ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោមកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅប្រទេសចិន សមាគមបានប្រកាសពីការផ្តល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន៥០កន្លែង ដែលជាប្រភេទអាហារូបករណ៍រដ្ឋាភិបាលចិន CSC, 2025-Skilk Road Program សម្រាប់ឆ្នាំសិក្សា២០២៥-២០២៦ សិក្សានៅទីក្រុងប៉េកាំង, ខេត្តក្វាងទុង, ខេត្តជាំងស៊ូ, ខេត្តហ៊ូណាន, ខេត្តក្វាងស៊ី និងខេត្តហ៊ឺប៉េ នៃសាធារណរដ្ឋប្រជាមានិតចិន។
អត្ថប្រយោជន៍ទទួលបានពីអាហារូបករណ៍រួមមាន ៖ ថ្លៃសាលា, ថ្លៃស្នាក់នៅ, ប្រាក់ខែ ២៥០០យ័ន សម្រាប់ថ្នាក់បរិញ្ញាបត្រ និង ៣០០០យ័ន សម្រាប់ថ្នាក់បរិញ្ញាបត្រជាន់ខ្ពស់ និងថ្លៃធានារ៉ាប់រង។
ឯកសារតម្រូវសម្រាប់ការស្នើសុំអាហារូបករណ៍ ៖ ១.លិខិតឆ្លងដែន, ២.សញ្ញាបត្រ (បាក់ឌុប/បរិញ្ញាបត្រ), ៣. ព្រឹត្តិបត្រពិន្ទុ, ៤.ប្រវត្តិរូប CV, ៥.ផែនការសិក្សា, ៦.លិខិតអនុសាសន៍ ២ច្បាប់, ៧.លិខិតបញ្ជាក់កិរិយាមាយាទ, ៨.ឯកសារពិនិត្យសុខភាព, ៩.HSK3/4 ឡើង (ចាំបាច់បំផុត) និង វិញ្ញាបនបត្រផ្សេងៗ (បើមាន)។
ជំនាញដែលផ្តល់សម្រាប់ការសិក្សារួមមាន ៖ Business Administration, Clinical Medicine, Pharmacy, Stomatology, Civil Engineering, Painting, Animation, Art Management, Digital Media Arts, Visual Communication Design, IT។
សម្រាប់បេក្ខជនដែលមានបំណងស្នើសុំអាហារូបករណ៍ សូមយកឯកសារមកដាក់ផ្ទាល់នៅការិយាល័យប្រឹក្សាយោបល់អាហារូបករណ៍សិក្សានៅប្រទេសចិន នៅជាន់ទី៣ បន្ទប់០០៥/០០៦ ក្នុងអាគារទីស្នាក់ការកណ្តាលសមាគមសម្ព័ន្ធខ្មែរចិននៅកម្ពុជា ចាប់ពីថ្ងៃនេះ រហូតដល់ថ្ងៃទី១៥ ខែឧសភា ឆ្នាំ២០២៥។ ការស្នើសុំតាមអនឡាញ សូមឱ្យបានមុនថ្ងៃទី២០ ខែឧសភា ឆ្នាំ២០២៥។
សម្រាប់ព័ត៌មានបន្ថែម សូមទំនាក់ទំនងទៅកាន់ Telegram : 099 985 987៕
