ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Monash ប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិជាច្រើនកន្លែង ។ អាហារូបករណ៍ផ្ដល់ជូនវគ្គសិក្សាថ្នាក់បណ្ឌិត ថ្នាក់បរិញ្ញាបត្រជាន់ខ្ពស់ស្រាវជ្រាវ ក៏ដូចជាការផ្ទេរវគ្គសិក្សាជាដើម។
បេក្ខជនអាចស្នើពាក្យសិក្សាថ្នាក់បរិញ្ញាបត្រជាន់ខ្ពស់នៅមហាវិទ្យាល័យជាច្រើនដូចជា មហាវិទ្យាល័យសិល្បៈ រចនា និងស្ថាបត្យកម្ម, មហាវិទ្យាល័យសិល្បៈ, មហាវិទ្យាល័យវិស្វកម្ម, មហាវិទ្យាល័យច្បាប់, មហាវិទ្យាល័យវេជ្ជសាស្ត្រគិលានុបដ្ឋាយិកា និងវិទ្យាសាស្ត្រសុខាភិបាល, និងមហាវិទ្យាល័យវិទ្យាសាស្ត្រ ។
សម្រាប់ថ្នាក់បណ្ឌិតមាន ការសិក្សាលើឯកទេសនៃការសម្ដែងតន្ត្រី, ឯកទេសនៃការសិក្សាបកប្រែ, ឯកទេសសារព័ត៌មាន, ទស្សនវិជ្ជា(ចិត្តវិទ្យា), ថ្នាក់បណ្ឌិតអប់រំ និងថ្នាក់បណ្ឌិតជាន់ខ្ពស់ ។
លក្ខខណ្ឌសម្រាប់ថ្នាក់បរិញ្ញាបត្រជាន់ខ្ពស់ បេក្ខជនត្រូវមានប្រវត្តិរូបសង្ខេបផ្ទាល់ខ្លួនអំពីចំណាប់អារម្មណ៍, សញ្ញាបត្រថ្នាក់បរិញ្ញាបត្រ ដែលមានជំនាញពាក់ព័ន្ធ ឬសមមូល, Cover letter, ប្រវត្តិសិក្សាស្រាវជ្រាវ (បើមាន) ។
បេក្ខជនសិក្សាថ្នាក់បរិញ្ញាបត្រជាន់ខ្ពស់ត្រូវមានសំណើស្រាវជ្រាវ និងរៀបរាប់អំពីការស្រាវជ្រាវទៅតាមសំណួរដែលអាហារូបករណ៍តម្រូវដូចជា សំណួរស្រាវជ្រាវ, ប្រវត្តិនៃការស្រាវជ្រាវ, គោលបំណងនៃការស្រាវជ្រាវ, វិធីសាស្រ្តនៃការស្រាវជ្រាវ, ឧទាហរណ៍នៃការអនុវត្តប្រៀបធៀបជាការស្រាវជ្រាវ និងអក្សរសិល្ប៍ពាក់ព័ន្ធ, រចនាសម្ព័ន្ធដែលបានស្នើឡើងនៃគម្រោងអនុវត្ត។
សម្រាប់ថ្នាក់បណ្ឌិតវិញ ត្រូវមានសញ្ញាបត្រថ្នាក់បរិញ្ញាបត្រដែលសិក្សាជំនាញពាក់ព័ន្ធ និងបរិញ្ញាបត្រជាន់ខ្ពស់រួមជាមួយបទពិសោធន៍ការងារ, និក្ខេបបទសិក្សាស្រាវជ្រាវ ។ លើសពីនេះត្រូវមានសំណើស្រាវជ្រាវដោយភ្ជាប់ជាមួយសំណួរស្រាវជ្រាវ, ប្រវត្តិនៃការស្រាវជ្រាវ, គោលបំណងនៃការស្រាវជ្រាវ, វិធីសាស្រ្តនៃការស្រាវជ្រាវ, ឧទាហរណ៍នៃការអនុវត្តប្រៀបធៀបជាការស្រាវជ្រាវ និងអក្សរសិល្ប៍ពាក់ព័ន្ធ, រចនាសម្ព័ន្ធដែលបានស្នើឡើងនៃគម្រោងអនុវត្ត។
សម្រាប់ព័ត៌មានលម្អិតអាចចូលទៅកាន់តំណភ្ជាប់ ៖ https://www.monash.edu/graduate-research/study/apply#tabs__2347545-02 ។ ផុតកំណត់ទទួលពាក្យថ្ងៃទី៣១ ខែសីហា ឆ្នាំ២០២៣៕
