ជា​ឱកាស​សម្រាប់​សិស្សានុសិស្ស​ដែល​បានបញ្ចប់ថ្នាក់ទី១២ បើទោះជា​ធ្លាក់ ឬជាប់បាក់ឌុប ដោយ​ក្រសួងអប់រំ យុវជន និងកីឡា កំពុង​ប្រកាសប្រឡង​ជ្រើសរើស​និស្សិត​អាហារូបករណ៍១០០% និង​និស្សិត​បង់ថ្លៃ សរុប​ចំនួន ២៩០កន្លែង សិក្សា​នៅ​វិទ្យាស្ថាន​បច្ចេកវិទ្យា​កំពង់ស្ពឺ សម្រាប់ឆ្នាំសិក្សា​២០២៥-២០២៦។

មុខ​ជំនាញ​ដែលអាហារូបករណ៍ផ្តល់ជូន​រួមមាន ៖ វិទ្យាសាស្រ្ត​ដំណាំ ថ្នាក់បរិញ្ញាបត្ររង ១០កន្លែង ថ្នាក់បរិញ្ញាបត្រ ៣០កន្លែង, វិទ្យាសាស្រ្តសត្វ ថ្នាក់បរិញ្ញាបត្ររង ២០កន្លែង ថ្នាក់បរិញ្ញាបត្រ ៥០កន្លែង, បច្ចេកវិទ្យាអាហារ ថ្នាក់បរិញ្ញាបត្ររង ២០កន្លែង ថ្នាក់បរិញ្ញាបត្រ ៤០កន្លែង, បច្ចេកវិទ្យា​កុំព្យូទ័រ ថ្នាក់បរិញ្ញាបត្ររង ២០កន្លែង ថ្នាក់បរិញ្ញាបត្រ ៤០កន្លែង និង បច្ចេកវិទ្យាអគ្គិសនី ថ្នាក់បរិញ្ញាបត្ររង ២០កន្លែង ថ្នាក់បរិញ្ញាបត្រ ៤០កន្លែង។

លក្ខខណ្ឌ នៃការប្រឡងជ្រើសរើស ៖ ជាសិស្ស​ប្រឡងជាប់ ឬធ្លាក់សញ្ញាបត្រ​មធ្យមសិក្សា​ទុតិយភូមិ ឬសញ្ញាបត្រ​ដែល​មានតម្លៃ​សមមូល, ជា​សិស្ស​ប្រឡង​ជាប់សញ្ញាបត្រ​បច្ចេកទេស និង​វិជ្ជាជីវៈ​កម្រិត៣ ឬសញ្ញាបត្រ​ដែលមាន​តម្លៃសមមូល។

កាលបរិច្ឆេទ នៃការ​ទទួលពាក្យ​សុំ​ប្រឡង​ជ្រើសរើស ចាប់ពីថ្ងៃប្រកាស​ផ្សាយ​ដំណឹងនេះ រហូត​ដល់ថ្ងៃទី២៣ ខែវិច្ឆិកា ឆ្នាំ​២០២៥ វេលាម៉ោង ១៧:០០ជាកំណត់។ សម័យប្រឡង​ថ្ងៃទី២៨ ខែវិច្ឆិកា ឆ្នាំ២០២៥ នៅវិទ្យាស្ថានបច្ចេកវិទ្យា​កំពង់ស្ពឺ។

ទីកន្លែងទទួលពាក្យ ៖ វិទ្យាស្ថាន​បច្ចេកវិទ្យា​កំពង់ស្ពឺ (ខេត្តកំពង់ស្ពឺ), នាយកដ្ឋានតម្រង់ទិស​វិជ្ជាជីវៈ (រាជធានីភ្នំពេញ) ឬអាច​ទំនាក់ទំនង​តាម​ប្រព័ន្ធតេឡេក្រាមលេខ ០៩២ ៦២៧ ៣៣៥ ឬ ០៩៨ ៩៧៧ ៩៤៩។

សំណុំលិខិតរបស់បេក្ខជន ៖ ពាក្យ​ស្នើ​សុំ​សិទ្ធិជាបេក្ខជន​ប្រឡង​ជ្រើសរើស​អាហារូបករណ៍ ១ច្បាប់, ជីវប្រវត្តិសង្ខេប ១ច្បាប់, បង្កាន់ដៃ​ទទួលពាក្យ​ស្នើ​សុំ​សិទ្ធិ​ជា​បេក្ខជន​ប្រឡង​ជ្រើសរើស​អាហារូបករណ៍ ១ច្បាប់, សញ្ញាបត្រ ឬវិញ្ញាបនបត្រ​បណ្តោះអាសន្ន​មធ្យមសិក្សា​ទុតិយភូមិ ឬសមមូល (ថតចម្លង) ១ច្បាប់, សញ្ញាបត្រ ឬវិញ្ញាបនបត្រ​បណ្តោះអាសន្ន​បច្ចេកទេស និង​វិជ្ជាជីវៈកម្រិត៣ ឬសមមូល (សម្រាប់សិស្ស​ផ្នែកបច្ចេកទេស និ​ងវិជ្ជាជីវៈ) ១ច្បាប់, សំបុត្រ​កំណើត (ថតចម្លង) ១ច្បាប់, អត្តសញ្ញាណប័ណ្ណ​សញ្ជាតិខ្មែរ (ថតចម្លង) ១ច្បាប់។

ចំពោះព័ត៌មានបន្ថែម សិស្សានុសិស្ស​អាច​ទាក់ទង​តាមរយៈ​លេខទូរស័ព្ទ ០៩២ ៧៤០ ២២២ ឬ ០៩៦ ២៩៦ ០៧០៧៕