ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មានប្រសាសន៍ក្នុងពិធីសម្ពោធអគារសិក្សាថ្មី នៅពុទ្ធិកសាកលវិទ្យាល័យព្រះសីហមុនីរាជា ស្ថិតក្នុងបរិវេណវត្តស្វាយពពែ សង្កាត់ទន្លេបាសាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានលើកឡើងថា យើងមិនអាចខ្វះធនធានមនុស្សបានទេ សម្តេចបញ្ជាក់ថា ប្រទេសរបស់យើងជឿនលឿនទៅមុខបាន ទាល់តែយើងមានធនធានមនុស្សគ្រប់គ្រាន់។
បើតាមប្រសាសន៍របស់សម្តេចតេជោ ប្រទេសកម្ពុជាកាលពីសម័យសង្គមរាស្រ្តនិយម ពោលគឺកំឡុងឆ្នាំទសវត្សរទី៦០ ប្រាក់ចំណូលប្រជាជនកម្ពុជាគឺមានប្រមាណ ២៦៧ដុល្លារក្នុងម្នាក់ ខណៈពេលដែលប្រទេសកូរ៉េខាងត្បូងមានតែត្រឹម៧២ដុល្លារប៉ុណ្ណោះ ។ សម្តេចមានប្រសាសន៍ថា សង្រ្គាមបានបំផ្លាញធនធានមនុស្ស ធ្វើឱ្យប្រទេសយើងដែលមានធនធានសំបូរបែប ក្លាយទៅជាប្រទេសក្រីក្រ។
“ក្នុងពេលដែលប្រទេសមួយចំនួនគ្មានធនធានធម្មជាតិ តែគេក្លាយទៅជាអ្នកមានបាន ដោយសារ ទី១ នយោបាយគេត្រូវ ទី២ គេមានធនធានមនុស្ស ឯសម្រាប់យើងក៏ដូចគ្នាដែរ គឺយើងមានកំហុសខាងនយោបាយ ហើយយើងខ្វះធនធានមនុស្ស”
យ៉ាងណាក៏ដោយ សម្រាប់បច្ចុប្បន្ននេះ សម្តេចតេជោស្នើដល់ក្រសួងអប់រំ យុវជន និងកីឡា ត្រូវពង្រឹងគុណភាព នៃការបណ្តុះបណ្តាល ដោយថា គុណភាព នៃការបណ្តុះបណ្តាលជាបញ្ហាសំខាន់ ហេតុនេះ ទើបរាជរដ្ឋាភិបាលធ្វើការវិនិយោគលើវិស័យអប់រំ។
គួរបញ្ជាក់ថា ក្នុងនីតិកាលកន្លងមក រាជរដ្ឋាភិបាលបានកំណត់យកអាទិភាពចំនួន រួមមាន ផ្លូវ ទឹក ភ្លើង និងមនុស្ស ដើម្បីជំរុញការអភិវឌ្ឍប្រទេស ។ ក្នុងនោះនៅក្នុងនីតិកាលទី៦ រាជរដ្ឋាភិបាលបានកំណត់យក «យុទ្ធសាស្រ្តចតុកោណ» ដំណាក់កាលទី៤ ដោយបានផ្តោតការយកចិត្តទុកដាក់តម្កល់ «មនុស្ស» (អភិវឌ្ឍធនធានមនុស្ស) ជាវិស័យអាទិភាពទី១ នៅលើគេ ដោយរួមមាន ៖ ការពង្រឹងគុណភាពវិស័យអប់រំ វិទ្យាសាស្រ្ត និងបច្ចេកវិទ្យា, ការបណ្តុះបណ្តាលជំនាញបច្ចេកទេស, ការលើកកម្ពស់សេវាសុខភាពសាធារណៈ និងអាហារូបត្ថម្ភ និង ការពង្រឹងសមភាពយេនឌ័រ និងការគាំពារសង្គម៕
