សៅ កូរីរដ្ឋា យុវតីមកពីខេត្តព្រះវិហារ ឡើង​មករៀនជំនាញផលិតនំដល់ភ្នំពេញ ដើម្បីសម្រេចក្តីស្រមៃបើកអាជីវកម្មនៅស្រុកកំណើត

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

ដើម្បីសម្រេចក្តីស្រមៃ និងមានជំនាញមួយ​ច្បាស់លាស់ក្នុងជីវិត យុវតី សៅ កូរីរដ្ឋា បានចាកចេញពីស្រុកកំណើត​នៅ​ខេត្តព្រះវិហារ មក​កាន់រាជធានីភ្នំពេញ ដើម្បីរៀនផលិតនំ នៅ​វិទ្យាស្ថាន​សហគ្រិនភាព និងនវានុវត្តន៍ ក្រោម​​គម្រោង​របស់​កម្មវិធីបណ្តុះបណ្តាលជំនាញ​បច្ចេកទេស និង​វិជ្ជាជីវៈ ដល់​យុវជន​មកពីគ្រួសារក្រីក្រ និងគ្រួសារងាយរងហានិភ័យ ១,៥លាននាក់របស់រាជរដ្ឋាភិបាល។

យុវតី សៅ កូរីរដ្ឋា និយាយថា ជំនាញផលិតនំនេះ គឺនាង​ត្រូវ​សិក្សា​រយៈពេលប្រាំមួយខែ ដោយសិក្សាអំពីការផលិតនំ និងដុតនំជាច្រើនប្រភេទផ្សេងៗគ្នា។ កូរីរដ្ឋា បន្តថា ត្បិតទើបតែរៀនបាន​រយៈពេល​មួយខែក៏ពិតមែន ប៉ុន្តែនាងបានរៀន និងស្វែងយល់បានច្រើន​អំពីការផលិតនំ ខណៈការបង្រៀនរបស់លោកគ្រូ អ្នកគ្រូ ក៏​មានការបង្ហាត់បង្ហាញច្បាស់លាស់ ដិតដល់ និងយកចិត្តទុកដាក់។

កូរីរដ្ឋា បន្ថែមថា ក្នុងអំឡុងពេលរៀនជំនាញធ្វើនំបានមួយខែនេះ នាងអាចរៀនធ្វើនំបានមួយចំនួននៅផ្ទះដោយខ្លួនឯង ទោះប្រភេទនំខ្លះមិនទាន់មានឧបករណ៍គ្រប់គ្រាន់ក្នុងការផលិត ប៉ុន្តែនាងតែងតែយកចិត្តទុកដាក់ និងកត់ត្រារូបមន្តផ្សេងៗទុក និងតាមដានសួរគ្រូបន្ថែមនៅពេលមានចម្ងល់ជានិច្ច។

សិក្ខាកាមរូបនេះបានបន្តថា វគ្គសិក្សារយៈពេល៦ខែនេះ មិនមែនជារយៈពេលវែងពេក ឬខ្លីពេកសម្រាប់ការសិក្សានោះទេ ព្រោះថា មានពេលវេលាគ្រប់គ្រាន់សម្រាប់ការរៀន និងស្វែងយល់ ថែមទាំងទទួលបានឱកាសហាត់ការងារជាមួយកន្លែងហាត់ការដែលជាដៃគូសហការណ៍របស់សាលាផងដែរ។​ យុវតីមកពីខេត្តព្រះវិហាររូបនេះបន្តថា ប្រសិនបើរៀនដុតនំ នៅខាងក្រៅក៏មិនមានការសិក្សាដែលមានរយៈពេលដូចនេះដែរ ហើយ​ត្រូវ​បង់លុយដើម្បីរៀនទៀតផង ដូច្នេះក្នុងរយៈពេលនេះ នាងគិតថា គឺជាពេលវេលាសមស្របបំផុតសម្រាប់រៀន ដើម្បីទទួលបានជំនាញមួយច្បាស់លាស់។

បើតាម យុវតី កូរីរដ្ឋា ជំនាញធ្វើនំ និងដុតនំនេះ គឺគេសិក្សាអំពីរូបមន្តនៃការលាយម្សៅនំ របៀបលាយគ្រឿងផ្សំ ស្គាល់សម្ភារៈដែលត្រូវមានក្នុងការផលិតនំ ការធ្វើនំដែលមានរូបរាងខុសៗគ្នា និងការស្វែងយល់ពីការបង្កើតថ្មី និងការអភិវឌ្ឍន៍ផ្នែកនេះផងដែរ។

សៅ កូរីរដ្ឋា យល់ឃើញថា ជំនាញដុតនំ ឬការផលិតនំ មានសារៈសំខាន់ជាងគេក្នុងវិស័យអាហារូបត្ថម្ភ និងសេដ្ឋកិច្ចសង្គម ព្រោះជំនាញនេះ អាចឱ្យ​យើង​ផ្គត់ផ្គង់អាហារដែលមានគុណភាព និងប្រភេទសំបូរបែបទៅកាន់សហគមន៍។ ជំនាញដុតនំនេះ មិនត្រឹមតែជួយឱ្យប្រជាជនបានទទួលអាហារចំណីប្រកបដោយអនាម័យ និងរសជាតិផ្អែមឆ្ងាញ់ប៉ុណ្ណោះទេ ថែមទាំងជួយបង្កើតការងារក្នុងវិស័យកែច្នៃអាហារដ៏ធំមួយផងដែរ។ បន្ថែមពីនេះ ជំនាញដុតនំ ក៏អាចជួយជំរុញការលូតលាស់សេដ្ឋកិច្ចតាមរយៈការបើកអាជីវកម្មថ្មីៗទាក់ទងនឹងផលិតផលនំ ហើយអ្នកដែលមានជំនាញផលិតនំនេះ អាចផ្តល់នូវបរិយាកាសផ្តោតលើវប្បធម៌អាហារដែលជំរុញសុភមង្គល និងសុខភាពល្អនៅក្នុងសង្គម។

បន្ទាប់ពីបញ្ចប់ជំនាញផលិតនំនេះ យុវតី សៅ កូរីរដ្ឋា នឹងមានគម្រោងរៀនជំនាញឆុងកាហ្វេមួយទៀត ហើយបន្ទាប់​មក​នាងនឹង​ស្វែងរកការងារធ្វើដើម្បីសន្សំបទពិសោធន៍ក្នុងផ្នែកនេះឱ្យបានច្រើន មុនវិលត្រឡប់​ទៅស្រុកកំណើតវិញ ដើម្បីបើកអាជីវកម្មផ្ទាល់ខ្លួនក្នុងក្តីស្រមៃ។

យុវតី សៅ កូរីរដ្ឋា ក៏​សូមលើកទឹកចិត្តដល់យុវជន យុវនារីទាំងអស់ដែលចង់រៀន ចង់ចេះជំនាញមួយច្បាស់លាស់ក្នុងខ្លួនអាចស្វែងរកឱកាសសិក្សាជំនាញផ្សេងៗដែលស្ថិតក្រោមកម្មវិធី​បណ្តុះបណ្តាល​ជំនាញវិជ្ជាជីវៈ និង​បច្ចេកទេស ដល់យុវជន​មក​ពី​គ្រួសារក្រីក្រ និង​គ្រួសារងាយរងហានិភ័យ ១,៥លាននាក់របស់រាជរដ្ឋាភិបាល នៅតាមបណ្ដាគ្រឹះស្ថានសិក្សានានាទាំងរាជធានីភ្នំពេញ និងតាមបណ្ដាខេត្តនានា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍​ថ្នាក់​វេជ្ជបណ្ឌិត​នៅ​សាកលវិទ្យាល័យ​ ​IUHW​ ​ប្រទេស​ជប៉ុន​

ព័ត៌មានអាហារូបករណ៍, ព្រឹត្តិការណ៍

• 28/05/2026

​សាកលវិទ្យាល័យ​ ​International​ ​University​ ​of​ ​Health​ ​and​ ​Welfare​ ​(​IUHW​) ​ប្រទេស​ជប៉ុន​ ​នឹង​ផ្តល់​អាហារូបករណ៍​ដល់​និស្សិត​ឆ្នាំ​ទី​១​ ​និង​ឆ្នាំ​ទី​២​ ​ផ្នែក​វេជ្ជសាស្ត្រ ​ដែល​កំពុង​សិក្សា​នៅ​សាកលវិទ្យាល័យ​វិទ្យាសាស្ត្រ​សុខាភិបាល​

វិទ្យាស្ថានពហុបច្ចេកទេសខេត្តព្រះវិហារផ្ដល់ការសិក្សាជំនាញបច្ចេកទេសឥតគិតថ្លៃចំនួន៩០កន្លែង

ព័ត៌មានអាហារូបករណ៍, ព្រឹត្តិការណ៍

• 07/03/2023

វិទ្យាស្ថានបពហុច្ចេកទេសខេត្តព្រះវិហារប្រកាសជ្រើសរើសសិក្ខាកាមចូលសិក្សាជំនាញបច្ចេកទេសចំនួន៩០កន្លែង ។ ជំនាញដែលវិទ្យាស្ថាន...

ប្រភេទ នៃអាហារូបករណ៍ទាំង១០ក្នុងប្រទេសអ៉ីតាលីដែលអ្នកគួរដឹង

ព័ត៌មានអាហារូបករណ៍, ព្រឹត្តិការណ៍

• 22/05/2025

បើ​និយាយពីការសិក្សាថ្នាក់ឧត្ដមសិក្សានៅក្នុងប្រទេសអ៉ីតាលី គេនឹងដឹងពីអាហារូបករណ៍ជាច្រើនប្រភេទ ដោយមានទាំងអាហារូបករណ៍ពេញលេញ និងអាហារូបករណ៍ដោយផ្នែក ដែលទទួលបានពីអាហារូបករណ៍ជាច្រើនទាំងក្នុង...

CGTI កម្ពុជាផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន១១០កន្លែងសម្រាប់​ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 13/01/2023

វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ហៅកាត់ថា CGTI បានប្រកាសផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន១១០កន្លែង...

គន្លឹះក្នុងការសរសេរលិខិតអនុសាសន៍អាហារូបករណ៍

ព័ត៌មានអាហារូបករណ៍, ព្រឹត្តិការណ៍

• 11/09/2023

លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...

អាហារូបករណ៍ថ្នាក់ភាសាចិននៅសាធារណរដ្ឋប្រជាមានិតចិនចំនួន៥០កន្លែងសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 22/12/2023

សមាគមនិស្សិតកម្ពុជាប្រចាំសាធារណរដ្ឋប្រជាមានិត(ស.ន​.ក.ច) មានកិត្តិយសជូនដំណឹងដល់សាធារណៈជន ជាពិសេសសិស្ស-និស្សិតអំពីអាហារូបករណ៍ថ្នាក់ភាសាចិន...

អាហារូបករណ៍សម្រាប់សិស្សនារី ដែលមានបំណងបន្តការ​សិក្សា​ថ្នាក់ឧត្តមសិក្សា​នៅ​រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 30/05/2024

មូលនិធិហាប់ស្វែល (Harpswell Foundation) ដែលជាអង្គការមិនមែនរដ្ឋាភិបាល បានប្រកាសផ្តល់អាហារូបករណ៍ ២០២៤-២០២៥ សម្រាប់សិស្ស​នារី​ដែល​រស់​នៅ​តាម​បណ្តា​ខេត្ត​ដែលកំពុងសិក្សា...

RUPP ប្រកាសជ្រើសរើសនិស្សិតចូលរួមវគ្គបណ្ដុះបណ្ដាល ស្ត្រីក្នុងបរិបទឌីជីថល និងសហគ្រិនភាព សម្រាប់និស្សិតនារី

ព័ត៌មានអាហារូបករណ៍, ព្រឹត្តិការណ៍

• 16/06/2025

សាកលវិទ្យាល័យភូមិភ្នំពេញ ប្រកាសជ្រើសរើស សិស្ស និស្សិត ឱ្យ​ចូលសិក្សាវគ្គបណ្ដុះបណ្ដាល «ស្ត្រីក្នុងបរិបទឌីជីថល និងសហគ្រិនភាព» សម្រាប់និស្សិតនារី។ កម្មវិធីបណ្ដុះបណ្ដាលត្រូវបានរៀបចំដោយសាកលវិទ្យាល័យភូមិន្ទភ្នំពេញ

វិទ្យាស្ថានពហុបច្ចេកទេស​ភូមិភាគ​តេជោសែនតាកែវ ផ្តល់អាហារូបករណ៍ ៨៧០កន្លែង សម្រាប់​ថ្នាក់សញ្ញាបត្រជាន់ខ្ពស់បច្ចេកទេស

ព័ត៌មានអាហារូបករណ៍, ព្រឹត្តិការណ៍

• 03/10/2025

នៅក្នុងឆ្នាំសិក្សា​២០២៥-២០២៦នេះ វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ បានប្រកាស​ពីការផ្តល់​អាហារូបករណ៍​រហូត​ដល់ ៨៧០កន្លែង សម្រាប់ថ្នាក់សញ្ញាបត្រ​ជាន់ខ្ពស់​បច្ចេកទេស (បរិញ្ញាបត្ររង) ដល់យុវជនដែលបានបញ្ចប់ថ្នាក់មធ្យមសិក្សា​។