ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសសម្រាប់សិស្សានុសិស្សដែលបញ្ចប់ថ្នាក់ទី១២ ហើយកំពុងស្វែងរកអាហារូបករណ៍សម្រាប់ការសិក្សាថ្នាក់បរិញ្ញាបត្រ និងថ្នាក់បរិញ្ញាបត្ររង។ សម្ពន្ធយុវជនអាហារូបករណ៍ (ស២) បានប្រកាសពីការផ្តល់អាហារូបករណ៍ ១០០% សម្រាប់ឆ្នាំសិក្សា២០២៦-២០២៧ សិក្សានៅសាកលវិទ្យាល័យ អាយអាយស៊ី នៃបច្ចេកវិទ្យា (IIC) និងវិទ្យាស្ថានបច្ចេកទេសឧស្សាហកម្ម (ITI)។
ជំនាញសិក្សាដែលផ្តល់ជូន នៅសាកលវិទ្យាល័យ អាយអាយស៊ី នៃបច្ចេកវិទ្យា មានចំនួន ១០០កន្លែង រួមមាន មហាវិទ្យាល័យពាណិជ្ជកម្ម, មហាវិទ្យាល័យគណិតវិទ្យា និងវិទ្យាសាស្រ្ត, មហាវិទ្យាល័យសេដ្ឋកិច្ច, មហាវិទ្យាល័យសង្គមសាស្រ្ត, មហាវិទ្យាល័យសិល្បៈ មនុស្សសាស្រ្ត និងភាសា។ ជំនាញទាំងអស់ផ្តល់ជូនការសិក្សាថ្នាក់បរិញ្ញាបត្រ និងថ្នាក់បរិញ្ញាបត្ររង។
ដោយឡែកនៅវិទ្យាស្ថានបច្ចេកទេសឧស្សាហកម្ម (ITI) មានចំនួន ១៥០កន្លែង សម្រាប់ថ្នាក់បរិញ្ញាបត្ររង លើជំនាញ វិស្វកម្មលោហៈ (ក្រឡឹង), វិស្វកម្មរថយន្ត, អគ្គិសនី, វិស្វកម្មលោហៈបន្ទះបន្សារ, គ្រប់គ្រងបច្ចេកវិទ្យា, ព័ត៌មានវិទ្យា។
លក្ខខណ្ឌសម្រាប់សិស្ស និស្សិត ដាក់ពាក្យស្នើសុំ ៖ សិស្សនិស្សិតដែលមានជីវភាពក្រីក្រ (ទទួលបានអាទិភាព), ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូលសម្រាប់និស្សិតដាក់ពាក្យថ្នាក់បរិញ្ញាបត្រ, សិស្សនិស្សិតត្រូវបំពេញសំណុំឯកសារស្នើសុំ និងភ្ជាប់ឯកសារពាក់ព័ន្ធឱ្យបានគ្រប់ និងត្រឹមត្រូវ, សិស្សនិស្សិតត្រូវគោរពតាមបទបញ្ជាផ្ទៃក្នុង និងការណែនាំរបស់សម្ព័ន្ធយុវជនអាហារូបករណ៍ (ស២)។
សំណុំឯកសារដែលត្រូវភ្ជាប់ដើម្បីស្នើសុំអាហារូបករណ៍ ៖ ពាក្យស្នើសុំ, ប្រវត្តិរូបសង្ខេប មានបិទរូបថតថ្មី, ពាក្យសុំចូលជាសមាជិកសម្ពន្ធយុវជនអាហារូបករណ៍, កិច្ចសន្យាអាហារូបករណ៍សម្ពន្ធយុវជនអាហារូបករណ៍, សញ្ញាបត្រមធ្យមសិក្សាទុតិយភូមិ (ថតចម្លង), សៀវភៅគ្រួសារ ឬសៀវភៅស្នាក់នៅ (ថតចម្លង), សេចក្តីចម្លងសំបុត្របញ្ជាក់កំណើត, អត្តសញ្ញាណប័ណ្ណសញ្ជាតិខ្មែរ, រូបថតថ្មី ទំហំ (៤x៦) ថតពីមុខគ្មានវ៉ែនតា និងមានផ្ទៃខាងក្រោយពណ៌ស ចំនួន៣សន្លឹក, លិខិតបញ្ជាក់កិរិយាមាយាទ។
សិស្សនិស្សិតត្រូវមកស្នើសុំ និងបំពេញទម្រង់បែបបទស្នើសុំអាហារូបករណ៍ដោយផ្ទាល់នៅទីស្នាក់ការកណ្តាលសម្ព័ន្ធយុវជនអាហារូបករណ៍ (ស២) រាជធានីភ្នំពេញ ឬទំនាក់ទំនងតាមទូរស័ព្ទលេខ ០៩៨ ៧៧១ ១១៧។
កាលបរិច្ឆេទទទួលពាក្យស្នើអាហារូបករណ៍ គិតចាប់ពីថ្ងៃផ្សព្វផ្សាយដំណឹងនេះ រហូតដល់ថ្ងៃទី១ ខែធ្នូ ឆ្នាំ២០២៥ សម្រាប់ការចូលរៀនលើកទី១ និងបន្តទទួលពាក្យត្រឹមថ្ងៃទី១ ខែមករា ឆ្នាំ២០២៦ សម្រាប់ការចូលរៀនលើកទី២៕
