នៅក្នុងឆ្នាំសិក្សា​២០២៥-២០២៦នេះ វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ បានប្រកាស​ពីការផ្តល់​អាហារូបករណ៍​រហូត​ដល់ ៨៧០កន្លែង សម្រាប់ថ្នាក់សញ្ញាបត្រ​ជាន់ខ្ពស់​បច្ចេកទេស (បរិញ្ញាបត្ររង) ដល់យុវជនដែលបានបញ្ចប់ថ្នាក់មធ្យមសិក្សា​។

ជំនាញដែលអាហារូបករណ៍ផ្តល់ជូនរួមមាន ៖ ការដំឡើង និង​ថែទាំ​ប្រព័ន្ធបញ្ជា និង​បណ្តាញអគ្គិសនី​ក្នុងអគារ ៦០នាក់, ការថែទាំ និង​ជួសជុលអគ្គិសនីរថយន្ត ៣០នាក់, ការថែទាំ និង​ជួសជុល​ម៉ាស៊ីនត្រជាក់រថយន្ត ៣០នាក់, ការថែទាំ និង​ជួសជុលរថយន្ត ៣០នាក់, អណនេយ្យអាជីវកម្ម ៦០នាក់, ទីផ្សារ និង​ការលក់ ៦០នាក់, ការ​គ្រប់គ្រងធនធាន​មនុស្ស ៦០នាក់, ការ​គ្រប់គ្រង​អាជីវកម្ម ៦០នាក់, ភាសាអង់គ្លេស​អាជីវកម្ម ៦០នាក់, ការគ្រប់គ្រងសន្តិសុខតាមអ៊ីនធឺណេត និង​ព័ត៌មាន ៦០នាក់, វិស្វកម្មទូរគមនាគមន៍ និងបណ្តាញ ៦០នាក់, វិទ្យាសាស្រ្តកសិកម្ម/ក្សេត្រសាស្រ្ត ៦០នាក់, ផលិតកម្មសត្វ ៦០នាក់, វេជ្ជសាស្រ្តសត្វ ៦០នាក់, វិស្វកម្ម​កែច្នៃផលិតផល​កសិកម្ម ៦០នាក់, ការ​កែច្នៃ និងវិភាគអាហារ ៦០នាក់។

លក្ខខណ្ឌនៃការជ្រើសរើស ៖ បេក្ខជនត្រូវមានព្រឹត្តិបត្រ​លទ្ធផល​ប្រឡង​សញ្ញាបត្រ​មធ្យមសិក្សា​ទុតិយភូមិ (សញ្ញាបត្រ​មធ្យមសិក្សា​ទុតិយភូមិ ២០២៤, ២០២៥), មានអាយុពី១៥ ដល់៣៥ឆ្នាំ។

សំណុំលិខិត​ដែលត្រូវ​បំពេញ ៖ ពាក្យ​ចុះឈ្មោះ​សុំចូលរៀន ១ច្បាប់, សញ្ញាបត្រថតចម្លង (បញ្ជាក់ដោយអាជ្ញាធរ) ២ច្បាប់, រូបថតថ្មី ថតចំពីមុខ​គ្មានពាក់វ៉ែនតា (៣x៤) ៤សន្លឹក, រូបថតថ្មី ថតចំពីមុខ​គ្មានពាក់វ៉ែនតា (៤x៦) ៥សន្លឹក, សាលាកបត្រ​ឯកត្តជន ១ច្បាប់។

ការទទួលពាក្យ​ចាប់ពីថ្ងៃផ្សាយដំណឹងនេះ រហូត​ដល់ថ្ងៃទី២០ ខែកុម្ភៈ ឆ្នាំ២០២៦, កន្លែងទទួលពាក្យ​នៅ​ការិយាល័យ​ផ្តល់ព័ត៌មាន និង​ចុះឈ្មោះ​ចូលរៀន នៃវិទ្យាស្ថាន​ពហុបច្ចេកទេស​ភូមិភាគតេជោសែនតាកែវ ស្ថិត​នៅ​តាម​បណ្តោយផ្លូវជាតិលេខ២ ខាងលិចវិមានឯករាជ្យ ប្រហែល ១៥០ម៉ែត្រ ភូមិបី សង្កាត់រការក្នុង ក្រុងដូនកែវ ខេត្តតាកែវ។ សម្រាប់ព័ត៌មានបន្ថែមសូមទំនាក់ទំនងទៅកាន់ទូរស័ព្ទលេខ ០៧០/០៨៩ ៨២២ ២៨២៕