ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ Unpad ASEAN (UAS) ដែលជាគំនិតផ្តួចផ្តើមរបស់សាកលវិទ្យាល័យ Padjadjaran (Universitas Padjadjaran) គាំទ្រដល់បុគ្គល និងអ្នកជំនាញឆ្នើមមកពីបណ្តាប្រទេសអាស៊ានដើម្បីបន្តការសិក្សាថ្នាក់ អនុបណ្ឌិត ប្រកាសផ្តល់អាហារូបករណ៍ថ្នាក់អនុបណ្ឌិតទៅលើជំនាញពីរ គឺ UAS Master’s Leadership Track សម្រាប់អ្នកជំនាញដែលមានបំណងបង្កើនភាពជាអ្នកដឹកនាំ ចំណេះដឹងកម្រិតខ្ពស់ និងជំនាញយុទ្ធសាស្ត្រ និង UAS Master’s Development Track សម្រាប់បុគ្គលដែលមានទេពកោសល្យ។
អត្ថប្រយោជន៍អាហារូបករណ៍
- លើកលែងថ្លៃសិក្សា សម្រាប់រយៈពេលនៃកម្មវិធីអនុបណ្ឌិត
- ផ្តល់ថ្លៃសំបុត្រយន្តហោះទៅ-មក (Economy Class)
- រៀបចំការដាក់ពាក្យសុំទិដ្ឋាការនិស្សិត (Student Visa), KITAS និងលិខិតអនុញ្ញាតស្នាក់នៅ (Stay Permit) សម្រាប់រយៈពេលសិក្សា
- ផ្តល់ប្រាក់ឧបត្ថម្ភប្រចាំខែសម្រាប់ការរស់នៅ
- ប្រាក់ឧបត្ថម្ភសម្រាប់ Settlement Allowance
- ការធានារ៉ាប់រងសុខភាពក្នុងអំឡុងពេលសិក្សា
លក្ខខណ្ឌតម្រូវ ៖ ជាពលរដ្ឋនៃប្រទេសជាសមាជិកអាស៊ាន (រួមទាំងប្រទេសទីម័រខាងកើត ប៉ុន្តែមិនរាប់បញ្ចូលប្រទេសឥណ្ឌូនេស៊ី), មានសញ្ញាបត្របរិញ្ញាបត្រ (ឬសមមូល) ពីស្ថាប័នដែលទទួលស្គាល់, មិនត្រូវ ឬកំពុង ឬបានបញ្ចប់ថ្នាក់អនុបណ្ឌិតពីមុនមកក្នុងមុខជំនាញណាមួយឡើយ, មាននិទ្ទេសមធ្យម (GPA) អប្បបរមាស្មើនឹង 3.0/4.0,
មានបទពិសោធន៍វិជ្ជាជីវៈ អប្បបរមា បីឆ្នាំ នៅកម្រិតគ្រប់គ្រងកណ្តាល (Middle-management) ឬខ្ពស់ជាងនេះ (សម្រាប់ Master’s Leadership Track), មាន លក្ខណៈសម្បត្តិគ្រប់គ្រាន់ផ្នែកភាសា នៅក្នុងភាសាដែលប្រើសម្រាប់ការបង្រៀនរបស់កម្មវិធី (ភាសាអង់គ្លេស ឬភាសាឥណ្ឌូនេស៊ី), មានការប្តេជ្ញាចិត្ត ក្នុងការវិលត្រឡប់ និងរួមចំណែកដល់ប្រទេសកំណើតវិញបន្ទាប់ពីបញ្ចប់ការសិក្សា។
សម្រាប់បេក្ខជនដែលមានចំណាប់អារម្មណ៍ សូមដាក់ពាក្យតាមរយៈ ៖ https://admission.unpad.ac.id/international-student
ផុតកំណត់ទទួលពាក្យ៖ ថ្ងៃទី៣០ ខែវិច្ឆិកា ឆ្នាំ២០២៥៕
