ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យ Macquarie ដែលជាគ្រឹះស្ថានសិក្សាលំដាប់ថ្នាក់អន្តរជាតិមួយក្នុងប្រទេសអូស្ត្រាលី កំពុងប្រកាសផ្តល់អាហារូបករណ៍ Vice-Chancellor’s International Scholarship សម្រាប់និស្សិតឆ្នើមមកពីបណ្តាប្រទេសក្នុងតំបន់អាស៊ាន (រួមទាំងកម្ពុជា) ដើម្បីបន្តការសិក្សាថ្នាក់បរិញ្ញាបត្រ។
អត្ថប្រយោជន៍ដែលទទួលបាន ៖ សាច់ប្រាក់ឧបត្ថម្ភចំនួន $5,000 AUD (ផ្តល់ជូនតែម្តងគត់)។ ថវិកានេះនឹងត្រូវផ្តល់ជូនបន្ទាប់ពីនិស្សិតបានបំពេញលក្ខខណ្ឌ និងឆ្លងកាត់កាលបរិច្ឆេទជំរឿន (Census date) ក្នុងឆមាសដំបូងនៃការសិក្សា។
មុខជំនាញដែលត្រូវជ្រើសរើស ៖ អាហារូបករណ៍នេះផ្តល់ជូនសម្រាប់ការសិក្សាលើមុខជំនាញសំខាន់ៗដូចជា ពាណិជ្ជកម្ម និងវិភាគអាជីវកម្ម (Commerce & Business Analytics), វិស្វកម្ម និងវិទ្យាសាស្ត្រ (Engineering & Science), សន្តិសុខសាយប័រ និងការរចនាហ្គេម (Cyber Security & Game Design), ហិរញ្ញវត្ថុអនុវត្ត (Applied Finance), ប្រវត្តិសាស្ត្របុរាណ និងសិក្សាអន្តរជាតិ (Ancient History & International Studies) និងវិស័យសិល្បៈ (Arts) ជាដើម។
លក្ខខណ្ឌនៃការជ្រើសរើស ៖ ត្រូវតែជានិស្សិតមកពីប្រទេសក្នុងតំបន់អាស៊ាន (ASEAN), មានលទ្ធផលសិក្សាឆ្នើម (Academic Excellence), ត្រូវតែទទួលបានការអនុញ្ញាតឱ្យចូលរៀន (Offer of Admission) ក្នុងវគ្គសិក្សាពេញម៉ោងនៅសាកលវិទ្យាល័យ Macquarie។
របៀបដាក់ពាក្យ និងព័ត៌មានបន្ថែម ៖ បេក្ខជនដែលចាប់អារម្មណ៍សូមត្រៀមឯកសារពាក់ព័ន្ធដូចជា លិខិតឆ្លងដែន (Passport): ដែលមានសុពលភាព, ព្រឹត្តិបត្រពិន្ទុ (Academic Transcripts): ពិន្ទុបាក់ឌុប (សម្រាប់ថ្នាក់បរិញ្ញាបត្រ), វិញ្ញាបនបត្របញ្ជាក់ការសិក្សា (Completion Certificate): សញ្ញាបត្របណ្ដោះអាសន្ន ឬសញ្ញាបត្រផ្លូវការ។ លទ្ធផលតេស្តភាសាអង់គ្លេស: ដូចជា IELTS, TOEFL ឬ PTE, ប្រវត្តិរូបសង្ខេប (CV/Resume), លិខិតបញ្ជាក់គោលបំណង (Statement of Purpose): សរសេររៀបរាប់ពីមូលហេតុដែលអ្នកចង់សិក្សានៅទីនោះ និងសមិទ្ធផលរបស់អ្នក។
សម្រាប់ការដាក់ពាក្យសូមចូលទៅកាន់ ៖ https://it-mqu.formstack.com/forms/international_scholarship_applcation_form
ផុតកំណត់ (Deadline) : ១០ កុម្ភៈ ឆ្នាំ២០២៦
សម្រាប់ព័ត៌មានបន្ថែមសូមទំនាក់ទំនងទៅកាន់ [email protected] ៕
