ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសទទួលបានអាហារូបករណ៍សាច់ប្រាក់រយៈពេល៣ឆ្នាំពី Education First Cambodia ផ្ដល់សម្រាប់សិស្សស្រីកំពុងសិក្សាឆ្នាំទី២នៃឆ្នាំសិក្សា២០២៣-២០២៤។ អាហារូបករណ៍ផ្ដល់ជូនសម្រាប់និស្សិតកំពុងសិក្សានៅសាកលវិទ្យាល័យសាធារណមួយចំនួននៅរាជធានីភ្នំពេញ។
លក្ខខណ្ឌជ្រើសរើស ៖ សម្រាប់បេក្ខជនជានិស្សិតស្រីដែលមានជីវភាពខ្វះខាតបានបញ្ចប់ឆ្នាំទី១ និងកំពុងសិក្សាឆ្នាំទី២ ឆ្នាំសិក្សា២០២៣-២០២៤ នៅគ្រប់មហាវិទ្យាល័យ នៃសាកលវិទ្យាល័យភូមិន្ទភ្នំពេញ, មហាវិទ្យាល័យសេដ្ឋកិច្ច និងគ្រប់គ្រងនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច, មហាវិទ្យាល័យសេដ្ឋកិច្ចកសិកម្ម និងអភិវឌ្ឍជនបទនៃសាកលវិទ្យាល័យភូមិន្ទកសិកម្ម, មហាវិទ្យាល័យគីមី ចំណីអាហារ នៃវិទ្យាស្ថានបច្ចេកវិទ្យាកម្ពុជា, និងកំពុងសិក្សាមុខវិជ្ជាឱសថសាស្ត្រ គិលានុបដ្ឋយិកា វេជ្ជបណ្ឌិត និងសុខភាពសាធារណៈ នៃសាកលវិទ្យាល័យវិទ្យាសាស្ត្រសុខាភិបាល។ លើសពីនេះមានប្រវត្តិសិក្សាល្អដូចជា ពិន្ទុ GPA ៣.០០នៅក្នុងព្រិត្តិបត្រពិន្ទុឆមាសទី១នៃឆ្នាំទី១។
អាហារូបករណ៍នឹងគាំទ្រការសិក្សាផ្នែកហិរញ្ញវត្ថុ ការសិក្សាភាសាអង់គ្លេស ការបណ្ដុះបណ្ដាលភាពជាអ្នកដឹកនាំ ថ្នាក់រៀនកុំព្យូទ័រ និងបណ្ដុះបណ្ដាលជាច្រើនទៀតសម្រាប់និស្សិតឆ្នើមដែលមកពីបណ្ដាខេត្តទូទាំងប្រទេស។
បេក្ខជនដែលចំណាប់អារម្មណ៍អាចធ្វើការបំពេញពាក្យតាមរយៈ៖ https://docs.google.com/forms/d/e/1FAIpQLScP741rpdoMPea_MdG55vnzqy92bI3tCrkflJqbOzF39T5TgA/viewformនិងផ្ញើឯកសារពាក់ព័ន្ធដែលតម្រូវទៅកាន់Email៖ Application@educationfirstcambodia.org ។
សម្រាប់ព័ត៌មានបន្ថែមអាចចូលទៅកាន់គេហទំព័រ www.educationfirstcambodia.org ឬFacebook ផ្លូវការរបស់ First Education Cambodia ឬ https://docs.google.com/document/d/1pVHd2k6-UBr5691hNWnEzlaxfTDvWJvI/edit?fbclid=IwAR07TSpaumPLwe90oO0jnmM1CcTS-ZxMXW2Ea9htc5t_wlmmNrXSfzbCgvs ។
គួរបញ្ជាក់ដែរថា បេក្ខនារីអាចដាក់ពាក្យជាភាសាអង់គ្លេស ឬជាភាសាខ្មែរក្នុងការដាក់ពាក្យ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែវិច្ឆិកា ឆ្នាំ២០២៣ វេលាម៉ោង១១:៣០ នាទីយប់៕
