្នែកវិទ្យាសាស្ត្ររបស់ APA លើកឡើងថា ការចំណាយពេលជាមួយប្រព័ន្ធផ្សព្វផ្សាយសង្គម បានផ្សារភ្ជាប់យ៉ាងខ្លាំងទៅនឹងការជំរុញការបញ្ចេញ អុកស៊ីតូស៊ីន និងអុកស៊ីតូស៊ីន ដែលធ្វើឱ្យពួកគេ ទទួលអារម្មណ៍រំភើប និងរីករាយ ដែលធ្វើឱ្យពួកគេពិបាកផ្ដាច់ខ្លួនពីបណ្ដាញសង្គម និងឈានទៅដល់ការចំណាយពេលច្រើនហួសហេតុជាមួយអេក្រង់។
ការស្រាវជ្រាវនៅឆ្នាំ២០១៩ បានបង្ហាញពីភាពងាយរងគ្រោះ ដោយសារកត្តាជីវសាស្ត្រ នៃការប្រើប្រាស់បណ្ដាញសង្គម ទៅលើជីវិតកុមារ និងក្មេងជំទង់។ អ្នកប្រើប្រាស់វ័យក្មេង ទំនងជាមានបញ្ហារូបភាពរាងកាយ ខណៈដែលក្មេងៗ ដែលប្រើ Instagram និង Snapchat មុនអាយុ ១១ឆ្នាំ ប្រឈមនឹងហានិភ័យខ្ពស់ នៃការបៀតបៀនតាមអនឡាញ។
ដើម្បីធានាថាកុមារ មានសុវត្ថិភាពលើបណ្ដាញសង្គម អាណាព្យាបាលត្រូវកំណត់ពេលវេលាសម្រាប់កូនៗប្រើប្រាស់បច្ចេកវិទ្យា គ្រប់គ្រង និងជជែកជាមួយកូនៗអំពីការប្រើប្រាស់បណ្ដាញសង្គមឱ្យបានត្រឹមត្រូវ បង្ហាញភាពជាគម្រូក្នុងការប្រើប្រាស់បណ្ដាញសង្គមឱ្យបានត្រឹមត្រូវ និងតាមដានអាកប្បកិរិយារបស់កូន ចំពោះការប្រើប្រាស់បណ្ដាញសង្គមឱ្យបានជាប់លាប់៕
