សម្ព័ន្ធយុវជនអាហារូបករណ៍ ស២ ប្រកាសផ្ដល់អាហារូបករណ៍១០០% ចំនួន១០០កន្លែងសិក្សានៅសាកលវិទ្យាល័យឌីជីថលកម្ពុជា (DUC) សម្រាប់ឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាឥតគិតថ្លៃ កន្លែងស្នាក់នៅ និងអាហារបីពេល។

អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រលើជំនាញជាច្រើនដូចជា បច្ចេកវិទ្យាឌីជីថល, ទីផ្សារឌីជីថល, សេដ្ឋកិច្ចឌីជីថល, នីតិសាស្ត្រ និងវិទ្យាសាស្ត្រ, នយោបាយឌីជីថល, សំណង់ស៊ីវិល, ស្ថាបត្យកម្មឌីជីថល, អក្សរសាស្ត្រអង់គ្លេស, វិស្វកម្មលោហៈបន្ទះបន្សារ។

លក្ខខណ្ឌសម្រាប់បេក្ខជនស្នើពាក្យសុំអាហារូបករណ៍ ផ្ដល់ជូនសិស្ស-និស្សិតទូទាំងប្រទេស សិស្ស-និស្សិតដែលមានជីវភាពក្រីក្រ (ទទួលបានអាទិភាព) មានឆន្ទៈពិតប្រាកដក្នុងការសិក្សា។ ជាមួយគ្នានេះ បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ ត្រូវបំពេញសំណុំឯកសារស្នើសុំ និងភ្ជាប់ឯកសារពាក់ព័ន្ធឱ្យបានគ្រប់ និងត្រឹមត្រូវ និងគោរពតាមបទបញ្ជាផ្ទៃក្នុង និងការណែនាំរបស់សម្ព័ន្ធយុវជនអាហារូបករណ៍ (ស២)។

បេក្ខជនដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍សូមភ្ជាប់ឯកសារចាំបាច់មួយចំនួនដូចជា ពាក្យសុំអាហារូបករណ៍១ច្បាប់ ប្រវត្តិរូបសង្ខេបដែលមានបិទរូបថតថ្មី(៤x៦)១ច្បាប់ ពាក្យសុំចូលជាសមាជិកសម្ព័នយុវជនអាហារូបករណ៍១ច្បាប់ កិច្ចសន្យាអាហារូបករណ៍សម្ព័ន្ធយុវជនអាហារូបរកណ៍១ច្បាប់ សញ្ញាបត្រមធ្យមសិក្សាទុតិយភូមិ ថតចម្លង១ច្បាប់ សៀវភៅគ្រួសារ ឬសៀវភៅស្នាក់នៅ ថតចម្លង១ច្បាប់ សេចក្ដីចម្លងសំបុត្របញ្ជាក់កំណើត១ច្បាប់ អត្តសញ្ញាប័ណ្ណសញ្ជាតិខ្មែរ ថតចម្លង១ច្បាប់ រូបថតថ្មី ៤x៦ ថតពីមុនគ្មានវ៉ែនតា និងមានផ្ទៃខាងក្រោយពណ៌ស (៣សន្លឹក) និងលិខិតបញ្ជាក់កិរិយាមាយាទ១ច្បាប់។

បេក្ខជនស្នើពាក្យសុំអាហារូបករណ៍ត្រូវបំពេញទម្រង់បែបបទស្នើសុំអាហារូបករណ៍ដោយផ្ទាល់នៅទីស្នាក់ការកណ្ដាលសម្ព័ន្ធយុវជនអាហារូបករណ៍(ស២) រាជធានីភ្នំពេញ។ សម្រាប់ព័ត៌មានបន្ថែមអាចទំនងទៅកាន់ ០៩៩ ៩៥១ ០០៧ / ០៩៥ ៩៥៦ ៥៩០ / ០៩៨ ២៣៥ ១៩២ ។

ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២២ ខែមករា ឆ្នាំ២០២៤៕