គម្រោង SWITCH to Solar បង្ហាញបច្ចេកវិទ្យាហាលសម្ងួតត្រីប្រើប្រាស់ថាមពល

សៀមរាប- នាថ្ងៃទី២២ ខែមីនា ឆ្នាំ២០២២២នេះ គម្រោងផ្លាស់ប្តូរទៅថាមពលព្រះអាទិត្យ (SWITCH to Solar) បានបើកដំណើរការកម្មវិធីតាំងបង្ហាញ សិប្បកម្មកែច្នៃត្រីសំណាង សុធា សហការជាមួយ ក្រុមហ៊ុន Harvest The Sun អង្គការ People in Need និងក្រុមហ៊ុន Sevea ដើម្បីដំឡើងផ្ទះហាលសម្ងួតត្រីប្រើប្រាស់បច្ចេកវិទ្យាសូឡាដែលនឹងក្លាយជាមុខងារសំខាន់មួយជួយដល់ដំណើរការសម្ងួតត្រី។ កម្មវិធីនេះ ធ្វើឡើងក្នុងគោលបំណងស្វែងយល់បច្ចេកវិទ្យាថ្មីនៃការហាលសម្ងួតរួមមាន ការតម្លើង ដំណើរការនៃការប្រើប្រាស់ តម្លៃ និងការថែទាំ ការសន្សំសំចៃ និងការពង្រឹងគុណភាពផលិតផលបន្ទាប់ពីការប្រើប្រាស់បច្ចេកវិទ្យាហាលសម្ងួតប្រើប្រាស់ថាមពលពន្លឺព្រះអាទិត្យ និងសំណេះសំណាលដោយផ្ទាល់ជាមួយអ្នកប្រើប្រាស់សម្រាប់សិប្បកម្មកែច្នៃត្រី។

ផ្ទះហាលសម្ងួតត្រីប្រើប្រាស់បច្ចេកវិទ្យាសូឡា នៃសិប្បកម្មកែច្នៃត្រីសំណាង សុធា ប្រើប្រាស់ថាមពលពន្លឺព្រះអាទិត្យ (សូឡា) សម្ងួតត្រី។ – រូបភាពពីអង្គការ PIN

គម្រោងផ្លាស់ប្តូរទៅថាមពលព្រះអាទិត្យ ផ្តល់មូលនិធិដោយសហភាពអឺរ៉ុប តាមរយៈកម្មវិធី EU SWITCH-Asia និងសាធារណរដ្ឋឆែក តាមរយៈទីភ្នាក់ងារអភិវឌ្ឍន៍ឆែក។ ក្រុមហ៊ុន SWITCH to Solar បានអនុវត្តក្នុងខេត្តចំនួន ៥ក្នុងប្រទេសកម្ពុជា ជាមួយដៃគូចំនួនបីរួមមាន អង្គការ People in Need ក្រុមហ៊ុន Sevea Consulting និងក្រុមហ៊ុន EnergyLab Cambodia។

លោក កែវ សុភាព នាយកប្រតិបត្តិក្រុមហ៊ុន Harvest the Sun មានប្រសាសន៍ថា លោកមានអំណរគុណក្នុងឱកាសបង្ហាញបច្ចេកវិទ្យាផ្ទះហាលសម្ងួតត្រីប្រើប្រាស់បច្ចេកវិទ្យាសូឡាដែលដំណើរការនៅខេត្តសៀមរាប និងទូទាំងតំបន់។ លោក កែវ សុភាព បន្តថា សិប្បកម្មកែច្នៃត្រី សំណាង សុធា បានដំឡើងសូឡាប្រហែលប្រាំមួយសប្តាហ៍មុន ហើយពិតជារីករាយនឹងលទ្ធផលល្អពីការប្រើប្រាស់ផ្ទះហាលត្រីសូឡា ដោយពីមុនយើងហាលត្រីនៅខាងក្រៅក្រោមពន្លឺថ្ងៃ ប៉ុន្តែឥឡូវនេះជាមួយនឹងការប្រើប្រាស់ផ្ទះហាលត្រីសូឡាត្រីអាចសម្ងួតមានស្តង់ដាអនាម័យត្រឹមត្រូវចេញពីសិប្បកម្ម។

នាយកប្រតិបត្តិក្រុមហ៊ុននេះបានបន្ថែមថា Harvest the Sun គឺជាក្រុមហ៊ុនចុះបញ្ជីមួយដែលផ្តោតលើទិដ្ឋភាពសំខាន់ៗចំនួនបី រួមមាន ទី១. គុណភាពខ្ពស់ស្រមតាមស្ដង់ដារទីផ្សារ ទី២. ឱកាសការងារស្មើគ្នា និងទី៣. និរន្តរភាពក្រោយការប្រមូលផលបច្ចេកវិទ្យាដូចជា ផ្ទះហាលត្រីសូឡា។ លោកបន្តថា បច្ចេកវិទ្យាសូឡាអាចដើរតួនាទីយ៉ាងសំខាន់នៅក្នុងវិស័យកសិកម្ម-ជលផល ដើម្បីកាត់បន្ថយថ្លៃដើមប្រតិបត្តិការ និងបង្កើនគុណភាពផលិតផល ព្រមទាំងកាត់បន្ថយការបំភាយឧស្ម័នផ្ទះកញ្ចក់ផងដែរ ។

លោក កែវ សុភាព នាយកប្រតិបត្តិក្រុមហ៊ុន Harvest the Sun

“យើងមានសេចក្តីរំភើបរីករាយក្នុងការក្លាយជាផ្នែកមួយក្នុងកម្មវិធនេះ និងដើម្បីលើកកម្ពស់បច្ចេកវិទ្យាថាមពលពន្លឺព្រះអាទិត្យដល់អាជីវកម្មកសិនេសាទកាន់តែច្រើន”

ត្រីងៀតហាលនៅក្នុងផ្ទះហាលសម្ងួតត្រីប្រើប្រាស់បច្ចេកវិទ្យាសូឡានៃសិប្បកម្មកែច្នៃត្រីសំណាង សុធា ខេត្តសៀមរាប។ – រូបភាពពីអង្គការ PIN

លោក Seb Pitot វិស្វករខាងថាមពលស្អាតនៃក្រុមហ៊ុន Savea បានបញ្ជាក់ថា តាមរយៈកិច្ចខិតខំប្រឹងប្រែងដើម្បីផ្លាស់ប្តូរទៅការប្រើប្រាស់ថាមពលសូឡាបានកំណត់យកបច្ចេកវិទ្យាទាញយកថាមពលសូឡាចំនួន ១០មកប្រើប្រាស់ និងជឿជាក់ថាអាចផ្តល់អត្ថប្រយោជន៍ក្នុងរយៈពេលវែងជូនទៅដល់វិស័យកសិកម្ម និងជលផលរបស់ប្រទេសកម្ពុជា។

លោក Seb Pitot បន្ថែមថា ជំហ៊ានបន្ទាប់ គឺកិច្ចការងារធ្វើតេស្តជាមួយនឹងបច្ចេកវិទ្យាទាំងនេះ តាមរយៈប្រតិបត្តិការប្រចាំថ្ងៃនៅតាមទីតាំងដែលបានជ្រើសរើស ហើយតាមរយៈសកម្មភាពនេះនឹងអាចជួយឱ្យយល់ដឹងបានកាន់តែច្បាស់អំពីបច្ចេកវិទ្យានីមួយៗទាំងឱកាសនិងបញ្ហាប្រឈម។ ដូចនេះ យើងអាចកែតម្រូវបានកាន់តែល្អប្រសើរមុនពេលប្រគល់ទៅឱ្យអតិថិជនរបស់យើងយកទៅប្រើប្រាស់។

លោក Seb Pitot វិស្វករខាងថាមពលស្អាត

“តាមរយៈគម្រោងនេះ យើងនឹងដំឡើង និងធ្វើតេស្ដភាពខុសគ្នានៃបច្ចេកវិទ្យាពន្លឺព្រះអាទិត្យ រួមទាំងម៉ាស៊ីនត្រជាក់ ប្រព័ន្ធត្រជាក់ ម៉ាស៊ីនបូមទឹក និងម៉ាស៊ីនភ្ញាស់ពងមាន់”

សិប្បកម្មកែច្នៃត្រី សំណាង សុធា មានទីតាំងក្នុងខេត្តសៀមរាប ជាគ្រួសារដែលមានអាជីវកម្មកែច្នៃត្រីបានដំណើរការអស់រយៈពេលជាង ១៥ឆ្នាំ។ ក្រុមហ៊ុនមានជំនាញក្នុងការសម្ងួតត្រីជាច្រើនប្រភេទ បន្ទាប់មកមានលក់នៅហាងលក់គ្រឿងទេសជាច្រើនដែលមានទីតាំងនៅទូទាំងប្រទេសកម្ពុជា។ នៅកន្លែងតាំងបង្ហាញនេះ ក្រុមហ៊ុន Harvest the Sun បានអនុវត្ត និងកំពុងសាកល្បងម៉ាស៊ីនសម្ងួតថាមពលព្រះអាទិត្យ ទម្ងន់ ៣៥០គីឡូក្រាម។

ជាមួយគ្នានេះ ផ្ទះហាលសម្ងួតត្រីប្រើប្រាស់បច្ចេកវិទ្យាសូឡា បានផលិតឡើងពីសន្លឹកប៉ូលីកាបូណាតដែលទប់ស្កាត់កាំរស្មី UV ដែលមានគុណភាពខ្ពស់ និងរួមបញ្ចូលនូវប្រព័ន្ធខ្យល់ចេញចូលដោយថាមពលពន្លឺព្រះអាទិត្យ ការគ្រប់គ្រងសីតុណ្ហភាព និងសំណើមដោយស្វ័យប្រវត្តិ និងការត្រួតពិនិត្យឧបករណ៍កម្តៅខាងក្រោយដែលបំពាក់ដោយឧស្ម័ន LPG ។

គួរជម្រាបជូនថា ក្រុមហ៊ុន Savea Consulting គឺជាអ្នកដែលមានជំនាញខាងកិច្ចការងារអនុវត្តការគ្រប់គ្រង និងរៀបចំជាកម្មវិធីផ្សព្វផ្សាយ និងបណ្តុះបណ្តាលជាមួយនឹងបច្ចេកវិទ្យាសូឡាយ៉ាងហោចណាស់ ១០ប្រភេទនៅតាមបណ្តាខេត្តចំនួន៥ ដែលស្ថិតជុំវិញបឹងទន្លេសាប។ កម្មវិធីផ្សព្វផ្សាយ និងបណ្តុះបណ្តាលទាំងនោះ នឹងរៀបចំឡើងក្នុងរយៈពេល២ឆ្នាំខាងមុខដោយផ្តល់ឱកាសសម្រាប់បណ្តាក្រុមអ្នកពាក់ព័ន្ធទៅនឹងវិស័យកសិ-នេសាទទាំងឡាយរៀនសូត្រកាន់តែស៊ីជម្រៅអំពីបច្ចេកវិទ្យាទាញយកថាមពលព្រះអាទិត្យ ឬសូឡា ព្រមទាំងជួយដោះស្រាយបញ្ហា និងចំណុចខុសឆ្គងកន្លងមកបានធ្វើឱ្យសមត្ថភាពក្នុងការប្រើប្រាស់ថាមពលសូឡាមិនអាចជ្រៀតចូលទីផ្សារប្រកបដោយនិរន្តភាពបាន៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

Fulbright ផ្ដល់អាហារូបករណ៍៤ពាន់នាក់សម្រាប់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 17/01/2023

កម្មវិធីអាហារូបករណ៍ Fulbright USA កំពុងបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិគ្រប់ជាតិសាសន៍ច្រើនជាង១៦០ប្រទេសចំនួន៤ពាន់...

ឱកាសហាត់ការជំនាញព័ត៌មានវិទ្យា ចំនួន២០នាក់ នៅអគ្គនាយកដ្ឋានបច្ចេកវិទ្យាឌីជីថល ក្រសួងមហាផ្ទៃ

ព័ត៌មានអាហារូបករណ៍, ព្រឹត្តិការណ៍

• 16/03/2026

ការងារអាហារូបករណ៍អភិសន្តិបណ្ឌិត ស សុខា សហការជាមួយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ នឹងជ្រើសរើសនិស្សិតចូលបម្រើការជាមន្ត្រីហាត់ការ...

ឱកាសសិក្សាជំនាញវិជ្ជាជីវៈឥតគិតថ្លៃនៅវិទ្យាស្ថានជាតិសហគ្រិនភាព និងនវានុវត្តន៍ វគ្គសិក្សាថ្មី

ព័ត៌មានអាហារូបករណ៍, ព្រឹត្តិការណ៍

• 07/05/2025

វិទ្យាស្ថានជាតិសហគ្រិនភាព និងនវានុវត្តន៍ ប្រកាសជ្រើសរើសសាធារណជនចូលសិក្សាជំនាញវិជ្ជាជីវៈ ដោយឥតគិតថ្លៃសម្រាប់វគ្គសិក្សាថ្មី។ ការសិក្សា ផ្ដល់ជូនដល់យុវជនមកពីគ្រួសារក្រីក្រ គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុង និងក្រៅប្រព័ន្ធ។

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 16/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ពីកម្មវិធីអាហារូបករណ៍ Dayton Merit Scholarship 2024។ អាហារូបករណ៍ផ្ដល់ជូនដល់និស្សិតបរទេសសិក្សា...

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 25/04/2023

កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...

សាកលវិទ្យាល័យឈានមុខគេផ្នែកវេជ្ជសាស្ត្ររបស់ប្រទេសកាណាដា ប្រកាសផ្តល់អាហារូបករណ៍សម្រាប់និស្សិតបរទេស

ព័ត៌មានអាហារូបករណ៍, ព្រឹត្តិការណ៍

• 03/06/2026

សាកលវិទ្យាល័យឈានមុខគេមួយផ្នែកវេជ្ជសាស្ត្រ-វិទ្យាសាស្ត្រសុខាភិបាលរបស់កាណាដា ប្រកាសបើកទ្វាទទួលនិស្សិតពីក្រៅប្រទេស

ក្រសួងអប់រំជ្រើសរើសសិក្ខាកាមចូលរួមវគ្គបណ្តុះបណ្តាលនវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី

ព័ត៌មានអាហារូបករណ៍, ព្រឹត្តិការណ៍

• 15/07/2025

ក្រសួងអប់រំ យុវជន និងកីឡា បានប្រកាសជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល...

អាហារូបករណ៍ភាសាអង់គ្លេសសម្រាប់សិស្សថ្នាក់ទី១២ ដើម្បីត្រៀមប្រឡងបាក់ឌុប

ព័ត៌មានអាហារូបករណ៍, ព្រឹត្តិការណ៍

• 04/06/2025

ក្រសួងអប់រំ យុវជន និងកីឡា ក្រោមកិច្ចសហការ និងការគាំទ្រពី មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) និងសាលាអន្តរជាតិកម្ពុជាអូស្រ្តាលី (Australia Cambodia Education Academy – AusCam Academy)