ក្រសួងអប់រំជ្រើសរើសបេក្ខជនជាង៣ពាន់នាក់ឱ្យ​ទទួល​អាហារូបករណ៍ថ្នាក់បរិញ្ញាបត្ររង និង​ថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ

តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាស​ជ្រើសរើស​សិស្សានុសិស្ស​ដែលបានប្រឡង​ជាប់សញ្ញាបត្រ​បច្ចេកទេស និង​វិជ្ជាជីវៈកម្រិត៣ ​សរុបចំនួន ៣ ០២៥កន្លែង ឱ្យ​ទទួល​អាហារូបករណ៍ចូលរៀន​ថ្នាក់បរិញ្ញាបត្រចំនួន ៥០១កន្លែង និង​បរិញ្ញាបត្ររងចំនួន ២៥២៤កន្លែង នៅ​តាម​គ្រឹះស្ថាន​ឧត្តមសិក្សា​សាធារណៈ និង​គ្រឹះស្ថានអប់រំបណ្តុះបណ្តាលវិជ្ជាជីវៈ សម្រាប់ឆ្នាំសិក្សា​២០២៥-២០២៦។

សាកលវិទ្យាល័យ និងវិទ្យាស្ថានដែលបេក្ខជនអាចជ្រើសរើសចូលសិក្សាមាន៖ វិទ្យាស្ថានជាតិកសិកម្ម​ព្រែកលៀប រាជធានីភ្នំពេញ ចំនួន ៣៥ កន្លែង, វិទ្យាស្ថានបច្ចេកវិទ្យាកំពង់ឈើទាល ខេត្តកំពង់ធំ ចំនួន ២៧០កន្លែង, សាកលវិទ្យាល័យជាតិមានជ័យ ខេត្តបន្ទាយមានជ័យ ចំនួន ៦០ កន្លែង, វិទ្យាស្ថាន​បច្ចេកវិទ្យាកំពង់ស្ពឺ ខេត្តកំពង់ស្ពឺ ចំនួន ១០០កន្លែង, សាកលវិទ្យាល័យហេង សំរិន ត្បូងឃ្មុំ ខេត្តត្បូងឃ្មុំ ចំនួន ៧០កន្លែង, សាកលវិទ្យាល័យស្វាយរៀង ខេត្តស្វាយរៀង ចំនួន ២០កន្លែង, សាកលវិទ្យាល័យ​ជាតិបាត់ដំបង ខេត្តបាត់ដំបង ចំនួន ២០កន្លែង, សាកលវិទ្យាល័យជាតិ ជា ស៊ីម កំចាយមារ ខេត្តព្រៃវែង ចំនួន ៣០កន្លែង។

វិទ្យាស្ថានបច្ចេកវិទ្យាកម្ពុជា រាជធានីភ្នំពេញ ចំនួន ១០៥០ កន្លែង, សាកលវិទ្យាល័យភូមិន្ទកសិកម្ម រាជធានីភ្នំពេញ ចំនួន ៥០កន្លែង, វិទ្យាស្ថានបច្ចេកទេសឧស្សាហកម្ម (ITI) ចំនួន ៩០ កន្លែង, វិទ្យាស្ថានពហុបច្ចេកទេសអង្គរ (NPIA) ខេត្ត​សៀមរាប ចំនួន ៩០ កន្លែង, វិទ្យាស្ថានពហុ​បច្ចេកទេស​ភូមិភាគ​តេជោសែនតាកែវ ខេត្តតាកែវ ចំនួន ២២០ កន្លែង, វិទ្យាស្ថានពហុបច្ចេកទេសភូមិភាគ​តេជោសែន​សៀមរាប ចំនួន ៩០ កន្លែង, វិទ្យាស្ថានពហុបច្ចេកទេសភូមិភាគតេជោសែនបាត់ដំបង ខេត្តបាត់ដំបង ចំនួន ៤៥ កន្លែង, វិទ្យាស្ថានពហុបច្ចេកទេសភូមិភាគតេជោសែនស្វាយរៀង ខេត្តស្វាយរៀង ចំនួន ២០០ កន្លែង, វិទ្យាស្ថានពហុបច្ចេកទេសភូមិភាគតេជោសែនកំពត ចំនួន ២៦០ កន្លែង, វិទ្យាស្ថានពហុ​បច្ចេកទេស ព្រះកុសុមៈ (PPI) រាជធានីភ្នំពេញ ចំនួន ១២៥កន្លែង, វិទ្យាស្ថានជាតិកសិកម្មកំពង់ចាម ចំនួន ១០០ កន្លែង, វិទ្យាស្ថានបច្ចេកវិទ្យាបាត់ដំបង (BIT) ចំនួន ៧០កន្លែង, វិទ្យាស្ថាន​ជាតិ​ពហុបច្ចេក​ទេសកម្ពុជា (NPIC) រាជធានីភ្នំពេញ ចំនួន ៣០ កន្លែង។

លក្ខខណ្ឌចុះឈ្មោះសុំអាហារូបករណ៍ ៖ សិស្សផ្នែក​អប់រំ​បច្ចេកទេស​ដែល​បានប្រឡងជាប់​សញ្ញាបត្រ​បច្ចេកទេស និង​វិជ្ជាជីវៈកម្រិត៣ នៅតាមវិទ្យាល័យចំណេះទូទៅ និងបច្ចេកទេស អាចចុះឈ្មោះ​សុំ​អាហារូបករណ៍​ចូលរៀនតាម​មុខ​ជំនាញរបស់ខ្លួន​នៅ​តាម​គ្រឹះស្ថាន​ឧត្តមសិក្សា​សាធារណៈ ឬគ្រឹះស្ថានអប់រំ​បណ្តុះបណ្តាល​បច្ចេកទេស និងវិជ្ជាជីវៈ ដោយ​មិន​កំណត់ឆ្នាំប្រឡងជាប់ឡើយ, លក្ខខណ្ឌ នៃ​ការ​ជ្រើសរើស​ត្រូវ​កំណត់ដោយ​ឡែកត​ាមគ្រឹះស្ថាន​ឧត្តមសិក្សា​នីមួយៗ, លក្ខណវិនិច្ឆ័យ​នៃការ​ជ្រើសរើស​សិស្ស​ឱ្យ​ចុលរៀន គឺជ្រើសរើស​តាមនិទ្ទេសរួម និទ្ទេស​តាមមុខវិជ្ជា និង​និទ្ទេស​មុខជំនាញ​ដែលពាក់ព័ន្ធ។

សំណុំឯកសារដែលត្រូវ​បំពេញរួមមាន ៖ ប្រវត្តិរូបសង្ខេប ១ច្បាប់, កិច្ចសន្យា ១ច្បាប់, ពាក្យ​សុំ​អាហារូបករណ៍ ១ច្បាប់, បង្កាន់ដៃទទួលពាក្យ​មានបិទរូបថត ១ច្បាប់, សាលាកប្បត្រ​ឯកត្តជន ១ច្បាប់។

កន្លែងទទួលពាក្យ ៖ បេក្ខជន​ត្រូវ​មក​ទទួលពាក្យ​សុំ​អាហារូបករណ៍ នៅតាម​គ្រឹះស្ថានឧត្តមសិក្សា​សាធារណៈ ឬគ្រឹះស្ថាន​អប់រំ​បណ្តុះបណ្តាល​បច្ចេកទេស និង​វិជ្ជាជីវៈ ដែល​ខ្លួន​ជ្រើសរើសស ឬនៅ​វិទ្យាល័យ​ចំណេះទូទៅ​បច្ចេកទេស​ដែលខ្លួនសិក្សា ឬនៅនាយកដ្ឋានតម្រង់ទិសវិជ្ជាជីវៈ នៅ​រាល់ម៉ោងធ្វើការ។

កំណត់សម្គាល់ ៖ បេក្ខជន១នាក់ មានសិទ្ធិស្នើ​សុំ​ចុះឈ្មោះ​សុំអាហារូបករណ៍​បាន១ជំនាញ ហើយ​អាច​ជ្រើសរើសគ្រឹះស្ថាន​ឧត្តមសិក្សា​សាធារណៈ ឬគ្រឹះស្ថាន​អប់រំបណ្តុះបណ្តាល​បច្ចេកទេស និង​វិជ្ជាជីវៈ តែមួយ​គត់។

ចំពោះព័ត៌មានលម្អិត សូមទំនាក់ទំនងជាមួយគ្រឹះស្ថានឧត្តមសិក្សា​សាធារណៈ ឬគ្រឹះស្ថានអប់រំ​បណ្តុះបណ្តាលបច្ចេកទេស និង​វិជ្ជាជីវៈ ដែលបេក្ខជន​បានដាក់ពាក្យ​សុំ​អាហារូបករណ៍ ឬទំនាក់ទំនង​នាយកដ្ឋានតម្រង់​ទិសវិជ្ជាជីវៈ នៅរាល់ម៉ោងធ្វើ​ការ​តាមរយៈ​ទូរស័ព្ទលេខ ០៩២ ៥៤៤ ៥៥៤៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 23/06/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia សម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាជាប្រភេទអាហារូបករណ៍ ពេញលេញសម្រាប់និស្សិតអន្តរជាតិ ដែលជាបេក្ខជនជ័យលាភីអាហារូបករណ៍។

អាហារូបករណ៍​ថ្នាក់ភាសា ​នៅ​ប្រទេសចិន សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 02/05/2023

សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតកម្ពុជា បានប្រកាស​អំពី​អាហារូបករណ៍ថ្នាក់ភាសា សិក្សា​នៅ​ប្រទេស​ចិន រយៈពេល​១ឆ្នាំ។...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 12/09/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...

ឥណ្ឌូនេស៊ី ប្រកាសផ្តល់អាហារូបករណ៍ “DARMASISWA” ឆ្នាំសិក្សា ២០២៦-២០២៧ ផ្ដោតលើភាសា និងវប្បធម៌

ព័ត៌មានអាហារូបករណ៍, ព្រឹត្តិការណ៍

• 21/05/2026

ក្រសួងអប់រំ នៃសាធារណរដ្ឋឥណ្ឌូណេស៊ី បានប្រកាសផ្តល់អាហារូបករណ៍ "DARMASISWA" ដល់និស្សិតអន្តរជាតិសម្រាប់ឆ្នាំសិក្សា ២០២៦-២០២៧ ដើម្បីទៅសិក្សាស្រាវជ្រាវលើជំនាញភាសា សិល្បៈ និងវប្បធម៌ នៅតាមបណ្តាសាកលវិទ្យាល័យនានា

ឱកាសសិក្សាវជំនាញវិជ្ជាជីវៈ និងបច្ចេកទេសនៅវិទ្យាស្ថានជាតិសហគ្រិនភាព និងនវានុវត្តន៍

ព័ត៌មានអាហារូបករណ៍, ព្រឹត្តិការណ៍

• 19/03/2024

វិទ្យាស្ថានជាតិសហគ្រិនភាព និងនវានុវត្តន៍ប្រកាសជ្រើសរើសបេក្ខជនសិក្សាវគ្គបណ្តុះបណ្តាលជំនាញវិជ្ជាជីវៈ និងបច្ចេកទេស (១,៥ លាននាក់)។ អាហា...

ឱកាសសិក្សា Online នៅវិទ្យាស្ថានបច្ចេកវិទ្យា Massachusetts ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/07/2023

វិទ្យាស្ថានបច្ចេកវិទ្យា Massachusetts ផ្ដល់ការសិក្សាឥតគិតថ្លៃសម្រាប់កម្មវិធីសិក្សា online វគ្គខ្លីឆ្នាំសិក្សា២០២៣-២០២៤ ដោយមានសញ្ញាបត្របញ្ជាក់ការសិក្សាជូន ។...

វិទ្យាស្ថានពហុបច្ចេកទេសភូមិភាគ​តេជោសែនសៀមរាប ផ្តល់អាហារូបករណ៍ដល់យុវជន២៤០នាក់

ព័ត៌មានអាហារូបករណ៍, ព្រឹត្តិការណ៍

• 25/04/2024

វិទ្យាស្ថាន​ពហុបច្ចេកទេស​ភូមិភាគ​តេជោ​សែនសៀមរាប បានប្រកាស​ពី​ការផ្តល់អាហារូបករណ៍​ចំនួន ២៤០កន្លែង ដល់យុវជន​មក​ពី​គ្រួសារ​ក្រីក្រ/គ្រួសារងាយរងហានិភ័យ និង​កម្មករនិយោជិត បុគ្គលនៃសេដ្ឋកិច្ច​ក្រៅប្រព័ន្ធ...

អាហារូបករណ៍ថ្នាក់បរិញ្ញាបត្រពីកម្មវិធី អាហារូបករណ៍ស្ថាបនា ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 10/10/2025

ឱកាសទទួលបានអាហារូបករណ៍១០០% សិក្សាថ្នាក់បរិញ្ញាបត្ររយៈពេល៤ឆ្នាំពីកម្មវិធីអាហារូបករណ៍ស្ថាបនា ឆ្នាំសិក្សា២០២៦។ អាហារូបករណ៍ផ្ដល់ជូនសម្រាប់សិស្សានុសិស្សដែលទើបបញ្ចប់ថ្នាក់មធ្យមសិក្សាទុតិយភូមិឆ្នាំ២០២៥។

អាហារូបករណ៍សម្រាប់សិស្សកម្ពុជា សិក្សាកម្រិតមធ្យមសិក្សា​ទុតិយភូមិ នៅប្រទេស​អាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 18/11/2026

កម្មវិធី United World Colleges (UWC) Cambodia បានប្រកាសបើកទទួលពាក្យស្នើសុំអាហារូបករណ៍សម្រាប់ឆ្នាំសិក្សា ២០២៧–២០២៨