ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គេងឆាប់លក់ផ្តល់គុណសម្បត្តិជាច្រើនដូចជា អភិវឌ្ឍន៍គុណភាពកំឡុងពេលគេង ចំណេញពេលវេលា កាត់បន្ថយហានិភ័យនៃជំងឺរ៉ាំរ៉ៃ ជួយឱ្យអារម្មណ៍ល្អហើយពង្រឹងប្រព័ន្ធដំណើរការរាងកាយ បង្កើនផលិតភាពនិងសុវត្ថិភាពទាំងផ្លូវចិត្ត និងរាងកាយ។
មានកត្តាជាច្រើនដែលបង្អាក់ ឬរំខានមនុស្សមិនឱ្យគេងលង់ឱ្យបានឆាប់ក្នុងរយៈពេលលឿន ឬក៏ហាក់មិនស្ងប់សុខកំឡុងពេលគេងទាល់តែសោះ ការកំណត់ម៉ោងគេង និងកំណត់ស្រ្គីនពន្លឺគេបានដឹងជាច្រើនមកហើយ ដូច្នេះតើនៅមានកត្តាអ្វីទៀត ? បើតាមគេហទំព័រ Good Men Project បានបង្ហាញគន្លឹះងាយៗ ដើម្បីជំរុញឱ្យការទទួលទានដំណេកឆាប់លក់ និងអាចចាប់ផ្តើមអនុវត្តន៍ពេលណាក៏បាន ដោយមានរៀបរាប់នៅខាងក្រោម៖
១. របបអាហារ ៖ ការទទួលទានអាហារ ឬភេសជ្ជៈ ដោយមិនបានគិតគួរឱ្យបានហ្មត់ចត់ ក៏ជាកត្តាដែលប៉ះពាល់ទៅកាន់ដំណេកដែរ។ ដូច្នេះជ្រើសអាហារណា ដែលមានសារធាតុចិញ្ចឹម និងជៀសចាករាល់ភេសជ្ជៈទាំងឡាយណាដែលមានជាតិកាហ្វេអ៊ីន ឬធ្វើឱ្យគេងមិនលក់ជាដើម។ ចំណុចមួយទៀតដែលគួរតែយកចិត្តទុកដាក់ដែរនោះ គឺ ការកំណត់កម្រិតពេលផឹកភេសជ្ជៈ មានជាតិអាកុល។ ជាការពិត ក្រោយពិសាររួចគឺជួយឱ្យលោកអ្នកងាយលង់លក់នៅពេលគេងក៏ពិតមែន ប៉ុន្តែផលអវិជ្ជមាននោះ គឺ កំឡុងពេលគេងមិនលង់លក់ដោយស្កប់ស្កល់បាននោះទេ។
២. គ្រប់គ្រងស្រ្តេស ៖ ការបណ្តាលឱ្យសុខភាពផ្លូវចិត្តទ្រុតទ្រោម ឬឈានទៅដល់បញ្ហាស្រ្តេស គឺជាកត្តាសំខាន់ដែលអាចបណ្តាលឱ្យលោកអ្នកពិបាកក្នុងការគេងឱ្យបានលឿន។ ដូច្នេះហើយ ការកាត់បន្ថយស្រ្តេស ជាវិធីសាស្រ្តមួយជួយឱ្យលោកអ្នកងាយក្នុងគេងឆាប់លក់។ ហើយវិធីក្នុងការកាត់បន្ថយមានដូចជា ធ្វើសមាធិ យូហ្កា ហាត់ប្រាណ និងសកម្មភាពដទៃទៀតដែលជំរុញឱ្យចិត្តជ្រះថ្លា។
៣. ប្រឹក្សាជាមួយអ្នកជំនាញ ៖ វិធីសាស្រ្តក្នុងការជួយឱ្យឆាប់គេងលក់មានច្រើនប្រភេទ ជាងអ្វីដែលបានរៀបរាប់ក្នុងអត្ថបទនេះ ប៉ុន្តែបើសិនជាលោកអ្នកបានអនុវត្តន៍ នូវវិធីជាច្រើនរួចហើយ រួមទាំងវិធីទាំងពីរខាងផងដែរ ហើយនៅតែមិនទទួលបានប្រសិទ្ធភាពទៀតនោះ គឺវាចាំបាច់ណាស់ ដែលត្រូវទៅជួបអ្នកប្រឹក្សាយោបល់ ដើម្បីផ្ទៀងផ្ទាត់ពីស្ថានភាពបច្ចុប្បន្ន និងទទួលបានគន្លឹះមួយដែលពិតជាឆ្លើយតបនឹងតម្រូវការជាក់ស្ដែង៕
