ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិកឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនការសិក្សាដល់និស្សិតទូទាំងពិភពលោកដែលមានប្រវត្តិការសិក្សាល្អ និងពិន្ទុល្អក្នុងការប្រឡងដោយផ្អែកលើគុណសម្បត្តិទៅសិក្សាជំនាញសិល្បៈ។
កម្មវិធីអាហារូបករណ៍ត្រូវបានបែងចែកជា២គឺ អាហារូបករណ៍ផ្អែកលើគុណសម្បត្តិ ជាអាហារូបករណ៍ដែលផ្ដល់ជាសាច់ប្រាក់ពី១៦.០០០ដុល្លារដល់៣០.០០០ ដុល្លារអាមេរិកក្នុងមួយឆ្នាំ និងអាហារូបករណ៍ប្រធានាធិបតីនៃសាកលវិទ្យាល័យ Illinois Wesleyan ជាអាហារូបករណ៍ដែលគ្រប់ដណ្ដប់លើការសិក្សាពេញលេញ ឬអាចបន្តរយៈពេល៤ឆ្នាំ។
បេក្ខជនដែលមានសិទ្ធក្នុងការដាក់ពាក្យអាហារូបករណ៍ត្រូវមានលក្ខណៈគ្រប់គ្រាន់សម្រាប់អាហារូបករណ៍ដូចជា បង្ហាញលទ្ធផលសិក្សា និងលទ្ធផលប្រឡងចូលដែលត្រូវការ។ ជាមួយគ្នានេះត្រូវមានលិខិតបញ្ជាក់ពិន្ទុ TOEFL ឬ IELTS។
ដើម្បីដាក់ពាក្យសុំអាហារូបករណ៍នៅសាកលវិទ្យាល័យ Illinois Wesleyan និស្សិតអន្តរជាតិត្រូវបំពេញតាមជំហានដូចជា ជ្រើសរើសកម្មវិធី IWU ឬកម្មវិធីទូទៅ ផ្ដល់ប្រតិចារិកពីវិទ្យាល័យ ឬមហាវិទ្យាល័យដែលមាន ការរៀបចំសរសេរអត្ថបទ(ដែលជាផ្នែកមួយនៃកម្មវិធីសិក្សា) មានជំនាញភាសាអង់គ្លេស មានលិខិតអនុសាសន៍(ជាជម្រើស) និងសេចក្ដីថ្លែងការណ៍ផ្ទាល់ខ្លួន។
សម្រាប់ព័ត៌មានបន្ថែម និងការចុះឈ្មោះអាចចូលទៅកាន់តំណភ្ជាប់ https://www.iwu.edu/international/scholarships.html ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែកុម្ភះ ឆ្នាំ២០២៤៕
