អាហារូបករណ៍អភិសន្តិបណ្ឌិត ស សុខា បាន​ប្រកាស​ផ្តល់​អាហារូបករណ៍ ៥០% សម្រាប់ការ​សិក្សា​ថ្នាក់​បរិញ្ញាបត្រ ថ្នាក់បរិញ្ញាបត្រជាន់ខ្ពស់ (អនុបណ្ឌិត) និង​ថ្នាក់បណ្ឌិត សិក្សា​នៅ​សាកលវិទ្យាល័យ​អាស៊ីអឺរ៉ុប ដល់មន្រ្តីរាជការ​ដែល​កំពុង​បម្រើការងារនៅ​ក្រសួងមហាផ្ទៃ។

លក្ខខណ្ឌដាក់ពាក្យ ៖ ជាមន្រ្តីរាជការ​ដែលកំពុង​បម្រើ​ការងារ​នៅក្រសួងមហាផ្ទៃ, ថ្នាក់បរិញ្ញាបត្រ​ត្រូវ​មានសញ្ញាបត្រ​មធ្យមសិក្សា​ទុតិយភូមិ ឬសញ្ញាបត្រ​ដេលមាន​តម្លៃសមមូល, ថ្នាក់បរិញ្ញាបត្រ​ជាន់ខ្ពស់ ត្រូវ​មានសញ្ញាបត្រ​ថ្នាក់បរិញ្ញាបត្រ, ថ្នាក់បណ្ឌិត ត្រូវ​មានសញ្ញាបត្រ​ថ្នាក់បរិញ្ញាបត្រជាន់ខ្ពស់។

ជំនាញដែលផ្តល់ជូនរួមមាន, ថ្នាក់បណ្ឌិត ៖ វិទ្យាសាស្រ្ត​អប់រំ, សេដ្ឋកិច្ចកសិកម្ម, វិទ្យាសាស្រ្ត​សេដ្ឋកិច្ច, វិទ្យាសាស្រ្ត​ពាណិជ្ជកម្ម, វិស្វកម្មបច្ចេកវិទ្យាព័ត៌មាន, នីតិសាស្រ្ត, រដ្ឋបាលសាធារណៈ, ទំនាក់ទំនង​អន្តរជាតិ, វិទ្យាសាស្រ្ត​នយោបាយ។ ថ្នាក់អនុបណ្ឌិត ៖ វិទ្យាសាស្រ្ត​អប់រំ, សេដ្ឋកិច្ច​កសិកម្ម, វិទ្យាសាស្រ្តសេដ្ឋកិច្ច, គ្រប់គ្រងពាណិជ្ជកម្ម, ធនាគារ​និងហិរញ្ញវត្ថុ, គណនេយ្យ និងហិរញ្ញវត្ថុ, គ្រប់គ្រងខ្សែចង្វាក់ផ្គត់ផ្គង់, គ្រប់គ្រងពាណិជ្ជកម្មអន្តរជាតិ, គ្រប់គ្រងសណ្ឋាគារ និង​ទេសចរណ៍, ការទូត, នីតិសាស្រ្ត, អក្សរសាស្រ្ត, រដ្ឋបាល​សាធារណៈ, ទំនាក់ទំនងអន្តរជាតិ, វិទ្យាសាស្រ្ត​នយោបាយ, បង្រៀនភាសាអង់គ្លេស, ចិត្តវិទ្យាគ្លីនិកនិងប្រឹក្សា​ផ្លូវចិត្ត, វិស្វកម្ម​បច្ចេកវិទ្យាព័ត៌មាន។

ជំនាញសម្រាប់ ថ្នាក់បរិញ្ញាបត្រ ៖ រដ្ឋបាល​សាធារណៈ, នីតិសាស្រ្ត, វិទ្យាសាស្រ្ត​នយោបាយ និង​ទំនាក់ទំនង​អន្តរជាតិ, សេដ្ឋកិច្ច, ធនាគារ និងហិរញ្ញវត្ថុ, ពាណិជ្ជកម្ម​អន្តរជាតិ, ការគ្រប់គ្រង​ប្រព័ន្ធព័ត៌មាន, អភិវឌ្ឍន៍សហគមន៍, គ្រប់គ្រង, ការគ្រប់គ្រងធនធានមនុស្ស, ម៉ាឃិធីង, គណនេយ្យ, ការគ្រប់គ្រងសណ្ឋាគារ និង​ទេសចរណ៍, ទំនាក់ទំនងអន្តរជាតិ, ភាសាអង់គ្លេស, អក្សរសាស្រ្តចិន, ភាសាចិនសម្រាប់ពាណិជ្ជកម្ម, វិទ្យាសាស្រ្តកុំព្យូទ័រ, បច្ចេកវិទ្យាព័ត៌មាន, គ្រប់គ្រង​បណ្តាញ និងប្រព័ន្ធកុំព្យូទ័រ, វិស្វកម្ម​អគ្គិសនី និង​អេឡិចត្រូនិក។

មន្រ្តីរាជការ​ដែលកំពុងបម្រើការងារ​នៅ​ក្រសួងមហាផ្ទៃ​ដែលមាន​ចំណាប់អារម្មណ៍ អាច​ដាក់ពាក្យ​ស្នើ​សុំ​អាហារូបករណ៍​តាមរយយៈ App Sar Sokha Scholarship។ កាលបរិច្ឆេទ​ទទួលពាក្យ​ស្នើ​សុំ​អាហារូបករណ៍ គិត​ចាប់ពីថ្ងៃផ្សព្វផ្សាយ​ដំណឹងនេះ រហូត​ដល់ថ្ងៃទី១៥ ខែធ្នូ ឆ្នាំ២០២៥។

សម្រាប់ព័ត៌មានបន្ថែម​អាច​ទំនាក់ទំនង​ទៅកាន់លេខទូរស័ព្ទ 099 345 432 ឬទំនាក់ទំនង​ទៅកាន់សាកលវិទ្យាល័យ ដែលមានអាស័យដ្ឋានផ្លូវលេខ១៤៦ កែង​ផ្លូវលេខ២៥៧ សង្កាត់ទឹកល្អក់២ ខណ្ឌទួលគោក រាជធានីភ្នំពេញ៕