ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ថ្លែងក្នុងកម្មវិធីប្រកួត Think!Think! World Cup ថ្នាក់ជាតិ កាលពីថ្ងៃទី១៤ ខែមករា ឆ្នាំ២០២៣កន្លងទៅ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា ការរៀន STEM តាំងពីកុមារភាព និងអភិវឌ្ឍបំណិនសតវត្សរ៍ទី២១ វាពិតជាមានសារៈសំខាន់ណាស់នៅក្នុងសង្គមដែលផ្លាស់ប្តូរយ៉ាងឆាប់រហ័សនេះ។
ឯកឧត្តមបណ្ឌិតសភាចារ្យ ហង់ជួន ណារ៉ុន បញ្ជាក់បន្ថែមថា កម្មវិធីប្រកួត Think!Think! World Cup គឺជាឱកាសដ៏ល្អដែលអាចទាញចំណាប់អារម្មណ៍សិស្សានុសិស្សឱ្យចាប់អារម្មណ៍លើ STEM ។
លោកស្រី ហារ៊ុកុ កាមិអិ ប្រធានតំណាង JICA ប្រចាំកម្ពុជា មានប្រសាសន៍ថា Think!Think! គឺជាសេវាកម្មអប់រំរបស់ប្រទេសជប៉ុនដ៏លេចធ្លោមួយ ដែលត្រូវបានទទួលស្គាល់យ៉ាងច្បាស់លាស់ សម្រាប់កម្មវិធី EdTech ដែលជាបច្ចេកវិទ្យាអប់រំ ដ៏ល្អឥតខ្ចោះសម្រាប់កុមារនៅក្នុងប្រទេសជប៉ុន និងនៅទូទាំងពិភពលោក។
ជាមួយគ្នានេះ កម្មវិធី Think!Think! ជាកម្មវិធីមកពីប្រទេសជប៉ុនដើម្បីអភិវឌ្ឍជំនាញ STEM និងជំនាញសតវត្សរ៍ទី២១ របស់សិស្ស ។ លើសពីនេះ វាមានភាពល្បីល្បាញដោយសារការទទួលបានពានរង្វាន់កម្មវិធីអប់រំលេខ១របស់ប្រទេសជប៉ុននិង កម្មវិធីល្អបំផុតរបស់ Google សម្រាប់កុមារដែលអ្នកប្រើប្រាស់ជាង២០ម៉ឺននាក់នៅទូទាំងពិភពលោក។
សូមជម្រាបថា កម្មវិធីប្រកួត Think!Think! World Cup ថ្នាក់ជាតិ ជាផ្នែកមួយនៃខួប៧០ឆ្នាំ នៃទំនាក់ទំនងការទូតរវាងប្រទេសកម្ពុជា និងជប៉ុន បានរៀបចំឡើងដើម្បីលើកទឹកចិត្តសិស្សានុសិស្សកាន់តែច្រើនក្នុងប្រទេសកម្ពុជាឱ្យសិក្សា STEM តាំងពីវ័យកុមារជាមួយនឹងបច្ចេកវិទ្យាអប់រំពីប្រទេសជប៉ុន។ ទន្ទឹមនោះ មានសិស្សានុសិស្សកម្ពុជាប្រមាណ ៤០០០ នាក់បានចូលរួមការប្រកួតប្រជែងជំនាញ STEM ជាមួយគ្នានៅលើកម្មវិធី Think!Think នេះ៕
