ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ជំនាញបណ្តុះបណ្តាលបច្ចេកទេសនិងវិជ្ជាជីវៈ (TVET) ជួយបណ្តុះបណ្តាលសិស្សមានឱកាសអភិវឌ្ឍសមត្ថភាពបំណិនជីវិតលើជំនាញរឹង និងជំនាញទន់យ៉ាងប្រសើរ ។ គុណសម្បត្តិនៃការការសិក្សាជំនាញនេះ មិនចំណាយពេលវេលាសិក្សាយូរ មិនទាមទារកម្រិតវប្បធម៌ខ្ពស់ខ្លាំង និងមានឱកាសការងារទូលំទូលាយ ។ អ្នកសិក្សាជំនាញបច្ចេកទេសនិងវិជ្ជាជីវៈ មានឱកាសទទួលបានអាហារូបករណ៍ច្រើន សម្បូរឱកាសការងារ មានសមត្ថភាពប្រកួតប្រជែងការងារទាំងក្នុងប្រទេស តំបន់ ឬប្រកួតប្រជែងកម្លាំងពលកម្មមកពីក្រៅប្រទេស ។ នេះបើតាមប្រសាសន៍ លោក លី ចន្ទរិទ្ធ នាយកមជ្ឈមណ្ឌលបណ្ដុះបណ្ដាលវិជ្ជាជីវៈ ខេត្តកំពង់ឆ្នាំង ។
លោក លី ចន្ទរិទ្ធ នាយកមជ្ឈមណ្ឌលបណ្ដុះបណ្ដាលវិជ្ជាជីវៈ ខេត្តកំពង់ឆ្នាំង បានប្រាប់ឱ្យដឹងថា រៀងរាល់ឆ្នាំមជ្ឈមណ្ឌលបណ្ដុះបណ្ដាលវិជ្ជាជីវៈ ខេត្តកំពង់ឆ្នាំង ផ្ដល់អាហារូបករណ៍ជាច្រើនដល់យុវជន និងសិស្សានុសិស្សដែលបានបញ្ចប់ការសិក្សាថ្នាក់មធ្យមសិក្សាទុតិយភូមិ ។ អាហារូបករណ៍ទាំងនោះ ផ្តល់ឱ្យយុវជនគ្រប់ភេទ គ្រប់វ័យ និងគ្រប់ជាតិសាសន៍ ដើម្បីឱ្យពួកគេទទួលបានឱកាសសិក្សាជំនាញមានរយៈពេលវែង និងរយៈពេលខ្លី សម្រាប់ប្រកបការងារ ឬអាជីវកម្មខ្នាតតូចផ្សេងៗ ។
នាយកមជ្ឈមណ្ឌលបណ្ដុះបណ្ដាលវិជ្ជាជីវៈ ខេត្តកំពង់ឆ្នាំង មានប្រសាសន៍បន្តថា ការសិក្សាជំនាញ TVET បានផ្ដល់ឱកាសឱ្យសិស្សដែលបានបោះបង់ការសិក្សាមុន ឬក្រោយថ្នាក់ទី៩ ឱ្យមានឱកាសបានបន្តការសិក្សាជំនាញ និងអាចបន្តទៅថ្នាក់បរិញ្ញាបត្រ ឬលើសនេះទៅតាមលំដាប់លំដោយនៃការសិក្សាដែលមានសញ្ញាបត្របញ្ជាក់សមមូលនៅថ្នាក់វិទ្យាល័យ ។
“ជំនាញបណ្តុះបណ្តាលបច្ចេកទេសនិងវិជ្ជាជីវៈ មាននៅគ្រប់មជ្ឈមណ្ឌលបណ្ដុះបណ្ដាលវិជ្ជាជីវៈ នៅទូទាំងព្រះរាជាណាចក្រកម្ពុជា ទីតាំងនៅគ្រប់រាជធានី-ខេត្ត ហើយមានមុខជំនាញសិក្សាជាច្រើន ដោយអាស្រ័យទៅលើចំណង់ចំណូលចិត្តយុវជន និងកម្មវិធីសិក្សាផ្ដល់ជូនតាមតំបន់“
លោក លី ចន្ទរិទ្ធ នាយកមជ្ឈមណ្ឌលបណ្ដុះបណ្ដាលវិជ្ជាជីវៈ ខេត្តកំពង់ឆ្នាំង
លោក លី ចន្ទរិទ្ធ បានបន្តថា ការសិក្សាជំនាញរយៈពេលវែងមាន ០៤មុខជំនាញ ដូចជា ព័ត៌មានវិទ្យា ផ្នែកជួសជុល និងថែទាំរថយន្ត ផ្នែកជួសជុល និងថែទាំម៉ាស៊ីនត្រជាក់ ការតម្លើងអគ្គិសនីនៅក្នុងអគារ ដែលសិស្សនឹងទទួលបានសញ្ញាបត្របញ្ជាក់ការសិក្សា១ និងមានរយៈពេលសិក្សា ១ឆ្នាំឡើងទៅ ។
ចំណែកជំនាញខ្លី ឬអាចហៅបានថា ជំនាញក្រោយប្រមូលផល ជាការសិក្សាអំពីរបៀបកែច្នៃបន្លែក្រោយការប្រមូលផលកសិកម្មដូចជា ការកែច្នៃស្ពៃទៅជាស្ពៃជ្រក់ ការកែច្នៃឆៃថាវទៅជាឆៃប៉ូវ និងការកែច្នៃបន្លែផ្សេងៗមានរយៈពេលសិក្សា ១សប្ដាហ៍ និងមានវគ្គ ៤ខែដែលសិក្សាអំពីការជួសជុលម៉ាស៊ីនគោយន្ត ម៉ាស៊ីនតូចៗ ម៉ាស៊ីនម៉ូតូ កាត់ដេរ អ៊ុតសក់ជាដើម ដែលសិស្សនឹងទទួលបានវិញ្ញាបនបត្របញ្ជាក់ការសិក្សាជំនាញដូចគ្នា ។
ដើម្បីទទួលបានអាហារូបករណ៍សិក្សាជំនាញនេះ បេក្ខជន-បេក្ខនារីដែលរស់នៅខេត្តកំពង់ឆ្នាំង អាចទៅស្នើសុំពាក្យចូលរៀនអាហារូបករណ៍បាននៅមជ្ឈមណ្ឌលបណ្ដុះបណ្ដាលវិជ្ជាជីវៈផ្ទាល់ ។ ជាមួយគ្នានេះ បេក្ខជន-បេក្ខនារីអាចពិភាក្សាជាមួយលោកគ្រូ អ្នកគ្រូដែលមានជំនាញដើម្បីពិគ្រោះថាតើយុវជន អាចមានលទ្ធភាព និងគួរចាប់ផ្ដើមរៀនជំនាញពីចំណុចណាទៅចំណុចណា និងជំនាញអ្វីឱ្យត្រូវនឹងសមត្ថភាពរបស់បុគ្គលម្នាក់ៗ ជៀសវាងករណីរៀនហើយមិនត្រូវជំនាញដែលធ្វើឱ្យពួកគាត់ខាតឆ្នាំ ។
លោក លី ចន្ទរិទ្ធ បានបន្តបន្ថែមថា រៀងរាល់ឆ្នាំមានសិស្សចន្លោះពី ២០០នាក់ ទៅ ៣០០នាក់ដែលបានបញ្ជប់ការសិក្សាពីមជ្ឈមណ្ឌល បណ្ដុះបណ្ដាលហើយអាចស្វែងរកការងារធ្វើបាន ដោយអ្នកខ្លះមានលទ្ធភាពអាចបើកមុខរបរ ឬប្រកបអាជីវកម្មខ្នាតតូចដោយខ្លួនឯងអំពីជំនាញដែលគាត់បានរៀន និងអ្នកខ្លះអាចស្វែងរកការងារបាននៅតាមយានដ្ឋាន ឬកន្លែងធ្វើការផ្សេងៗពីជំនាញរបស់គាត់ ។ គួរបញ្ជាក់ដែរថា អាហារូបរកណ៍សិក្សាជំនាញនេះ ក្នុងគោលបំណងជួយកាត់បន្ថយការចំណាយដល់ការសិក្សា និងផ្ដល់ឱកាសដល់សិស្សដែលមានជីវភាពក្រីក្រ និងមិនមានលទ្ធភាពគ្រប់គ្រាន់ក្នុងការចំណាយបន្តការសិក្សានៅតាមគ្រឹះស្ថានសិក្សា និងនៅមហាវិទ្យាល័យ ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាសញ្ញាបត្រជាន់ខ្ពស់ចំនួន១០កន្លែងនៅវិទ្យាស្ថានបច្ចេកទេសឧស្សាហកម្ម ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 22/11/2024
ឱកាសសិក្សាអាហារូបករណ៍ថ្នាក់កម្រិតសញ្ញាបត្រជាន់ខ្ពស់ ឬថ្នាក់បរិញ្ញាបត្ររង នៅវិទ្យាស្ថានបច្ចេកទេសឧស្សាហកម្ម ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនក្រោមការឧបត្ថម្ភ និងគាំទ្រពី...
អាហារូបករណ៍សិល្បៈអមតៈ អាន ចនផន ផ្ដល់អាហារូបករណ៍សាច់ប្រាក់ សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 07/03/2025
តាមរយៈ កម្មវិធីអាហារូបករណ៍សិល្បៈអមតៈ អាន ចនផន កំពុងប្រកាសជ្រើសរើសបេក្ខជន បេក្ខនារី ឱ្យទទួលបានឱកាសអាហារូបករណ៍សាច់ប្រាក់ចំនួន១៥០០ដុល្លារក្នុងមួយឆ្នាំ។ អាហារូបករណ៍ផ្ដល់ជូនសម្រាប់ការសិក្សាអភិវឌ្ឍន៍ជំនាញសិល្បៈ និងអភិវឌ្ឍន៍ជំនាញ...
ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង
ព័ត៌មានអាហារូបករណ៍, ព្រឹត្តិការណ៍
• 30/01/2025
ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង（USTB）បានប្រកាសផ្តល់អាហារូបករណ៍ដល់និស្សិតកម្ពុជា ក្នុងការសិក្សាជំនាញជាច្រើន...
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍១០០% ចំនួន២៧០កន្លែង
ព័ត៌មានអាហារូបករណ៍, ព្រឹត្តិការណ៍
• 23/01/2025
វិទ្យាស្ថានពហុបច្ចេកទេសភូមិភាគតេជោសែនស្វាយរៀង បានប្រកាសជ្រើសរើសនិស្សិតឱ្យចូលរៀនជំនាញបច្ចេកទេស និងវិជ្ជាជីវៈ លើកទី២ សម្រាប់ឆ្នាំសិក្សា២០២៤-២០២៥ ដោយផ្តល់អាហារូបករណ៍១០០% សរុបចំនួន ២៧០កន្លែង។
ឱកាសសិក្សាអាហារូបករណ៍ថ្នាក់បច្ចេកទេសជាន់ខ្ពស់ចំនួន២០០កន្លែងនៅសាលាបច្ចេកទេស ដុនបូស្កូខេត្តកែប
ព័ត៌មានអាហារូបករណ៍, ព្រឹត្តិការណ៍
• 04/10/2023
សាលាបច្ចេកទេស ដុនបូស្កូ ខេត្តកែប ប្រកាសជ្រើសរើសសិស្សចូលសិក្សាអាហារូបករណ៍ជំនាញថ្នាក់ជាន់ខ្ពស់បច្ចេកទេសចំនួន២០០កន្លែងសម្រាប់ឆ្នាំសិក្សា២០២៣-២០២៤។........
ឱកាសចូលរួមវគ្គបណ្ដុះបណ្ដាលរយៈពេលខ្លីនៅប្រទេសជប៉ុន ពី កម្មវិធី Dusin Leadership
ព័ត៌មានអាហារូបករណ៍, ព្រឹត្តិការណ៍
• 09/07/2025
កម្មវិធីអាហារូបករណ៍ Dusin Leadership Training លើកទី២៦ ប្រកាសជ្រើសរើសបេក្ខជនចូលសិក្សាវគ្គបណ្ដុះបណ្ដាល រយៈពេល១០ខែ សម្រាប់ជនមានពិការភាព សិក្សានៅប្រទេសជប៉ុន ឆ្នាំសិក្សា២០២៦-២០២៧។
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Nalanda ប្រទេសឥណ្ឌា
ព័ត៌មានអាហារូបករណ៍, ព្រឹត្តិការណ៍
• 03/07/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតចំពោះប្រជាពលរដ្ឋដែលជាប្រទេសសមាជិកអាស៊ាន នៅសាកលវិទ្យាល័យ Nalanda នៃប្រទេសឥណ្ឌា សម្រាប់ឆ្នាំសិក្សា២០២៥-២០២៦។ សាកលវិទ្យាល័យផ្ដល់ការសិក្សារយៈពេល៤ឆ្នាំ
អាហារូបករណ៍ថ្នាក់បរិញ្ញាបត្រជំនាញគណនេយ្យចំនួន១០កន្លែងនៅវិទ្យាស្ថានវ៉ាន់ដាឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 24/10/2024
ឱកាសសិក្សាអាហារូបករណ៍ចំនួន១០កន្លែង សម្រាប់សិក្សាថ្នាក់បរិញ្ញាបត្រ ជំនាញគណនេយ្យ នៅវិទ្យាស្ថាន វ៉ាន់ដា ក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី...
អាហារូបករណ៍ ៥០ភាគរយ សម្រាប់មន្រ្តីរាជការបម្រើការនៅក្រសួងមហាផ្ទៃ
ព័ត៌មានអាហារូបករណ៍, ព្រឹត្តិការណ៍
• 03/11/2025
អាហារូបករណ៍អភិសន្តិបណ្ឌិត ស សុខា បានប្រកាសផ្តល់អាហារូបករណ៍ ៥០% សម្រាប់ការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ (អនុបណ្ឌិត) និងថ្នាក់បណ្ឌិត សិក្សានៅសាកលវិទ្យាល័យអាស៊ីអឺរ៉ុប...
កម្មវិធីពិសេសរបស់ AMS EDUCATION
ព័ត៌មានសង្ខេប
