ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ ICCR Scholarships បានប្រកាសផ្តល់អាហារូបករណ៍ចំនួន៥០កន្លែងសម្រាប់សិស្សនិស្សិតកម្ពុជា ទៅសិក្សានៅប្រទេសឥណ្ឌា លើកម្រិតសិក្សាបរិញ្ញាបត្រ អនុបណ្ឌិត និងបណ្ឌិត សម្រាប់ឆ្នាំសិក្សា២០២៣-២០២៤។
បេក្ខជនអាចជ្រើសរើសមុខជំនាញសិក្សានៅសាកលវិទ្យាល័យល្បីៗក្នុងប្រទេសឥណ្ឌា រហូតដល់ចំនួន៥សាកលវិទ្យាល័យ ដោយក្នុងនោះអាហារូបករណ៍ ផ្តល់ឱ្យនិស្សិតនូវថ្លៃសាលា សំបុត្រយន្តហោះទៅមក ព្រមជាមួយប្រាក់ឧបត្ថម្ភប្រចាំខែអាចបានដល់ ២៥០ដុល្លារ។
សម្រាប់លក្ខខណ្ឌនៃការជ្រើសរើស និស្សិតត្រូវមានអាយុពី១៨ ទៅ៣០ឆ្នាំសម្រាប់ថ្នាក់បរិញ្ញាបត្រ និងថ្នាក់អនុបណ្ឌិត ។ ដោយឡែកនិស្សិតថ្នាក់បណ្ឌិត អាចមានអាយុរហូតដល់ ៤៥ឆ្នាំ ។ និស្សិតដែលស្នើសុំអាហារូបករណ៍ ត្រូវសរសេរអត្ថបទជាភាសាអង់គ្លេសចំនួន៥០០ពាក្យ ដើម្បីពិនិត្យមើលសមត្ថភាពភាសាអង់គ្លេស និងត្រូវភ្ជាប់មកជាមួយសញ្ញាបត្រ TOFEL / IELTS ប្រសិនបើមាន។
រាល់សញ្ញាបត្រ និងឯកសារពាក់ព័ន្ធត្រូវបកប្រែជាភាសាអង់គ្លេស ។ ក្នុងនោះបេក្ខជនត្រូវមានលិខិតឆ្លងដែនដែលមានសុពលភាព។
សម្រាប់ការដាក់ពាក្យសូមទៅកាន់តំណភ្ជាប់ https://a2ascholarships.iccr.gov.in/
សម្រាប់ព័ត៌មានលម្អិត៖ https://bit.ly/3mN22ri ។ ផុតកំណត់ទទួលពាក្យត្រឹមថ្ងៃទី៣០ ខែមេសា ឆ្នាំ២០២៣៕
