ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍នៅសាកលវិទ្យាល័យ Milan ពីកម្មវិធីអាហារូបករណ៍ DSU ប្រទេសអ៉ីតាលី ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ។
ជំនាញដែលអាហារូបករណ៍ផ្ដល់ជូនរួមមាន ការសិក្សានៅផ្នែកវេជ្ជសាស្ត្រ និងពេទ្យសត្វ, នាយកដ្ឋានច្បាប់ មហាវិទ្យាល័យភាសា និងទំនាក់ទំនងអន្តរវប្បធម៌ ជំនាញផ្នែកមនុស្សសាស្ត្រ វិស្វកម្ម កុំព្យូទ័រ ឱសថស្ថាន កសិកម្ម វិទ្យាសាស្ត្រចំណីអាហារ នយោបាយ សេដ្ឋកិច្ច និងវិទ្យាសាស្ត្រសង្គម ។
លក្ខណៈវិនិច្ឆ័យសិទ្ធដើម្បីទទួលបានអាហារូបករណ៍របស់សាកលវិទ្យាល័យ Milan រួមមាន និស្សិតសញ្ជាតិអ៉ីតាលី និងនិស្សិតអន្តរជាតិអាចស្នើពាក្យសុំអាហារូបករណ៍បានក្នុងមុខវិជ្ជាដែលបានផ្ដល់ជូន ការធ្វើតេស្តពិសេស (special aptitude test) ត្រូវបានធ្វើឡើងសម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ។ បេក្ខជនគួរធ្វើការដាក់ពាក្យអាហារូបករណ៍ក្នុងម៉ោងធ្វើការ និងមុនពេលកំណត់នៃការបើកទទួលពាក្យ និងមិនមានកំណត់តេស្តភាសាអង់គ្លេស IELTS ។
ដើម្បីធ្វើការដាក់ពាក្យ បេក្ខជនអាចធ្វើការដាក់ពាក្យសុំអាហារូបករណ៍ និងជ្រើសរើសពាក្យមុខវិជ្ជាដែលចង់សិក្សា ។ បេក្ខជនត្រូវពិនិត្យមើលលក្ខណៈវិនិច្ឆ័យសិទ្ធទទួលបានអាហារូបករណ៍មុនពេលចាប់ផ្ដើមបំពេញពាក្យសុំអាហារូបករណ៍ជាមួយព័ត៌មានផ្ទាល់ខ្លួនត្រឹមត្រូវ និងភ្ជាប់ជាមួយចំណាប់អារម្មណ៍របស់បេក្ខជន ។
បេក្ខជនដែលទទួលបានជ័យលាភីអាហារូបករណ៍នឹងទទួលបានការគាំទ្ររបស់អាហារូបករណ៍ដូចជា កន្លែងស្នាក់នៅ អាហារឥតគិតថ្លៃក្នុងសាលបរិភោគអាហារសាកលវិទ្យាល័យ ។ បេក្ខជនអាចទទួលបានប្រាក់ឧបត្ថម្ភប្រចាំខែជាង៦០០ដុល្លារក្នុងមួយខែរហូតដល់១០ខែក្នុងកំឡុងពេលសិក្សា និងឱកាសស្វែងយល់ពីវប្បធម៌ និងសង្គមរបស់អ៉ីតាលី ។
សម្រាប់ព័ត៌មានលម្អិតបន្ថែមអាចចូលទៅកាន់តំណភ្ជាប់ https://www.unimi.it/en/study/financial-support/regional-scholarships ។ បើកទទួលពាក្យស្នើសុំអាហារូបករណ៍ពីថ្ងៃផ្សាយដំណឹងរហូតដល់ថ្ងៃទី៣០ ខែកញ្ញា ឆ្នាំ២០២៣ ៕
