ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បច្ចុប្បន្នពិភពលោកក៏ដូចជាកម្ពុជាផងដែរកំពុងតែវិវឌ្ឍន៍ទៅកាន់ឧស្សាហកម្ម ៤.០ ដែលអ្វីៗគ្រប់យ៉ាងត្រូវពឹងផ្អែកទៅលើប្រព័ន្ធឌីជីថល ។ ទន្ទឹមនេះ មុខវិជ្ជាថ្មីមួយក៏បានលេចចេញជារូបរៀងផងដែរ ហើយកំពុងតែមានតម្រូវការខ្លាំង ខណៈមានសាលាតិចតួចប៉ុណ្ណោះដែលបានបើកវគ្គជំនាញដែលកំពុងពេញនិយមនេះ គឺជំនាញ Digital Marketing ឬជំនាញធ្វើទីផ្សាលើបច្ចេកវិទ្យា ។
តើអ្វីទៅជា ជំនាញធ្វើទីផ្សាលើបច្ចេកវិទ្យា ឬ Digital Marketing ? លោក គាំ ពិសាល សាស្រ្តាចារ្យ ផ្នែក Digital Marketing នៃវិទ្យាស្ថានថាក់ក្លូប៊ល បានបញ្ជាក់ថា ជំនាញធ្វើទីផ្សាលើបច្ចេកវិទ្យា គឺជាការធ្វើទីផ្សារបែបអេឡិចត្រូនិច ក្នុងការផ្សព្វផ្សាយ ឬបង្ហាញផលិផល សេវាកម្ម តាមប្រព័ន្ធអេឡិចត្រូនិច ។
បើតាមលោកសាស្រ្តាចារ្យ កាលពីមុន ដើម្បីធ្វើការផ្សព្វផ្សាយផលិតផល ឬសេវាកម្មអ្វីមួយ គេត្រូវរៀបចំយុទ្ធសាស្រ្តទីផ្សារ បន្ទាប់មកធ្វើការរចនាគំនូរ ឬក្រាហ្វិកដែលត្រូវធ្វើការផ្សព្វផ្សាយ ហើយយកទៅធ្វើការបោះពុម្ព រួចទើបយកទៅធ្វើការចែកចាយនៅតាមដងផ្លូវ ឬទីកន្លែងសាធារណៈផ្សេងៗដែលមានមនុស្សច្រើន ។
តាមលោក ពិសាល ការធ្វើទីផ្សារបែបនេះ គឺចំណាយពេលយូរ ដើម្បីធ្វើការផ្សព្វផ្សាយឱ្យបានទូលំទូលាយ, ប៉ុន្តែបើងាកមកកាន់ Digital Marketing វិញ គឺគេអាចប្រើពេលវេលាតិចជាង១ម៉ោងក្នុងការផ្សព្វផ្សាយ ទៅកាន់សាធារណៈជន ហើយក្នុងរយៈពេលមួយម៉ោងនេះ ផលិតផល ឬសេវាកម្មរបស់យើង អាចឃើញទៅកាន់មនុស្សរាប់រយលាននាក់ តាមលទ្ធភាពដែលយើងអាចផ្សព្វផ្សាយបាន។
ជាការមើលឃើញរបស់លោក គាំ ពិសាល បច្ចុប្បន្ននេះ មានក្រុមហ៊ុនជាច្រើនបានផ្លាស់ប្តូរការធ្វើទីផ្សាររបស់ខ្លួនមកកាន់ប្រព័ន្ធឌីជីថល ដោយបើតាមការស្រាវជ្រាវបានរកឃើញថា ការផ្សព្វផ្សាយតាមរយៈប្រព័ន្ធឌីជីថលនេះ បានកើនឡើងពី ២០០ ទៅ ៣០០ភាគរយក្នុងមួយឆ្នាំៗ ព្រោះតែអតិថិជននៅក្នុងទីផ្សារបច្ចុប្បន្ន បានបង្វែរទៅកាន់ប្រព័ន្ធឌីជីថល។ ការផ្លាស់ប្តូរធ្វើទីផ្សារតាមបែបប្រពៃណី មកកាន់ប្រព័ន្ធឌីជីថលវិញនេះ បានធ្វើឱ្យតម្រូវការអ្នកមានជំនាញ Digital Marketing នេះ គឺកាន់តែច្រើន ខណៈធនធានមនុស្សនៅស្រុកយើងសម្រាប់បម្រើការងារនៅលើវិស័យឌីជីថលនេះ ក៏ខ្វះខាតផងដែរ។
តើជំនាញ Digital Marketing គេសិក្សាទៅលើអ្វីខ្លះ ហើយអ្នកចង់រៀនជំនាញនេះ ត្រូវមានលក្ខណៈសម្បត្តិយ៉ាងណាដែរ?
ចំពោះសំណួរខាងលើនេះ បើតាមប្រសាសន៍របស់លោកសាស្រ្តាចារ្យ គាំ ពិសាល នៅប្រទេសកម្ពុជាបច្ចុប្បន្ន គេតែងមានការយល់ច្រឡំថា ការរៀនជំនាញ Digital Marketing គឺជាការរៀនប្រើប្រាស់បណ្តាញសង្គមដូចជា facebook , LinkedIn ឬ Instagram ជាដើម ។ លោកថា ទាំងនេះ គឺជាផ្នែកមួយនៃការផ្សព្វផ្សាយប៉ុណ្ណោះ ដែលតាមពិតទៅ Digital Marketing គឺគេរៀនពីការធ្វើទីផ្សារនៅលើប្រព័ន្ធឌីជីថល ដោយរៀបចំយុទ្ធសាស្រ្ត និងគំនិតនៃការធ្វើទីផ្សារបែបណាដើម្បីឱ្យការផ្សព្វផ្សាយមានប្រសិទ្ធភាពខ្ពស់បំផុត។
លោក គាំ ពិសាល សាស្រ្តាចារ្យ ផ្នែក Digital Marketing បានបញ្ជាក់ថា ៖
“នៅពេលដែលយើងមិនយល់ពីគោលបំណង យើងតែងជំរុញការលក់ ដោយជំរុញបន្ថែម (Boots) ក្នុងមួយថ្ងៃៗអាចដល់រាប់ពាន់ដុល្លារ ហើយចុងក្រោយ គឺលុយទាំងអស់នោះបានទៅក្រុមហ៊ុនដែលផ្តល់នូវកន្លែងដើម្បីផ្សព្វផ្សាយទៅវិញ… តែបើអ្នកមានជំនាញ Digital Marketing គេសិក្សាបានច្បាស់ថា អតិថិជននៅកន្លែងណា? ជាប្រភេទមនុស្សអី? ជាមនុស្សបែបណា ? ចូលចិត្តអ្វី ? ដូច្នេះការផ្សព្វផ្សាយនឹងមានប្រសិទ្ធភាពខ្ពស់ ចំណាយតិច…”
ដោយឡែកសម្រាប់លក្ខណៈសម្បត្តិ សម្រាប់អ្នកដែលមានបំណងចង់ចាប់យកជំនាញ Digital Marketing វិញ បើតាមលោកសាស្រ្តាចារ្យ ពួកគាត់គួរតែមានចំណេះដឹងមូលដ្ឋានល្អសម្រាប់មុខវិជ្ជាភាសាអង់គ្លេស ព្រោះថា បណ្តាញសង្គមជាច្រើនគឺគេប្រើប្រាស់ភាសាអង់គ្លេសជាគោល ។ ជាមួយគ្នា មុខវិជ្ជា គណិតវិទ្យា ក៏ត្រូវការផងដែរ ដោយមុខវិជ្ជានេះ គេត្រូវប្រើប្រាស់សម្រាប់ការវិភាគ ។
ត្រឡប់មកវិញ លោកសាស្រ្តាចារ្យ បានលើកទឹកចិត្តដល់យុវជន ក៏ដូចជាប្អូនៗសិស្សានុសិស្ស ដែលចង់ក្លាយខ្លួនជាអ្នក Digital Marketing ត្រូវចាប់យកជំនាញនេះឱ្យបានច្បាស់ ហើយព្យាយាមសិក្សាស្រាវជ្រាវ ហ៊ានគិត ហ៊ានសម្រេច និងហ៊ានវិភាគ ដើម្បីបង្កើតជាយុទ្ធសាស្រ្តថ្មីៗ ។ លោកបញ្ជាក់ថា Digital Marketing មិនមែនគ្រាន់តែរៀនប្រើប្រាស់បណ្តាញសង្គមនោះទេ យើងក៏ត្រូវការយុទ្ធសាស្រ្តបន្ថែមទៀតផងដែរ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ក្រសួងអប់រំ ប្រកាសប្រឡងជ្រើសរើសនិស្សិតសិក្សាអាហារូបករណ៍កម្មវិធី ACYLS នៅប្រទេសចិន ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 15/02/2024
ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតសិក្សាអាហារូបករណ៍ពីកម្មវិធី ASEAN-CHINA YOUNG LEADERS ...
កម្មវិធីអាហារូបករណ៍ថ្នាក់អនុបណ្ឌិតពីប្រទេសអៀរឡង់ សម្រាប់ឆ្នាំសិក្សា ២០២៧/២០២៨
ព័ត៌មានអាហារូបករណ៍, ព្រឹត្តិការណ៍
• 30/06/2026
កម្មវិធីអាហារូបករណ៍ Ireland Fellows Programme – Asia សម្រាប់ឆ្នាំសិក្សា 2027/2028 ត្រូវបានបើកទទួលពាក្យជាផ្លូវការហើយ! អាហារូបករណ៍នេះផ្តល់ឱកាសដល់និស្សិត និងមន្ត្រីជំនាញមកពីប្រទេសកម្ពុជា វៀតណាម និងឡាវ...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យបច្ចេកវិទ្យា Nanyang នៃប្រទេសសឹង្ហបុរី ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 18/07/2025
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យា Nanyang នៃប្រទេសសឹង្ហបុរី សម្រាប់ឆ្នាំសិក្សា២០២៦។ អាហារូបករណ៍...
ឱកាសសិក្សាជំនាញវិជ្ជាជីវៈឥតគិតថ្លៃនៅវិទ្យាស្ថានជាតិសហគ្រិនភាព និងនវានុវត្តន៍ វគ្គសិក្សាថ្មី
ព័ត៌មានអាហារូបករណ៍, ព្រឹត្តិការណ៍
• 07/05/2025
វិទ្យាស្ថានជាតិសហគ្រិនភាព និងនវានុវត្តន៍ ប្រកាសជ្រើសរើសសាធារណជនចូលសិក្សាជំនាញវិជ្ជាជីវៈ ដោយឥតគិតថ្លៃសម្រាប់វគ្គសិក្សាថ្មី។ ការសិក្សា ផ្ដល់ជូនដល់យុវជនមកពីគ្រួសារក្រីក្រ គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុង និងក្រៅប្រព័ន្ធ។
ឱកាសសិក្សាអាហារូបករណ៍ KOICA-GIST ប្រទេសកូរ៉េ ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 31/03/2023
កម្មវិធីអាហារូបករណ៍ពេញលេញ KOICA-GIST កំពុងផ្ដល់អាហារូបករណ៍ថ្នាក់ឧត្ដមសិក្សានៅវិទ្យាស្ថានបច្ចេកវិទ្យា Gwanju នៃប្រទេសកូរ៉េ ...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យមហាសារ៉ាខាម នៃព្រះរាជាណាចក្រថៃឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 05/05/2023
កម្មវិធីអាហារូបករណ៍ព្រះអង្គម្ចាស់ក្សត្រីយ៍មហាក្សត្រីយ៍មហាចក្រី សិរិនថន ចំនួន0៦កន្លែងកំពុងប្រកាសជ្រើសរើសសម្រាប់សាធារណជនកម្ពុជាទាំងពីរភេទសម្រាប់ឆ្នាំសិក្សា២០២៣-២០២៤ ។...
អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យជាតិគ្រប់គ្រងឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 06/11/2024
តាមរយៈការលើកស្ទួយក្នុងវិស័យអប់រំ ឯកឧត្ដមអភិបណ្ឌិត ស សុខា និង លោកជំទាវ កែ សួនសុភី សហការជាមួយសាកលវិទ្យាល័យជាតិគ្រប់គ្រង ប្រកាសជ្រើសរើសនិស្សិតចំនួន១៥នាក់ដើម្បីសិក្សាថ្នាក់...
កម្មវិធីពិសេសរបស់ AMS EDUCATION
ព័ត៌មានសង្ខេប
