ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសសម្រាប់សិស្សនិស្សិតដែលមានជំនាញព័ត៌មានវិទ្យា (IT) ពេលនេះ អគ្គលេខាធិការដ្ឋានរដ្ឋសភា បានប្រកាសប្រឡងជ្រើសរើសមន្រ្តីកិច្ចសន្យាទាំងពីរភេទ ចំនួន៣០នាក់ ដើម្បីបំពេញការងារនៅរដ្ឋសភាជាតិ។
ផ្នែកដែលត្រូវជ្រើសរើស ៖ អ្នកគ្រប់គ្រងទិន្នន័យ (Database Administrator) ចំនួន ៥នាក់, អ្នកគ្រប់គ្រងប្រព័ន្ធបណ្តាញ (Network Administrator) ចំនួន ៥នាក់, អ្នកអភិវឌ្ឍកម្មវិធី (Software Developer) ចំនួន ៥នាក់, អ្នកថែទាំឧបករណ៍ព័ត៌មានវិទ្យា (Maintenance Officer) ចំនួន ៥នាក់, អ្នកគ្រប់គ្រងប្រព័ន្ធសុវត្ថិភាពព័ត៌មានវិទ្យា និងកាមេរ៉ាសុវត្ថិភាព ចំនួន ៥នាក់ និង អ្នកបណ្តុះបណ្តាលបច្ចេកវិទ្យាព័ត៌មាន ចំនួន ៥នាក់។
លក្ខខណ្ឌជ្រើសរើស ៖ ជនជាតិខ្មែរ សញ្ជាតិខ្មែរ, មានអាយុចន្លោះពី ២២ ដល់ ៣០ឆ្នាំ, មានកាយសម្បទាគ្រប់គ្រាន់ (វិញ្ញាបនបត្របញ្ជាក់ពីនាយកដ្ឋានពេទ្យការងារ), អាចបំពេញការងារបន្ថែមម៉ោងក្នុងថ្ងៃឈប់សម្រាក, មានចំណេះដឹងភាសាអង់គ្លេសអាចប្រើប្រាស់បាន, មានសញ្ញាបត្រយ៉ាងតិចបរិញ្ញាបត្រ ឬប្រហាក់ប្រហែលលើជំនាញដែលជ្រើសរើស, មានបទពិសោធការងារពាក់ព័ន្ធនឹងជំនាញខាងលើ។
អត្ថប្រយោជន៍ ៖ ទទួលបានប្រាក់ឧបត្ថម្ភផ្អែកលើគោលការណ៍មន្រ្តីកិច្ចសន្យា នៃអគ្គលេខាធិការដ្ឋានរដ្ឋសភា, ទទួលបានអត្ថប្រយោជន៍បន្ថែមផ្សេងៗ។
បេក្ខជនដែលមានចំណាប់អារម្មណ៍ចង់ដាក់ពាក្យចូលបម្រើការងារ សូមទំនាក់ទំនងទទួល និងដាក់ពាក្យប្រឡងនៅការិយាល័យធនធានមនុស្ស នៃនាយកដ្ឋានគ្រប់គ្រងបុគ្គលិក ចាប់ពីថ្ងៃជូនដំណឹង រហូតដល់ថ្ងៃទី៣០ ខែវិច្ឆិកា ឆ្នាំ២០២៥ រៀងរាល់ម៉ោងធ្វើការ។ ចំពោះកាលបរិច្ឆេទប្រឡង នឹងជូនដំណឹងតាមតេឡេក្រាម បន្ទាប់ពីគណៈកម្មការពិនិត្យ និងវាយតម្លៃលើលក្ខខណ្ឌជ្រើសរើសរួចរាល់។
សម្រាប់ព័ត៌មានបន្ថែម សូមទំនាក់ទំនងទៅកាន់ទូរស័ព្ទលេខ ០១៧ ៩៨៩ ៨៨២ ៕
