ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោមគម្រោងកម្មវិធីធ្វើទំនើបកម្មប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០២៣ វិទ្យាស្ថានជាតិពហុបច្ចេកទេសតេជោសែន ដែលជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈសាធារណៈរបស់រដ្ឋតែមួយគត់នៅក្នុងខេត្តកណ្តាល បានប្រកាសជ្រើសរើសសិក្ខាកាមទាំងពីរភេទចំនួន២១០នាក់ ដើម្បីសិក្សាដោយឥតគិតថ្លៃ។
ជំនាញដែលត្រូវសិក្សារួមមាន ៖ ការតម្លើង តបណ្តាញអគ្គិសនីក្នុងអគារ (ចំនួន៦០នាក់), សេវាកម្មបរិក្ខាត្រជាក់ក្នុងគេហដ្ឋាន (ចំនួន៦០នាក់), ការថែទាំ និងជួសជុលរថយន្ត (ចំនួន៤៥នាក់) និង ការផលិតនំ (ចំនួន ៤៥នាក់)។
ពេលវេលានៃការសិក្សា គឺមានរយៈពេល ៤ខែ ដោយសិក្សាពីថ្ងៃចន្ទ ដល់ថ្ងៃសុក្រ វេលាម៉ោង ១និង៣០នាទីរសៀល រហូតដល់ម៉ោង ៥ និង៣០នាទីរសៀល។
លក្ខខណ្ឌ នៃការជ្រើសរើស ៖ បេក្ខជនត្រូវជាជនក្រីក្រ, ជនមានពិការភាព, ស្រ្តីមេម៉ាយ, សិស្សបោះបង់ការសិក្សា, ក្មេងកំព្រា, ជនជាតិភាគតិច, កម្មករ កម្មការិនីបាត់បង់ការងារ។
កាលបរិច្ឆេទចែក និងទទួលពាក្យ គឺចាប់ពីថ្ងៃជូនដំណឹងនេះតទៅ ហើយកាលបរិច្ឆេទចូលរៀន គឺនៅថ្ងៃទី២២ ខែឧសភា ឆ្នាំ២០២៣។
សម្រាប់ព័ត៌មានបន្ថែម សូមទាក់ទងទៅកាន់វិទ្យាស្ថានជាតិពហុបច្ចេកទេសតេជោសែន មានអាសយដ្ឋានស្ថិតនៅតាមបណ្តោយផ្លូវជាតិលេខ២១ ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល៕
