ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ផ្ទះយុវជនដើម្បីមិត្តភាពកម្ពុជា-ចិន (YHCCF) កំពុងប្រកាសជ្រើសរើស និស្សិតសាកលវិទ្យាល័យដែលកំពុងសិក្សាផ្នែកសេដ្ឋកិច្ច សហគ្រាលឬអាជីវកម្ម ការគ្រប់គ្រងផ្នែកគ្រោង ឬផ្នែកដែលពាក់ព័ន្ធ ចូលកម្មសិក្សានៅ YHCCF រយៈពេល៣ខែ ឬ៦ខែ ជាច្រើននាក់។
ឱកាសកម្មសិក្សានេះ នឹងផ្ដល់សម្រាប់និស្សិតដែលចេះភាសាខ្មែរ/អង់គ្លេស (និយាយ និងសរសេរ) ឬភាសាចិន (មានអាទិភាព) និងជានិស្សិតដែលកំពុងសិក្សាផ្នែកសេដ្ឋកិច្ច សហគ្រាស អាជីវកម្ម ការគ្រប់គ្រងគម្រោង ឬផ្នែកពាក់ព័ន្ធផ្សេងទៀត។ លើសពីនេះ ជាបេក្ខជនដែលមានចំណាប់អារម្មណ៍លើទំនាក់ទំនងកម្ពុជា-ចិន កិច្ចសហប្រតិបត្តិការអាស៊ាន ការអភិវឌ្ឍយុវជន កិច្ចសហប្រតិបត្តិការអាជីវកម្ម ឬពាណិជ្ជកម្ម ជាដើម។ បេក្ខជនត្រូវមានភាពហ្មត់ចត់ ទំនួលខុសត្រូវ និងតាំងចិត្តក្នុងការបំពេញការងារ មានពេលទៅការិយាល័យការងារ២ដងក្នុងមួយសប្ដាហ៍ និងជួយបំពេញការងារផ្សេងពីចម្ងាយ។
ទំនួលខុសត្រូវការងារក្នុងពេលកម្មសិក្សា ៖ បេក្ខជនត្រូវចូលរួមក្នុងការរៀបចំ និងអនុវត្តវេទិកា កិច្ចសន្ទនាពាក់ព័ន្ធនឹងយុវជនអន្តរជាតិ គាំទ្រការសម្របសម្រួលជាមួយស្ថាប័នក្នុងស្រុក និងអន្តរជាតិ ស្ថានទូត និងបណ្តាញយុវជន ធ្វើការស្រាវជ្រាវ និងការចងក្រងទិន្នន័យសម្រាប់គម្រោងដែលកំពុងដំណើរការ និងព្រឹត្តិការណ៍/កម្មវិធី ទំនាក់ទំនង និងកិច្ចសហប្រតិបត្តិការចិន-កម្ពុជា។ ចូលរួមការប្រជុំក្រុម និងរួមចំណែកក្នុងការចែករំលែកឯកសារ និងការចែករំលែកខ្លឹមសារ នៃកម្មវិធី YHCCF ជួយក្នុងរៀបចំឆ្លើយឆ្លងផ្លូវការ កំណត់ហេតុកិច្ចប្រជុំ របាយការណ៍ និងសំណើគម្រោង និងជាតំណាង YHCCF នៅក្នុងកម្មវិធី ឬវេទិកាដែលពាក់ព័ន្ធតាមការចាត់តាំង។
បេក្ខជននឹងទទួលបានបទពិសោធន៍ការងារជាក់ស្ដែង ជាមួយនឹងកម្មវិធីផ្សេងៗ និងជាចំណែកចូលរួមជាអ្នករៀបចំជាមួយនឹងផ្ទះយុវជន ដើម្បីមិត្តភាពកម្ពុជា-ចិន។
បេក្ខជនដែលមានចំណាប់អារម្មណ៍ អាចទំនាក់ទំនង ផ្ញើ CV និងCover letter ទៅកាន់ ir@youthhouse-ccf.org ឱ្យបានមុនថ្ងៃទី២៤ ខែសីហា ឆ្នាំ២០២៥។
សម្រាប់ព័ត៌មានបន្ថែមអាចចូលទៅកាន់ https://drive.google.com/file/d/1i-XGBWXQBoXFyC43c3KeIMh9hG40Uolq/view ៕
