ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា កម្ពុជា ប្រកាសពីការប្រឡងអាហារូបករណ៍ថ្នាក់ឧត្ដមសិក្សានៅសាកលវិទ្យាល័យមហាសារ៉ាខាម នៃព្រះរាជាណាចក្រថៃចំនួន១៤កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍នឹងផ្ដល់ជូនកន្លែងស្នាក់នៅ និងប្រាក់អាហារូបករណ៍ប្រចាំខែចំពោះបេក្ខជនជ័យលាភីអាហារូបករណ៍។
អាហារូបរកណ៍ផ្ដល់ជូនសម្រាប់ថ្នាក់បរិញ្ញាបត្រចំនួន១០កន្លែងសិក្សាលើមុខជំនាញ Bachelor of Education ២កន្លែង, Bachelor of Engineering ២កន្លែង, Bachelor of Business Asministration ២កន្លែង, Bachelor of Tourism and Hotel Management ១កន្លែង, Bachelor of Music ១កន្លែង, Bachelor of Law ១កន្លែង និង Bachelor of Fine-Applied Arts and Cultural Sciences ១កន្លែង។ សម្រាប់ថ្នាក់បរិញ្ញបត្រជាន់ខ្ពស់សិក្សាលើជំនាញ Master of Eucation ១កន្លែង, Master of Music ១កន្លែង, Master of Tourism and Hotel Management ១កន្លែង និងថ្នាក់បណ្ឌិតចំនួន១កន្លែងលើជំនាញ Education។
លក្ខខណ្ឌនៃការចុះឈ្មោះ បេក្ខជនទាំងពីរភេទ ត្រូវមានសញ្ជាតិខ្មែរ មានសញ្ញាបត្រមធ្យមសិក្សាទុតិយភូមិសម្រាប់ថ្នាក់បរិញ្ញាបត្រ មានសញ្ញាបត្របរិញ្ញាបត្រសម្រាប់ថ្នាក់បរិញ្ញាបត្រជាន់ខ្ពស់ និងមានសញ្ញាបត្របរិញ្ញាបត្រជាន់សម្រាប់ថ្នាក់បណ្ឌិត។ ជាមួយគ្នានេះ បេក្ខជនត្រូវមានចំណេះដឹងភាសាអង់គ្លេស ឬភាសាថៃ និងមានសុខភាពល្អទាំងកាយសម្បទា និងសតិបញ្ញា។
បេក្ខជនដែលមានចំណាប់អារម្មណ៍ក្នុងការដាក់ពាក្យ សូមភ្ជាប់ជាមួយឯកសារដែលត្រូវបំពេញដូចជា បង្កាន់ដៃទទួលពាក្យប្រឡង០១ច្បាប់ ពាក្យសុំអាហារូបករណ៍០១ច្បាប់ ជីវប្រវត្តិសង្ខេប០១ច្បាប់ កិច្ចសន្យា០១ច្បាប់ រូបថត៤x៦ ៤សន្លឹក(ផ្ទៃខាងក្រោយពណ៌ស ថតថ្មី)។ សម្រាប់សញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសមមូល(ច្បាប់ថតចម្លង០១ច្បាប់) សញ្ញាបត្របរិញ្ញាបត្រ ឬសញ្ញាបត្រមានតម្លៃសមមូល(ច្បាប់ថតចម្លង០១ច្បាប់) និងសញ្ញាបត្រជាន់ខ្ពស់ ឬសញ្ញាបត្រមានតម្លៃសមមូល(ច្បាប់ថតចម្លង០១ច្បាប់) ដោយភ្ជាប់សញ្ញាបត្រច្បាប់ដើមទៅជាមួយដើម្បីផ្ទៀងផ្ទាត់។
ជាមួយគ្នានេះ សូមភ្ជាប់ជាមួយលិខិតបញ្ជាក់ពីគ្រឹះស្ថានសិក្សា/បណ្ណសម្គាល់ខ្លួននិស្សិត (ច្បាប់ថតចម្លង០១ច្បាប់) ចំពោះបេក្ខជនជានិស្សិត និងលិខិតបញ្ជាក់ពីអង្គភាពចំពោះបេក្ខជនជាមន្ត្រីរាជការ។
ដើម្បីទាញយកពាក្យសុំចុះឈ្មោះប្រឡង និងឯកសារពាក់ព័ន្ធសូមចូលទៅកាន់ https://me-qr.com/8kEKAEYL ។ សម្រាប់ព័ត៌មានបន្ថែមអាចទំនាក់ទំនងទៅកាន់ ០២៣ ២១០ ៥៥៣ ឬ ០៩៨ ៩៨៩ ៧៨៩។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១២ ខែមករា ឆ្នាំ២០២៤ ដោយការប្រឡងនឹងប្រព្រឹត្តនៅថ្ងៃទី០៤ ខែកុម្ភៈ ឆ្នាំ២០២៤៕
