ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កាលពីដើមសប្តាហ៍នេះ ស្ថានទូតបារាំងប្រចាំនៅកម្ពុជា និងបណ្ឌិតសភាបច្ចេកវិទ្យាឌីជីថលកម្ពុជា (CADT) បានចុះអនុស្សរណៈនៃការយោគយល់គ្នា ស្តីពីកម្មវិធីអាហារូបករណ៍របស់រដ្ឋាភិបាលបារាំង ក្រោមអធិបតីភាពឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ លោក Jacques Pellet ឯកអគ្គរដ្ឋទូតបារាំង និងឯកឧត្តម សេង សុភាព ប្រធានបណ្ឌិត្យសភាបច្ចេកវិទ្យាឌីជីថលកម្ពុជា។
អនុស្សរណៈនៃការយោគយល់នេះ មានគោលបំណងដើម្បីបន្តកិច្ចសហប្រតិបត្តិការហិរញ្ញប្បទានរួមគ្នាក្នុងការ ផ្តល់អាហារូបកណ៍ដល់និស្សិតឆ្នើមកម្ពុជា ទៅសិក្សាថ្នាក់បណ្ឌិតជំនាញបច្ចេកវិទ្យាឌីជីថលនៅសាកលវិទ្យាល័យប្រទេសបារាំង។
ស្ថានទូតបារាំងប្រចាំកម្ពុជា បានបញ្ជាក់ថា អាហារូបករណ៍សរុបចំនួន២៧ ត្រូវបានផ្តល់សហហិរញ្ញប្បទានជាមួយស្ថានទូតបារាំងចាប់តាំងពីឆ្នាំ២០១៨ ហើយកិច្ចព្រមព្រៀងនេះ នឹងជួយពង្រឹងកិច្ចសហប្រតិបត្តិការបណ្តុះបណ្តាលផ្នែកវិទ្យាសាស្ត្រជាមួយគ្រឹះស្ថានឧត្តមសិក្សា និងវិទ្យាសាស្ត្របារាំង ព្រមទាំងផ្តល់ឱកាសបណ្តុះបណ្តាលដ៏ល្អឥតខ្ចោះនៅប្រទេសបារាំងលើមុខវិជ្ជាសំខាន់ៗដូចជា វិទ្យាសាស្ត្រទិន្នន័យ និងបញ្ញាសិប្បនិម្មិត។
ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ មានប្រសាសន៍ថា កិច្ចសហប្រតិបត្តិការនេះ ជាកិច្ចខិតខំប្រឹងប្រែងក្នុងការបង្កើនមូលធនមនុស្សជំនាញឌីជីថល និងការលើកកម្ពស់សមត្ថភាពស្រាវជ្រាវនិងនវានុវត្តន៍ គាំទ្រដល់ការសម្រេចបាននូវផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជា ២០២៤-២០៣៥៕
