ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មូលនិធិហាប់ស្វែល (Harpswell Foundation) ដែលជាអង្គការមិនមែនរដ្ឋាភិបាល បានប្រកាសផ្តល់អាហារូបករណ៍ ២០២៤-២០២៥ សម្រាប់សិស្សនារីដែលរស់នៅតាមបណ្តាខេត្តដែលកំពុងសិក្សាថ្នាក់ទី១២ និងសិស្សដែលជាប់បាក់ឌុប ប៉ុន្តែមិនទាន់ចូលរៀននៅសាកលវិទ្យាល័យណាមួយ ដែលមានបំណងចង់បន្តថ្នាក់ឧត្តមសិក្សានៅសាកលវិទ្យាល័យនាទីក្រុងភ្នំពេញ។
អង្គការនឹងផ្តល់ជូនកន្លែងស្នាក់នៅ និងអាហារ, ការបណ្តុះបណ្តាលតាមរយៈកម្មវិធីសិក្សានៅក្នុងអន្តេវាសិកដ្ឋាន រួមមាន ៖ ភាសាអង់គ្លេស ភាសាបារាំង កុំព្យូទ័រ ការពិភាក្សាដេញដោល ជំនាញការងារ ពលរដ្ឋវិទ្យា ការត្រិះរិះពិចារណា សំណេរវិភាគ និងភាពជាអ្នកដឹកនាំ។
លក្ខខណ្ឌក្នុងការជ្រើសរើស ៖ ជាសិស្សពូកែក្នុងថ្នាក់ និងទទួលបាននិទ្ទេសល្អ ក្នុងការប្រឡងមធ្យមសិក្សាទុតិយភូមិ, ជាសិស្សដែលសកម្មក្នុងការចូលរួម និងយល់ដឹងពីកិច្ចការសង្គម, មានចំណេះដឹងភាសាអង់គ្លេស, មានទស្សនវិស័យសម្រាប់អនាគតរបស់ខ្លួន និងប្រទេសជាតិ។
សម្រាប់សិស្សនារីដែលមានចំណាប់អារម្មណ៍ អាចដាក់ពាក្យតាមរយៈតំណនេះ https://forms.gle/eZa5NUXwK32jMD3VA ។ ផុតកំណត់ទទួលពាក្យត្រឹមថ្ងៃទី ១៥ មិថុនា ឆ្នាំ២០២៤។
សូមបញ្ជាក់ដែរថា មូលនិធិហាប់ស្វែល ជាអង្គការលើកលែងពន្ធមួយ មានមូលដ្ឋាននៅអាមេរិក ដែលមានបេសកកម្ម ផ្តល់នូវការអប់រំ កន្លែងស្នាក់នៅ និងវគ្គបណ្តុះបណ្តាលភាពជាអ្នកដឹកនាំដល់ស្ត្រីវ័យក្មេងនៅក្នុងប្រទេសកំពុងអភិវឌ្ឍ៕
