ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូនពីកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជា និងសាកលវិទ្យាល័យវិទ្យាសាស្ត្រ និងបច្ចេកវិទ្យាក្រុងប៉េកាំង។

ជំនាញដែលអាហារូបករណ៍ផ្ដល់ជូនមានកម្មវិធីសិក្សាជាភាសាអង់គ្លេស និងភាសាចិន ដោយជំនាញសិក្សាភាសាអង់គ្លេសរួមមាន Metallurgical Engineering, History of Science and Technology, Materials Science and Engineering, Mining Engineering, Mineral Processing Engineering, Computer Science and Technology, Enterqrise Engineering, Civil Chemistry, Chemistry, Power Engineering and Engineering Thermoqhysics, physics។ សម្រាប់កម្មវិធីសិក្សាជាភាសាចិន និងអង់គ្លេស រួមមាន EnvironmentalScience and Engineering, Safety Science and Engineering, Management Science and Engineering, Internation and Communications Engineering, Public Administration។

បេក្ខជនដែលមានចំណាប់អារម្មណ៍ក្នុងការដាក់ពាក្យត្រូវភ្ជាប់ជាមួយឯកសារចាំបាច់មួយចំនួនដូចជា ពាក្យស្នើសុំអាហារូបករណ៍ បង្កាន់ដៃទទួលពាក្យស្នើសុំអាហារូបករណ៍ ជីវប្រវត្តិសង្ខេបដែលមានបិតរូបថត៤x៦ លិខិតឆ្លងដែន ព្រឹត្តិបត្តិពិន្ទុ រូបថតថ្មីៗទំហំ៤x៦ ថតពីមុខគ្មានវ៉ែនតា និងមានផ្ទៃខាងក្រោយពណ៌ស (១សន្លឹកជា​Image) សញ្ញាបត្របរិញ្ញាបត្រថ្នាក់បរិញ្ញាបត្រ ឬលិខិតបញ្ជាក់បញ្ចប់ការសិក្សាមុនខែសីហា ឆ្នាំ២០២៤។ លើសពីនេះ បេក្ខជនត្រូវមានគម្រោងសិក្សា (Study plan/Personal Stateement ជាភាសាអង់គ្លេស ឬភាសាចិន) លិខិតឧទ្ទេសនាមពីគ្រូបង្រៀន ឬសាស្ត្រាចារ្យ២រូប (ជាភាសាចិន ឬភាសាអង់គ្លេស) ឯកសារបញ្ជាក់កម្រិតភាសាអង់គ្លេស IELTS ៦.០ និងលិខិតបញ្ជាក់ភាសាចិន HSK កម្រិត៤ឡើងទៅ ឬឯកសារសមមូលផ្សេងសម្រាប់ជំនាញសិក្សាជាភាសាអង់គ្លេស លិខិតពិនិត្យសុខភាព លិខិតថ្កោលទោស។ គួរបញ្ជាក់ដែរថា រាល់ឯកសារទាំងអស់ត្រូវធ្វើឡើង និងធ្វើជាPDF សម្រាប់បញ្ជូនក្នុងការដាក់ពាក្យ។

ដើម្បីធ្វើការដាក់ពាក្យស្នើសុំអាហារូបករណ៍ ទាញយកពាក្យស្នេីតាមរយៈតំណភ្ជាប់ ៖​ https://bit.ly/46737uV និងចុះឈ្មោះដាក់ពាក្យតាមរយៈតំណភ្ជាប់ https://forms.gle/pq1KJm5XzjzxCGKi7 ។

ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែមីនា ឆ្នាំ២០២៤៕