ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិបណ្តុះបណ្តាលបច្ចេកទេស បានប្រកាសដល់សិស្សនិស្សិត ដែលចង់ចូលរៀនជំនាញបច្ចេកទេស និងវិជ្ជាជីវៈ (TVET) លើកម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) ដោយវិទ្យាស្ថាននឹងផ្តល់អាហារូបករណ៍ ១០០% ចំនួន៣០០កន្លែង។
ជំនាញឯកទេសដែលនឹងផ្តល់ជូនរួមមាន ៖ ការដំឡើងនិងថែទាំមេកាត្រូនិក ៥០កន្លែង (ស្រី២០កន្លែង), ការដំឡើង និងថែទាំប្រព័ន្ធអេឡិចត្រូនិក ៥០កន្លែង (ស្រី២០កន្លែង), ការដំឡើង និងថែទាំប្រព័ន្ធបញ្ជា និងបណ្តាញអគ្គិសនីក្នុងអគារ ១០០កន្លែង (ស្រី៣០កន្លែង) និង ការគូរប្លង់ និងគ្រប់គ្រងគ្រឿងផ្គុំសំណង់ស៊ីវិល ១០០កន្លែង (ស្រី៣០កន្លែង)។
លក្ខខណ្ឌនៃការជ្រើសរើស ៖ បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ៣ ឬជាប់ ឬធ្លាក់ មធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។
សំណុំលិខិតត្រូវបំពេញក្នុងការដាក់ពាក្យ ៖ បេក្ខជនត្រូវបំពេញពាក្យស្នើសុំចូលរៀន និងភ្ជាប់ជាមួយនូវឯកសារដូចជា ពាក្យសុំចុះឈ្មោះចូលរៀន ១ច្បាប់, សាលាកបត្រទទួលពាក្យចូលរៀន ២ច្បាប់, សញ្ញាបត្រ ឬលិខិតបញ្ជាក់មានតម្លៃស្មើ ២ច្បាប់, អត្តសញ្ញាណប័ណ្ណថតចម្លង ២ច្បាប់ និងរូបថតថ្មីផ្ទៃពណ៌ខៀវ (4×6) ចំនួន ៣សន្លឹក។
ទទួលពាក្យចាប់ពីថ្ងៃជូនដំណឹងនេះ រហូតគ្រប់ចំនួនកំណត់, កាលបរិច្ឆេទចូលរៀន លើកទី១ នៅថ្ងៃទី២៧ ខែតុលា ឆ្នាំ២០២៥ លើកទី២ ថ្ងៃទី១៧ ខែវិច្ឆិកា ឆ្នាំ២០២៥ និងលើកទី៣ ថ្ងៃទី០១ ខែធ្នូ ឆ្នាំ២០២៥។
សម្រាប់ព័ត៌មានបន្ថែមសូមទំនាក់ទំនងទៅកាន់ទូរស័ព្ទលេខ ០១២ ៣០៩ ៥៥៦៕
