ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ទោះបីសាលារៀនមួយចំនួននៅតំបន់គោលដៅត្រូវបានបិទទ្វារផ្អាកបណ្តោះអាសន្នក៏ពិតមែន ក៏ប៉ុន្តែសាលារៀនទូទាំងប្រទេស មិនទាន់សម្រេចបិទទ្វារផ្អាកសកម្មភាពរៀននិងបង្រៀននោះទេ នៅក្នុងស្ថានភាពជំងឺកូវីដ- ១៩ កំពុងរីករាលដាលនៅក្នុងសហគមន៍ដោយសារព្រឹត្តិការណ៍សហគមន៍ ២០កុម្ភៈ។ ផ្ទុយទៅវិញសាលារៀនទាំងអស់ត្រូវអនុវត្តវិធានការណ៍សុវត្ថិភាពសុខភាពសិក្សាឱ្យបានខ្ជាប់ខ្ជួនបំផុត។ នេះជាការបញ្ជាក់របស់ឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា ប្រាប់ AMS នៅថ្ងៃនេះ។
ឯកឧត្តម រស់ សុវាចា មានប្រសាសន៍បញ្ជាក់ថា៖
“ក្រសួងអប់រំ យុវជន និងកីឡាមិនទាន់ឈានដល់ការផ្អាកដំណើរការគ្រឹះស្ថានសិក្សារដ្ឋនិងឯកជនទូទាំងប្រទេសនៅឡើយទេ។ មកដល់ពេលនេះ ក្រសួងអប់រំផ្អាកដំណើរការគ្រឹះស្ថានសិក្សាសាធារណ: និងឯកជនដែលស្ថិតនៅរាជធានី-ខេត្តដែលមានហានិភ័យអាចឆ្លងជំងឺកូវីដ-១៩ ប៉ុណ្ណោះ។ ចំណែកខេត្តដែលមិនទាន់មានការពាក់ព័ន្ធ កំពុងដំណើរការរៀននិងបង្រៀនដោយអនុវត្តវិធានការសុវត្ថិភាពសុខភាពឱ្យបានខ្ជាប់ខ្ជួន”
ឯកឧត្តម រស់ សុវាចា បានមានប្រសាន៍បន្ថែមថា ចំពោះមុខនេះ ក្រសួងអប់រំ យុវជន និងកីឡា កំពុងបន្តតាមដាននិងវាយតម្លៃស្ថានការណ៍កូវីដ-១៩ ដោយយកចិត្តទុកដាក់កម្រិតខ្ពស់ និងបន្តសហការជាមួយក្រសួងសុខាភិបាល រួមទាំងគ្រប់ភាគីពាក់ព័ន្ធ។ ក្រសួងអប់រំ នឹងជម្រាបបន្ថែមជូនសាធារណជននៅពេលមានការវិវត្តថ្មីៗនៃស្ថានការណ៍កូវីដ-១៩។
ទន្ទឹមគ្នានេះ ក្រសួងអបរំបានបញ្ជាក់ថា ក្នុងបរិបទកូវីដ-១៩ ក្រសួងនឹងបង្វែរបញ្ហាប្រឈមដោយសារកូវីដឱ្យក្លាយជាឱកាសពង្រឹងការអប់រំបែបឌីជីថលដល់សិស្សានុសិស្ស ដែលស្ថិតក្នុងផែនការយុទ្ធសាស្រ្តវិស័យអប់រំឆ្នាំ២០១៩ -២០២៣។ ក្រសួងអប់រំតម្រូវឱ្យសិស្សានុសិស្សត្រូវរៀនតាមកម្មវិធីសិក្សាបង្រួញ តាមរយ:ការអប់រំបែបចម្រុះ ដោយសិស្សរៀនក្នុងថ្នាក់ផង រៀនពីចម្ងាយផង ស្វ័យសិក្សាផង អមដោយសន្លឹកកិច្ចការ និងមេរៀនសង្ខេប។ គ្រប់ភាគីពាក់ព័ន្ធត្រូវបន្តអនុវត្តយ៉ាងខ្ជាប់ខ្ជួននូវវិធានការសុវត្ថិភាពសុខភាពដែលមានជាធរមាន។
សូមជម្រាបថា ជារឿយៗនៅក្នុងដំណាក់កាលចូលរួមទប់ស្កាត់ការឆ្លងរីករាលដាលជំងឺកូវីដ-១៩ ក្រសួងអប់រំតម្រូវឱ្យគណៈគ្រប់គ្រងគ្រឹះស្ថានសិក្សាសាធារណ:និងឯកជន លោកគ្រូ អ្នកគ្រូ សិស្សានុសិស្ស និងគ្រប់ភាគីពាក់ព័ន្ធ បន្តអនុវត្តគោលការណ៍ប្រតិបត្តិស្ដង់ដារ (SOP) របស់ក្រសួងអប់រំ យុវជន និងកីឡាចុះថ្ងៃទី០៤ ខែសីហា ឆ្នាំ២០២០ និងតាមការណែនាំរបស់ក្រសួងសុខាភិបាលឱ្យមានប្រសិទ្ធភាពខ្ពស់បំផុត។ សម្រាប់ឆ្នាំសិក្សា២០២០-២០២១ ក្រសួងអប់រំ យុវជន និងកីឡា នៅតែមានផែនការរៀបចំការប្រទ្បងឌីប្លូម និងប្រឡងបាក់ឌុប ដើម្បីបន្តពង្រឹងគុណភាពអប់រំ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
រដ្ឋមន្ត្រីក្រសួងអប់រំ ក្រើនរំលឹកនិស្សិតកុំពឹងផ្អែកលើ AI ហួសហេតុ រហូតបាត់បង់បំណិនត្រិះរិះពិចារណា
ពី F ទៅ A ៖ វ៉ាន សែនវ៉ា ជំនះការលំបាក តស៊ូសិក្សាឡើងវិញ រហូតសម្រេចក្តីស្រមៃ និងទទួលការលើកទឹកចិត្តពីសម្តេចតេជោ
សិស្សចិន និងសិង្ហបុរី ឈានមុខគេលើពិភពលោកផ្នែកគណិតវិទ្យា និងវិទ្យាសាស្ត្រ
តើពេលវេលាណាដែលល្អបំផុតក្នុងការទទួលទានកាហ្វេ?
អាហារូបករណ៍ អភិសន្តិបណ្ឌិត ស សុខា ៧០កន្លែង សិក្សានៅសាកលវិទ្យាល័យជាតិបាត់ដំបង សម្រាប់ឆ្នាំសិក្សា ២០២៦-២០២៧
សម្រាប់សិស្សត្រៀមប្រឡងចូលសាកលវិទ្យាល័យ! ក្រសួងអប់រំបើកថ្នាក់បំប៉នវិទ្យាសាស្ត្រឥតគិតថ្លៃ
ពលរដ្ឋរងផលប៉ះពាល់ពីជម្លោះព្រំដែនជាង ៣ម៉ឺននាក់ទទួលបានសេវាសង្គ្រោះផ្លូវចិត្តបឋម
អ្នកនាំពាក្យ ៖ បេក្ខជនទាំង៣នាក់ ដែលក្លែងបន្លំសញ្ញាបត្រច្បាប់ នឹងត្រូវកោះហៅឱ្យបំភ្លឺនៅ ACU
តើអាហារអាចរក្សាទុកក្នុងទូរទឹកកកបានយូរប៉ុណ្ណា? ស្វែងយល់ពីគុណភាព និងសុវត្ថិភាពចំណីអាហារ
អាហារូបករណ៍ ១០០% ចំនួន ១៥កន្លែង លើជំនាញអប់រំកុមារតូច នៅសាកលវិទ្យាល័យសិល្បៈភ្នំពេញ
កម្មវិធីពិសេសរបស់ AMS EDUCATION
ព័ត៌មានសង្ខេប
