ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ Singapore A STAR ACIS នឹងបើកទទួលពាក្យអាហារូបករណ៍សម្រាប់និស្សិតអន្តរជាតិ ឱ្យស្នើការសិក្សាថ្នាក់ឧត្ដមសិក្សាសម្រាប់ឆ្នាំសិក្សា២០២៥ នៅប្រទេសសឹង្ហបុរី។ អាហារូបករណ៍ផ្ដល់ជូនការសិក្សាថ្នាក់បណ្ឌិតស្រាវជ្រាវ ក្នុងការច្នៃប្រឌិត និងកសាងសមត្ថភាពនៅក្នុងបញ្ញាសិប្បនិម្មិត ការវិភាគទិន្នន័យ សុវត្ថិភាពអ៉ីនធើណិត កុំព្យូទ័រ Cloud និងជំនាញផ្សេងៗជាច្រើនទៀត។
លក្ខខណ្ឌនៃបេក្ខជន ៖ ជានិស្សិតអន្តរជាតិមកពីគ្រប់សញ្ជាតិសាសន៍ លើកលែងតែសញ្ជាតិសឹង្ហបុរី បានបញ្ចប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ដែលពាក់ព័ន្ធក្នុងវិស័យបច្ចេកវិទ្យាកុំព្យូទ័រ វិទ្យាសាស្ត្រទិន្នន័យ វិទ្យាសាស្ត្រព័ត៌មាន។ ជាមួយគ្នានេះ បេក្ខជនជាបុគ្គលដែលមានចំណាប់អារម្មណ៍ខ្លាំងក្នុងវិស័យកុំព្យូទ័រ វិទ្យាសាស្ត្រព័ត៌មាន ការស្រាវជ្រាវនៅក្នុងវិស័យអប់រំ ឬឧស្សាហកម្ម។ បេក្ខជនត្រូវមានជំនាញភាសាអង់គ្លេសខ្លាំងក្នុងការសរសេរ និយាយ ដែលចាំបាច់សម្រាប់ភាពជោគជ័យទាំងការសិក្សា និងការទំនាក់ទំនងជាដើម។
បេក្ខជនដែលមានចំណាប់អារម្មណ៍ក្នុងការដាក់ពាក្យត្រូវភ្ជាប់ជាមួយឯកសារចាំបាច់មួយចំនួនដូចជា ការបំពេញពាក្យតាមរយៈOnline ប្រតិចារិកសិក្សា និងវិញ្ញាបនបត្រ សញ្ញាបត្រ ប្រវត្តិរូបសង្ខេប (CV) សំណើស្រាវជ្រាវបញ្ជាក់ពីគោលបំណងសិក្សា លិខិតអនុសាសន៍ចំនួន២ពីសាស្ត្រាចារ្យ ឬអ្នកដឹកនាំ វិញ្ញាបនបត្របញ្ជាក់ភាសាអង់គ្លេស ឯកសារបញ្ជាក់អត្តសញ្ញាណ ( លិខិតឆ្លងដែន ឬអត្តសញ្ញាណប័ណ្ណ)។ ឯកសារបញ្ជាក់ទាំងអស់ត្រូវធ្វើឡើងជាភាសាអង់គ្លេស និងភ្ជាប់លិខិតដើមដើម្បីផ្ទៀងផ្ទាត់។
បេក្ខជនជ័យលាភីអាហារូបករណ៍នឹងទទួលបានការគាំទ្រជាច្រើនពីភាគីអាហារូបករណ៍ដូចជា ថ្លៃសិក្សាពេញលេញ (មួយកម្មវិធីសិក្សា) ប្រាក់ឧបត្ថមប្រចាំខែ (ក្នុងកំឡុងពេលសិក្សា) និងទទួលបានបទពិសោធន៍ស្រាវជ្រាវផ្ទាល់ជាមួយវិទ្យាស្ថានស្រាវជ្រាវ A*STAR ជាដើម។
អាហារូបករណ៍នឹងបើកទទួលពាក្យ ពីថ្ងៃទី១ ខែឧសភា ឆ្នាំ២០២៥ ដល់ថ្ងៃទី១ ខែសីហា ឆ្នាំ២០២៥។ សម្រាប់ព័ត៌មានបន្ថែមអាចចូលទៅកាន់ https://www.a-star.edu.sg/Scholarships/For-Graduate-Studies/A-STAR-CIS-Scholarship ៕
