UNESCO ៖ នៅកម្ពុជាក្មេងប្រុសបោះបង់ការសិក្សាច្រើនជាងក្មេងស្រី

ក្រសួងអប់រំកម្ពុជា និងអង្គការអប់រំ វិទ្យាសាស្ត្រ និងវប្បធម៌ នៃអង្គការសហប្រជាជាតិ (UNESCO) កាលពីដើមសប្ដាហ៍នេះ បានបង្ហាញពីលទ្ធផល នៃការសិក្សាថ្នាក់ជាតិមួយ ដែលរកឃើញថា ក្មេងប្រុសបានសម្រេចចិត្តឈប់រៀនច្រើនជាងក្មេងស្រី។

ការសិក្សាបានបង្ហាញថា ក្នុងរយៈពេល ៥ឆ្នាំកន្លងមកនេះ ក្មេងស្រីកាន់តែច្រើនបានចុះឈ្មោះចូលរៀន បើប្រៀបធៀបទៅនឹងក្មេងប្រុស។ លទ្ធផលនេះបង្ហាញឱ្យឃើញពីវឌ្ឍនភាព ដែលកម្ពុជាសម្រេចបាន ក្នុងការពង្រឹងសមត្ថភាពក្មេងស្រី ខណៈពេលដែលមានការព្រួយបារម្ភកាន់តែខ្លាំង អំពីការបោះបង់ការសិក្សារបស់ក្មេងប្រុស។

UNESCO បានលើកឡើងថា នៅក្នុងឆ្នាំ២០២៤ អត្រាចុះឈ្មោះចូលរៀន មាន ៦៥% សម្រាប់ក្មេងស្រី និង ៥៧% សម្រាប់ក្មេងប្រុស ដោយបន្ថែមថា ការបោះការសិក្សានៅតែជាបញ្ហាប្រឈមដ៏ធំសម្រាប់ក្មេងប្រុស។

ការសិក្សានេះរកឃើញថា ជាមធ្យម ក្មេងប្រុស ១៧% បានឈប់រៀននៅកម្រិតមធ្យមសិក្សា បើធៀបទៅនឹងក្មេងស្រី​ ដែលអត្រាត្រឹមតែ ១៣% ។

ការសិក្សាបានប្រើប្រាស់ទិន្នន័យ និងការពិគ្រោះយោបល់ដោយរួមទាំងការសម្ភាសន៍ និងការពិភាក្សាជាមួយសិស្ស ឪពុកម្ដាយ គ្រូបង្រៀន ថ្នាក់ដឹកនាំសាលា សមាជិកសហគមន៍ និងមន្ត្រីអប់រំ។

លទ្ធផលនៃការសិក្សារកឃើញថា ការដកខ្លួនចេញពីការអប់រំរបស់ក្មេងប្រុសក្នុងប្រទេសកម្ពុជា ត្រូវបានជំរុញដោយកត្តា ដែលមានទំនាក់ទំនងគ្នាទៅវិញទៅមកជាច្រើន រួមមាន បុគ្គល គ្រួសារ សាលារៀន សហគមន៍ និងគោលនយោបាយ។

ការសិក្សានេះ បានបង្ហាញថា កត្តាទាំងនេះ រួមមានទម្លាប់សិក្សាមិនល្អ និងការស្ទាក់ស្ទើរក្នុងការស្វែងរកជំនួយក្នុងចំណោមក្មេងប្រុស សម្ពាធសេដ្ឋកិច្ច កង្វះការគាំទ្រក្នុងគ្រួសារ ធនធានសាលានៅមានកម្រិត ការរំពឹងទុករបស់សហគមន៍ ដែលផ្ដល់អាទិភាពលើការងារជាងការអប់រំ។

របាយការណ៍នេះ បានអំពាវនាវ​ឱ្យមានយុទ្ធសាស្ត្ររួមមួយ ដើម្បីរក្សាក្មេងប្រុសឱ្យបន្តការសិក្សា និងបង្កើនការរៀនសូត្ររបស់ពួកគេ ដោយពង្រឹងអក្ខរកម្មមូលដ្ឋាន សមត្ថភាពគណិតវិទ្យា និងជំនាញសង្គម ដោយបន្ថែមថា រដ្ឋាភិបាល ត្រូវធ្វើឱ្យប្រសើរឡើងនូវហេដ្ឋារចនាសម្ព័ន្ធសាលាជនបទ ការពង្រឹងការជ្រើសរើស និងបណ្ដុះបណ្ដាលគ្រូបង្រៀន ព្រមទាំងពង្រីកសកម្មភាព ក្រៅម៉ោងសិក្សាបន្ថែមទៀត។

លោកស្រី បូ ចាន់គូលីកា អនុរដ្ឋលេខាធិការក្រសួងអប់រំ យុវជន និងកីឡា មានប្រសាសន៍ថា យើងត្រូវតែធ្វើឱ្យប្រាកដថា ក្មេងស្រី និងក្មេងប្រុស ទាំងអស់មានឱកាសស្មើគ្នាក្នុងការរៀនសូត្រ និងទទួលភាពជោគជ័យក្នុងជីវិត។

លោកស្រីបន្ថែមថា ការរកឃើញនៅក្នុងការសិក្សានេះ បានផ្ដល់នូវដំណោះស្រាយជាក់ស្ដែង ដើម្បីដោះស្រាយវិសមភាពយេនឌ័រ និងលើកកម្ពស់ការអប់រំប្រកបដោយបរិយាប័ន្ន។

លោកស្រី Matthias Eck អ្នកឯកទេសកម្មវិធី នៅក្នុងការអប់រំ ប្រកបដោយបរិយាប័ន្ន និងសមភាពយេនឌ័ររបស់អង្គការយូណេស្កូ បានមានប្រសាសន៍ថា ការដោះស្រាយបញ្ហាការបោះបង់ការសិក្សា និងសកម្មភាពអវិជ្ជមានរបស់បុរសនៅក្នុងសង្គម គឺពិតជាមានភាពសំខាន់ខ្លាំងណាស់ ដើម្បីសម្រេចបាននូវគោលដៅអភិវឌ្ឍន៍ប្រកបដោយចីរភាពទី៤ ស្ដីពីការអប់រំ ដែលលើកកម្ពស់សមភាពយេនឌ័រ និងការអប់រំ ដែលមានគុណភាពប្រកបដោយបរិយាប័ន្ន សម្រាប់ទាំងអស់គ្នា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាស​អាហារូបករណ៍ ៥០កន្លែង​សម្រាប់​និស្សិត​កម្ពុជា ទៅបន្តការសិក្សា​នៅ​ប្រទេស​ចិន តាមរយៈ​កម្មវិធី 2025-Skilk Road Program

ព័ត៌មានអាហារូបករណ៍, ព្រឹត្តិការណ៍

• 13/05/2025

ក្រោម​កិច្ច​សហការ​រវាង​សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតចិន និង​សាកលវិទ្យាល័យ​មួយចំនួន​នៅ​ប្រទេស​ចិន សមាគមបាន​ប្រកាស​ពី​ការផ្តល់​អាហារូបករណ៍​ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់​ចំនួន៥០កន្លែង ដែលជា​ប្រភេទ​អាហារូបករណ៍​...

រៀនជំនាញកែច្នៃបន្លែ ផ្លែឈើ ដោយ​មិនគិតថ្លៃ​ពីវិទ្យាស្ថាន​ជាតិពហុបច្ចេកទេស​កម្ពុជា

ព័ត៌មានអាហារូបករណ៍, ព្រឹត្តិការណ៍

• 31/03/2025

វិទ្យាស្ថានជាតិពហុបច្ចេកទេស​កម្ពុជា (NPIC) ប្រកាសជាថ្មី​ក្នុងការ​ជ្រើសរើស​សិក្ខាកាម​ចូលរៀនជំនាញកែច្នៃបន្លែផ្លែឈើ ដោយ​មិន​គិតថ្លៃ ក្រោម​កម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។

ឱកាសសិក្សាអាហារូបករណ៍ថ្នាក់វិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 12/11/2025

វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈ សម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១ (C1 ១,៥លាននាក់) ចំនួន៩០០នាក់។

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ NL Scholarship 2026 ក្នុងប្រទេសហូឡង់

ព័ត៌មានអាហារូបករណ៍, ព្រឹត្តិការណ៍

• 11/12/2025

កម្មវិធីអាហារូបករណ៍ NL Scholarship ឆ្នាំសិក្សា២០២៦-២០២៧ របស់ក្រសួងអប់រំ នៃប្រទេសហូឡង់កំពុងបើកផ្ដល់ពាក្យអាហារូបករណ៍សម្រាប់និស្សិតអន្តរជាតិជាច្រើនកន្លែង។ អាហារូបករណ៍ផ្ដល់សម្រាប់...

ឱកាស​សិក្សា​អាហារូបករណ៍​ចំនួន​២០កន្លែង​នៅ​សាកលវិទ្យាល័យ​ក្រចេះ​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/11/2024

ឱកាស​ទទួល​បានការសិក្សា​ថ្នាក់​បរិញ្ញាបត្រ​ចំនួន២០​កន្លែង​នៅ​សាកលវិទ្យាល័យ​ក្រចេះ សម្រាប់​ឆ្នាំសិក្សា​២០២៤-២០២៥។ អាហារូបករណ៍​ផ្ដល់​ជូន​ការ​សិក្សា​ពី​គម្រោង...

ឱកាសសិក្សាអាហារូបករណ៍នៅសាកលវិទ្យាល័យ Ton Duc Thang ប្រទេសវៀតណាមឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 10/07/2023

ក្រសួងអប់រំ យុវជន និងកីឡាជូនដំណឹងដល់សាធារណជនអំពីអាហារូបករណ៍ថ្នាក់បរិញ្ញាបត្រ និងអាហារូបករណ៍ថ្នាក់ត្រៀមភាសាវៀតណាមឆ្នាំសិក្សា២០២៣-២០២៤ ។ ...

អាហារូបករណ៍ស្រាវជ្រាវក្រោយឧត្ដមសិក្សានៅសាកលវិទ្យាល័យ Sydney ប្រទេស​អូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 07/09/2023

ឱកាសសិក្សាអាហារូបករណ៍ស្រាវជ្រាវក្រោយឧត្ដមសិក្សាសម្រាប់អន្តរជាតិនៅសាកលវិទ្យាល័យSydny ប្រទេសអូស្រ្តាលីឆ្នាំសិក្សា២០២៤ ។ អាហារូបករណ៍ជាការផ្ដល់ឱ្យពីសាកលវិទ្យាល័យSydny...

អាហារូបករណ៍មូលនិធិ Matsumae International ថ្នាក់ស្រាវជ្រាវនៅប្រទេសជប៉ុនឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 14/03/2023

កម្មវិធីអាហារូបករណ៍  Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី...

អាហារូបករណ៍ KOICA’s 2026 សម្រាប់មន្រ្តីរាជការ​កម្ពុជា សិក្សា​ថ្នាក់បរិញ្ញាបត្រជាន់ខ្ពស់ នៅប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 07/11/2025

កម្មវិធីអាហារូបករណ៍ KOICA (SP) ដែលត្រូវបានបង្កើតឡើងដើម្បីបណ្ដុះបណ្ដាលភាពជាអ្នកដឹកនាំដល់នៅក្នុងប្រទេសដៃគូ ដើម្បីរួមចំណែកដល់ការអភិវឌ្ឍសេដ្ឋកិច្ច-សង្គម នៃប្រទេសកំណើតរបស់ខ្លួន...