អង្គការជឿជាក់លើសិស្សជនបទកម្ពុជា ប្រកាសជ្រើសរើស សិស្ស-និស្សិតចំនួន២០នាក់ដើម្បីសិក្សាអាហារូបករណ៍នៅថ្នាក់វិទ្យាល័យ សាកលវិទ្យាល័យ និងឱកាសការងារសង្គមផ្សេងៗ។ អាហារូបករណ៍ផ្ដល់ជូនសម្រាប់បេក្ខជនដែលកំពុងសិក្សា ឬស្នាក់នៅក្នុងក្រុងសៀមរាប ឬជាបេក្ខជនដែលអាចផ្លាស់ទៅរស់នៅ និងសិក្សានៅក្រុងសៀមរាបបាន។

លក្ខខណ្ខនៃការប្រឡងជ្រើសរើស ៖ បេក្ខជនទាំង២ភេទជាសិស្សដែលកំពុងសិក្សាថ្នាក់ទី១០ ១១ ១២ (មកពីគ្រួសារក្រីក្រ ឬខ្វះខាតត្រូវបានផ្ដល់អាទិភាព) ជាបុគ្គលដែលខិតខំសិក្សារៀនសូត្រ មានការប្ដេជ្ញាចិត្ត តស៊ូក្នុងការរៀនសូត្រ និងស្រឡាញ់ការរួមចំណែកការងារសង្គម។ មានអត្តចរិកចាស់ទុំ ឬពេញវ័យ និងមានសមត្ថភាពអាចផ្លាស់ប្ដូរទៅរស់នៅ និងសិក្សានៅក្រុងសៀមរាប អាចប្រើប្រាស់ភាសាអង់គ្លេស (មានកម្រិតមធ្យម ឬកម្រិតណាមួយដែលអាចទទួលយកបាន)។ ជាមួយគ្នានេះ គ្រួសាររបស់សិស្សត្រូវជួយ និងលើកទឹកចិត្តដល់កូនៗខណៈកំពុងរស់នៅ និងបន្តការសិក្សាក្នុងក្រុងសៀមរាប ដោយសិស្សត្រូវមានមធ្យោបាយធ្វើដំណើរផ្ទាល់ខ្លួន (កង់ឬម៉ូតូ)។ សម្រាប់សិស្សថ្នាក់ទី១២ តម្រូវឱ្យប្រឡងជាប់មធ្យមសិក្សាទុតិយភូមិថ្នាក់ជាតិឆ្នាំ២០២៤ទើបអាចទទួលបានឱកាសអាហារូបករណ៍នេះ។

អត្ថប្រយោជន៍ដែលបេក្ខជនទទួលបានរួមមាន ៖ ប័ណ្ណធានារ៉ាប់រងអាយុជីវិត និងការថែទាំសុខភាព ថ្នាក់ភាសាអង់គ្លេសប្រចាំថ្ងៃ  សម្រាប់សិស្សសិក្សានៅសាកលវិទ្យាល័យទទួលបានការសិក្សាជំនាញទំនាក់ទំនងអន្តរជាតិ និងជំនាញការគ្រប់គ្រងពាណិជ្ជកម្ម និងប្រាក់ឧបត្ថម្ភប្រចាំខែ៨៥ដុល្លារ។  សម្រាប់សិស្សថ្នាក់វិទ្យាល័យ ទទួលបានសម្ភារៈសិក្សា អាហារបីពេលក្នុងមួយថ្ងៃចំនួន៦ថ្ងៃក្នុងមួយសប្ដាហ៍ និងប្រាក់ឧបត្ថម្ភ៤០ដុល្លារក្នុងមួយខែ។

បេក្ខជនទាំងអស់ត្រូវឆ្លងកាត់នៃការជ្រើសរើសចំនួន៣ដំណាក់កាលដោយ ទី១ ការប្រឡងចំណេះដឹងទូទៅភាសាខ្មែរ និងភាសាអង់គ្លេស ទី២ ការសម្ភាសន៍ផ្ទាល់មាត់ជាភាសាខ្មែរ និងអង់គ្លេស និងទី៣ ក្រុមការងាររបស់អង្គការជឿជាក់លើសិស្សជនបទកម្ពុជានឹងចុះទៅផ្ទះរបស់បេក្ខជនដើម្បីស្វែងយល់អពីស្ថានភាពរស់នៅលម្អិតរបស់បេក្ខជននីមួយៗ។

ឯកសារភ្ជាប់ដែលបេក្ខជនត្រូវភ្ជាប់រួមមាន ពាក្យស្នើសុំអាហារូបករណ៍ (គំរូភ្ជាប់)១ច្បាប់ រូបថតថ្មី៤x៦ (២សន្លឹក) សំបុត្រកំណើតសាម៉ីខ្លួន(ថតចម្លង)១ច្បាប់ សៀវភៅគ្រួសារ(ថតចម្លង)១ច្បាប់ និងប័ណ្ណក្រីក្រ(ថតចម្លងបើមាន)១ច្បាប់។

ដើម្បីធ្វើការដាក់ពាក្យស្នើសុំអាហារូបករណ៍ សិស្សានុសិស្សអាចទៅទទួលពាក្យស្នើសុំអាហារូបករណ៍នៅការិយាល័យរបស់អង្គការជឿជាក់លើសិស្សជនបទកម្ពុជា ដែលមានអាសយដ្ឋាន ផ្ទះលេខ២៣១ ក្រុមទី៦ ភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប ឬផ្លូវលេខ១៨ វត្តពោធិលង្កា ខាងកើតវត្តពោធិលង្កាប្រហែល៣០ម៉ែត្រ និងបត់ស្ដាំ ឬទៅទទួលពាក្យស្នើសុំអាហារូបករណ៍នៅ សាលាវិទ្យាល័យពួក វិទ្យាល័យវ៉ារិន វិទ្យាល័យកំពង់ក្ដី និងវិទ្យាល័យ២៨មករា។ ជាមួយគ្នានេះអាចធ្វើការដាក់ពាក្យតាមរយៈតំណភ្ជាប់ https://forms.gle/vv9ZvYBheGGgjVtd8 ។

សម្រាប់ព័ត៌មានបន្ថែមអាចចូលទៅកាន់ https://drive.google.com/…/1dzR…/view… ឬអាចទំនាក់ទំនងទៅកាន់ លោក ភេង វាសនា ០៧៧ ៣៧៤ ៥៤៨ (Telegram)។ ផុតកំណត់ទទួលពាក្យថ្ងៃទី១១ ខែមិថុនា ឆ្នាំ២០២៤ ដោយបេក្ខជនត្រូវប្រគល់ពាក្យស្នើសុំអាហារូបករណ៍តាមអាសយដ្ឋានរបស់អង្គការ៕