ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបច្ចេកទេសឧស្សាហកម្ម ប្រកាសពីការផ្តល់អាហារូបករណ៍ឥតបង់ថ្លៃ ចំពោះការរៀនជំនាញបច្ចេកទេស និងវិជ្ជាជីវៈ កម្រិតសញ្ញាបត្រជាន់ខ្ពស់បច្ចេកទេស និងសញ្ញាបត្របច្ចេកទេស និងវិជ្ជាជីវៈ ២ និង៣ សរុបចំនួន ១០៧៤នាក់។
ជំនាញដែលត្រូវផ្តល់ជូនសម្រាប់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង រួមមាន ព័ត៌មានវិទ្យា (៤០នាក់), វិស្វកម្មរថយន្ត (៤០នាក់), បរិក្ខារត្រជាក់ (៤០នាក់), មេកានិកឧស្សាហកម្ម (៦០នាក់), វិស្វកម្មអគ្គិសនី (៨០នាក់) និងវិស្វកម្មលោហៈបន្ទះបន្សារ (៤០នាក់)។
ជំនាញសម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ ២ និង៣ រួមមាន ៖ ការដំឡើងបណ្ដាញអគ្គិសនីក្នុងអគារ, ការថែទាំ និងជួសជុលរថយន្ត, ការថែទាំ និងជួសជុលអគ្គិសនីរថយន្ត, សេវាកម្មបរិក្ខារត្រជាក់ក្នុងគេហដ្ឋាន, ការផ្សារអគ្គិសនី, ការបន្ស៊ីលោហៈ, ការថែទាំ និងជួសជុលជណ្តើរយន្ត និងការរចនាក្រាហ្វិចដោយកុំព្យូទ័រ។
លក្ខខណ្ឌនៃការជ្រើសរើស ៖ សម្រាប់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ៣ ឬជាប់ ឬធ្លាក់មធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។
សម្រាប់បេក្ខជនដែលចាប់អារម្មណ៍ អាចមកទិញពាក្យ និងដាក់ពាក្យចាប់ពីថ្ងៃផ្សាយដំណឹងនេះ រហូតដល់ថ្ងៃទី៦ ខែធ្នូ ឆ្នាំ២០២៤ នៅការិយាល័យអប់រំបណ្តុះបណ្តាល ឬនៅបញ្ជរច្រកចូលខាងមុខរបស់វិទ្យាស្ថានបច្ចេកទេសឧស្សាហកម្ម ដែលមានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ការប្រឡងជ្រើសរើសនឹងប្រព្រឹត្តទៅនៅថ្ងៃទី១៦ ខែធ្នូ ឆ្នាំ២០២៤ ហើយកាលបរិច្ឆេទប្រកាសលទ្ធផល គឺនៅថ្ងៃទី១ ខែមករា ឆ្នាំ២០២៥៕
