ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោមការសហការជាមួយក្រុមហ៊ុន «អេមរុ រ៉ាយស៍ ខេមបូឌា» (Amru Rice Cambodia) សាកលវិទ្យាល័យជាតិបាត់ដំបង (NUBB) កំពុងបើកទទួលពាក្យស្នើសុំអាហារូបករណ៍ ដល់និស្សិតថ្នាក់បរិញ្ញាបត្រ ដែលផ្តោតលើជំនាញនិរន្តរភាពកសិកម្ម, ជំនាញកែច្នៃអាហារ, ជំនាញបច្ចេកវិទ្យាព័ត៌មាន (IT) និងជំនាញអគ្គិសនីអេឡិចត្រូនិច ឆ្នាំទី៣ ដល់ឆ្នាំទី៤ សម្រាប់ឆ្នាំសិក្សា២០២៦-២០២៧។
អត្ថប្រយោជន៍ទទួលបានពីកម្មវិធីអាហារូបករណ៍ រួមមាន ផ្តល់ការរ៉ាប់រងថ្លៃសិក្សាពេញលេញ, ផ្តល់ឱកាសក្នុងការដាក់ពាក្យជានិស្សិតហាត់ការ ឬបុគ្គលិកនៅក្នុងក្រុមហ៊ុន ហើយនិស្សិតមានឱកាសសរសេរសារណាបទដែលអាចបោះពុម្ពក្នុងកម្រិតថ្នាក់ជាតិ និងអន្តរជាតិ។
លក្ខខណ្ឌក្នុងការជ្រើសរើស
ដើម្បីមានសិទ្ធិដាក់ពាក្យ បេក្ខជន-បេក្ខនារី ត្រូវបំពេញតាមលក្ខខណ្ឌដូចខាងក្រោម៖
- មានពិន្ទុមធ្យមភាគសរុប (GPA) ចាប់ពី ៣.០០ ឡើងទៅ
- ជាសិស្ស/និស្សិតដែលមកពី គ្រួសារមានជីវភាពខ្វះខាត
- ជានិស្សិតខិតខំប្រឹងប្រែងរៀនសូត្រ
- មានលទ្ធផល និងប្រវត្តិនៃការចូលរួមយ៉ាងសកម្មក្នុងសកម្មភាពសង្គម
បេក្ខជនដែលមានចំណាប់អារម្មណ៍ អាចធ្វើការដាក់ពាក្យនៅការិយាល័យអន្តរជាតិ និងទំនាក់ទំនងសាធារណៈ នៃសាកលវិទ្យាល័យជាតិបាត់ដំបង រៀងរាល់ម៉ោងធ្វើការ ដោយភ្ជាប់ជាមួយនូវឯកសារ ៖ ប្រវត្តិរូបសង្ខេប (CV), ព្រឹត្តិបត្រពិន្ទុសិក្សា (ចុងក្រោយបង្អស់), បង្កាន់ដៃបង់ប្រាក់ចុះឈ្មោះចូលរៀន, ឯកសារបញ្ជាក់ពីភាពខ្វះខាតផ្នែកហិរញ្ញវត្ថុ/ជីវភាព, វិញ្ញាបនបត្របន្ថែមផ្សេងៗ (ប្រសិនបើមាន)។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២០ ខែសីហា ឆ្នាំ២០២៦៕
