ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាន ជាប្រយោគមួយ ដែលនាំស្មារតីមនុស្សភាគច្រើនឱ្យនឹករឭកទៅដល់សៀភៅជំនាញ ចំណេះដឹងទូទៅ ដោយពេលខ្លះមើលរំលងប្រភេទអំណានបែបប្រតិដ្ឋខណៈសំណេរប្រភេទនេះក៏ដើរតួរនាទីសំខាន់ជំរុញឱ្យមនុស្សបណ្តុះសមត្ថភាពស្រមើស្រមៃ វិភាគទំនោរសង្គម និងការស្វែងយល់អំពីមនុស្សជុំវិញខ្លួន រួមទាំងជាកត្តាសម្រួចបទពិសោធន៍ទៅកាន់បុគ្គលិក ក៏ដូចជាផ្តល់នូវរឿងល្អៗចំពោះបរិយាកាសការងារ។
យោងតាម Harvard Business Review បានឱ្យដឹងថា បើនិយាយអំពីកន្លែងការងារ ជាទូទៅ អ្នកសម្របសម្រួលធនធានមនុស្ស ឬក៏អ្នកមានតួនាទីក្នុងការមើលការខុសត្រូវបុគ្គលិក គេតែងតែដាក់ក្ដីរំពឹង ឬក្ដីប្រាថ្នា នូវចំណុចដែលមិនអាចខ្វះបានមានដូចជា ប្រកាន់ក្រឹត្យវិន័យ មានសតិដឹងខ្លួន ឬក៏ការរឭកដឹងស្មារតីជាប្រចាំ ចេះដោះស្រាយបញ្ហាប្រកបដោយភាពបត់បែន និងច្នៃប្រតិដ្ឋ មានភាពអត់ធ្មត់ រៀនសូត្របានលឿន ចេះសម្របខ្លួនជាមួយមជ្ឈដ្ឋានប្រែប្រួល មានផ្នត់គំនិតវិជ្ជមាន ទឹកចិត្តល្អ ឥរិយាបថប្រពៃ និងចេះវិភាគព្រឹត្តិការណ៍ប្រកបដោយហេតុផល។ ហើយដើម្បីឆ្លើយតបនឹងចំណោទ ក៏ដូចជាក្ដីរំពឹងទាំងនេះបាន មានការស្រាវជ្រាវមួយបង្ហាញថា ការអានប្រភេទអក្សរសាស្ត្រ ដែលបញ្ជូលនូវសិល្បៈបែបច្នៃប្រតិដ្ឋ ជាចំណែកក្នុងការអភិវឌ្ឍសមត្ថភាពមនុស្ស ឱ្យមានជំនាញចិត្តសាស្រ្ត ឬរបៀបនៃការយល់ចិត្តអ្នកដទៃ ពង្រឹងសមត្ថភាព EQ និងការគិតបែបស៊ីជម្រៅជាដើម។
អ្វីទៅជាសំណេរបែបច្នៃប្រតិដ្ឋ ? សំណេរបែបច្នៃប្រតិដ្ឋ ជាប្រភេទអត្ថបទ ឬសៀវភៅដែលមានការបង្កើតជាសេណារីយ៉ូប្លែកៗ មានឈុតឆាកសាច់រឿងប្រទាក់ក្រឡាគ្នា ទាក់ទងទៅនឹងព្រឹត្តិការណ៍អ្វីមួយ ឬក៏ពេលខ្លះជាសាច់រឿងពិតរបស់មនុស្ស ប៉ុន្តែគេសរសេរដោយលាយបញ្ចូលពាក្យពេចន៍ឃ្លាឃ្លោងឱ្យមានសិល្បៈមានភាពរស់រវើក។
តើសំណេរច្នៃប្រតិដ្ឋ ជាចំណែកសម្រួចបទពិសោធន៍បុគ្គលិកបានយ៉ាងដូចម្តេច? តាមរយៈការអានសៀវភៅបែបច្នៃប្រតិដ្ឋ គេអាចមានឱកាសរៀនសូត្របានយ៉ាងទូលាយពីសំណេរទាំងនោះ ដោយហេតុថា នៅក្នុងសំណេរនីមួយៗ មានតួអង្គ មានរចនាបទ ទាំងផ្តើមនិងបញ្ចប់ មានប្រយោគចម្រុះដែលម្ចាស់សំណេររំលេចមកដោយភាសាស្មោះត្រង់ និងឥតទើសទាល់ ដែលចំណុចទាំងនេះជាផ្លូវមួយជួយឱ្យបើកការគិតថ្មីៗបន្ថែម ស្គាល់ភាសាថ្មីៗ ដឹងរបៀបរៀបពាក្យនិយាយ បង្កើនភាពរហ័សរហួននៃការគិត និងភាពឆ្លាតវៃក្នុងការដោះស្រាយបញ្ហា ជាពិសេសពេលយកទៅប្រើប្រាស់នៅពេលមានកិច្ចពិភាក្សាអ្វីមួយ៕
