ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រ ពីអង្គការសហគមន៍យើង ក្នុងឆ្នាំសិក្សា២០២៦សម្រាប់សិស្សជាប់ថ្នាក់ទី១២ ឬកំពុងសិក្សាថ្នាក់ទី១២។ អាហារូបករណ៍ផ្ដល់ជូនសម្រាប់សិក្សានៅក្នុងខេត្តសៀមរាប។
លក្ខខណ្ឌក្នុងជ្រើសរើស ៖ ជាសិស្សដែលជាប់ថ្នាក់ទី១២ ឬកំពុងសិក្សាថ្នាក់ទី១២ មកពីគ្រួសារដែលមានចំណូលទាប និងខ្វះខាតលទ្ធភាពបន្តការសិក្សានៅសាកលវិទ្យាល័យ មានអាយុមិនលើស២៥ឆ្នាំ (គិតថ្ងៃផុតកំណត់ដាក់ពាក្យ) មានឆន្ទៈ និងការតាំងចិត្តខ្ពស់ក្នុងការសិក្សានៅថ្នាក់បរិញ្ញាបត្រ, មានឆន្ទៈជួយអភិវឌ្ឍសហគមន៍ និងជាបុគ្គលដែលមិនទាន់បានចូលរៀននៅសាកលវិទ្យាល័យ ឬសាលាបច្ចេកទេសដែលមានកម្រិតចាប់ពីបរិញ្ញាបត្រ ឬបរិញ្ញាបត្ររង (លើកលែងតែវគ្គសិក្សាខ្លីៗ)។
អត្ថប្រយោជន៍ដែលបេក្ខជនទទួលបានពីអាហារូបករណ៍រួមមាន ៖ ការគាំទ្រផ្នែកហិរញ្ញវត្ថុដូចជា ការបង់ថ្លៃសាលា និងថ្លៃសៀវភៅពុម្ព ឱកាសចូលរួមវគ្គសិក្ខាសាលា និងបណ្ដុះបណ្ដាលសំខាន់ៗដូចជា ការអភិវឌ្ឍជំនាញសតវត្សទី២១ ភាពជាអ្នកដឹកនាំ ការណែនាំអំពីអាជីពការងាររួមមាន ការរៀបចំ CV, Cover Letter បែបបទសម្ភាសន៍ ការដាក់ពាក្យាការងារសាកល្បង និងជាច្រើនទៀត។ ជាមួយគ្នានេះ បេក្ខជននឹងទទួលបានការៀនថ្នាក់កុំព្យូទ័រ ដើម្បីត្រៀមខ្លួនសម្រាប់ការងារកំឡុង និងក្រោយបញ្ចប់ការសិក្សា ទទួលបានការប្រឹក្សាយោបល់នៅពេលជួបបញ្ហាការរៀនសូត្រ ការងារ ឬគ្រួសារ និងឱកាសក្លាយជាបណ្ដាញយុវជនរបស់អង្គការសហគន៍យើង។
បេក្ខជន បេក្ខនារីដែលមានចំណាប់អារម្មណ៍ក្នុងការដាក់ពាក្យ ត្រូវទៅយកពាក្យដើម្បីបំពេញដោយផ្ទាល់នៅអង្គការសហគមន៍យើង ឬ អាចទាញយកពាក្យតាមរយៈតំណភ្ជាប់ https://jwoc.info/wp-content/uploads/2025/07/Scholarship-Application-Form_2025.pdf ក្រោយបំពេញពាក្យ បេក្ខជនត្រូវផ្ញើទៅកាន់ Email: scholarship@jwoc.info ឬយកពាក្យទៅដាក់នៅការិយាល័យទទួលពាក្យរបស់អង្គការសហគមន៍យើងរៀងរាល់ម៉ោងធ្វើការ (៨ព្រឹក-៥ល្ងាច) ដែលមានទីតាំងនៅ ផ្លូវមិត្តភាពកម្ពុជា-កូរ៉េ ភូមិគ្រួស សង្កាត់ស្វាយដង្គុំ ខេត្តសៀមរាប។ សម្រាប់ព័ត៌មានបន្ថែមអាចទាក់ទងទៅកាន់ ០១២ ៩៧១ ៧៣២។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែកញ្ញា ឆ្នាំ២០២៥៕
