ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិទ្យាស្ថានបពហុច្ចេកទេសខេត្តព្រះវិហារប្រកាសជ្រើសរើសសិក្ខាកាមចូលសិក្សាជំនាញបច្ចេកទេសចំនួន៩០កន្លែង ។ ជំនាញដែលវិទ្យាស្ថានផ្ដល់ជូនជំនាញសិក្សាចំនួន៣ និងផ្ដល់ជូនលើការចំណាយលើអាហារមួយថ្ងៃ២ដុល្លាររួមទាំងថ្ងៃសៅរ៍-អាទិត្យ ។
ជំនាញដែលវិទ្យាស្ថានផ្ដល់ជូនរួមមាន ៖ ការថែទាំ និងជួសជុលទោចក្រយានយន្តចំនួន២៥នាក់, ការតម្លើងបណ្ដាញអគ្គិសនីក្នុងអគារចំនួន២៥នាក់ និងសម្អាងកាយចំនួន៤០នាក់ ។
អាហារូបករណ៍ផ្ដល់ជូនសម្រាប់សាធារណជនទាំង២ភេទដែលមានចំណាប់អារម្មណ៍ និងផ្ដល់អាទិភាពជូនសម្រាប់ជនក្រីក្រ សិស្សបោះបង់ការសិក្សា មិនមានការងារធ្វើ ជនមានពិការភាព ជនជាតិដើមភាគតិច ក្មេងកំព្រា ដែលមានអាយុចាប់ពី១៥-៣០ឆ្នាំ ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមភ្ជាប់ជាមួយពាក្យសុំចុះឈ្មោះចូលរៀន១ច្បាប់ ជិវៈប្រវត្តិរូបសង្ខេប១ច្បាប់ រូបថតថ្មី ថតចំពីមុខ អាវធំក្រវ៉ាត់ក(៤x៦) ចំនួន៤សន្លឹក ។
ទីតាំងទទួលពាក្យនៅ វិទ្យាស្ថានពហុបច្ចេកទេសខេត្តព្រះវិហារ ដែលមានអាស័យដ្ឋាន ផ្លូវលេខ៦A ភូមិដំណាក់ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ (ក្រោយសាលាខេត្តព្រះវិហារ) ឬតាមរយៈមន្ត្រីអភិវឌ្ឍន៍សហគមន៍ ។ សម្រាប់ព័ត៌មានបន្ថែមសូមទំនាក់ទំនងទៅកាន់លេខ ០១២ ៩៨១ ៣៧៥ / ០៩២ ៨៨៧ ៨៩៨ / ០៩៦ ៥៧៧ ៥៤៦៧ / ០៩៧ ៩៦៦៦ ៦១៧ / ០៩៧ ៩០៦ ៩០៩០ ឬតាមរយៈFacebook page វិទ្យាស្ថានពហុបច្ចេកទេសខេត្តព្រះវិហារ ៕
