ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យជាច្រើននៅក្នុងប្រទេសថៃ ពីកម្មវិធីអាហារូបករណ៍ Child’s Dream University Scholarship សម្រាប់ឆ្នាំសិក្សា២០២៤។ អាហារូបករណ៍ផ្ដល់ជូនសម្រាប់សិស្ស-និស្សិតប្រទេសកម្ពុជា និងមីយ៉ានម៉ា។

អាហារូបករណ៍ផ្ដល់ជូនការសិក្សាជំនាញផ្សេងៗទៅតាមសាកលវិទ្យាល័យដូចជា ជំនាញការអប់រំក្នុងការបង្រៀននៅសាកលវិទ្យាល័យអន្តរជាតិ Asia-Pacific (Asia-PacificInternational University) ជំនាញផ្នត់គំនិត និងយុទ្ធសាស្ត្រទំនាក់ទំនង, ផលិតកម្មប្រព័ន្ធផ្សព្វផ្សាយច្នៃប្រឌិត​ នៅសាកលវិទ្យាល័យបាងកក។ ជំនាញ វិទ្យាសាស្ត្រ​សង្គម, សេដ្ឋកិច្ច, វិទ្យាសាស្ត្របរិស្ថាន នៅសាកលវិទ្យាល័យឈៀងមៃ។ ជំនាញវិស្វកម្មសូហ្វវែរ នៅ King Mongkut’s Institute of Technology Ladkrabang ជំនាញ សុខភាព​សាធារណៈ, សុខភាពបរិស្ថាន នៅសាកលវិទ្យាល័យ Mae Fah Luang ជំនាញវិទ្យាសាស្ត្របរិស្ថាន នៅសាកលវិទ្យាល័យ Mahidol ជំនាញទំនាក់ទំនងអន្តរជាតិ និងការអភិវឌ្ឍន៍នៅសាកលវិទ្យាល័យ Rangsit និងជំនាញ វិស្វកម្ម​សំណង់​ស៊ីវិល, វិស្វកម្មម៉ាញេទិក, គោលនយោបាយ និងការអភិវឌ្ឍន៍សង្គម, ការសិក្សាសកល និងសហគ្រិនសង្គមនៅសាកលវិទ្យាល័យ Thamamasat ។

បេក្ខជនបំពេញពាក្យត្រូវភ្ជាប់ជាមួយឯកសារចាំបាច់មួយចំនួនដូចជា រូបថតទំហំលិខិតឆ្លងដែន, លិខិតឆ្លងដែនមានសុពលភាព, អត្តសញ្ញាណបណ្ណ ឬសំបុត្រកំណើត, ព្រឹត្តិបត្តិពិន្ទុIELTS, រូបថតផ្ទះ សំណេរតែងសេចក្ដី និងឯកសារយោង។

លក្ខខណ្ឌជ្រើសរើសបេក្ខជនត្រូវជាជនជាតិខ្មែរ និងមីយ៉ាន់ម៉ា មានអាយុមិនលើសពី៣០ឆ្នាំរហូតដល់ថ្ងៃផុតកំណត់ដាក់ពាក្យ មកពីគ្រួសារមានខ្វះខាត (មិនមានលទ្ធភាបន្តការសិក្សានៅសាកលវិទ្យាល័យ) មិនទទួលបានអាហារូបករណ៍សិក្សានៅសាលាផ្សេងៗ ។ ជាមួយគ្នានេះ បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬលិខិតដែលមានតម្លៃស្មើ និងលិខិតបញ្ជាក់ភាសាអង់គ្លេស ឬភាសាថៃទៅតាមកម្មវិធីសិក្សាដែលបេក្ខជនជ្រើសរើស។

សម្រាប់ព័ត៌មានបន្ថែមអាចចូលទៅកាន់ https://docs.google.com/forms/d/e/1FAIpQLSeKzJ6T7WtgYE0h3pz_bLsyOOra_-cJsvKV708CeCmjSmnlVA/viewform?fbzx=3770049543114521341 ។

ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែកុម្ភៈ ឆ្នាំ២០២៤៕