ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិពហុបច្ចេកទេសអង្គរ ដែលមានទីតាំងស្ថិតនៅក្រុងសៀមរាប បានប្រកាសពីការផ្តល់អាហារូបករណ៍សិក្សាជំនាញបច្ចេកទេសវគ្គខ្លីចំនួន ២៤០០កន្លែង ដោយឥតគិតថ្លៃ ហើយសម្រាប់បេក្ខជនដែលមកពីគ្រួសារក្រីក្រ និងងាយរងហានិភ័យ ក៏នឹងទទួលបានប្រាក់ឧបត្ថម្ភ ចំនួន២៨ម៉ឺនរៀលថែមទៀត។
ជំនាញដែលនឹងផ្តល់ជូននោះរួមមាន ៖ សេវាកម្មបរិក្ខាត្រជាក់ក្នុងគេហដ្ឋាន ចំនួន ៤៨០កន្លែង, ការដំឡើងបណ្តាញអគ្គិសនីក្នុងអគារ ចំនួន ៤៨០កន្លែង, ការថែទាំ និងជួសជុលរថយន្ត ចំនួន ៤២០កន្លែង, ធុរកិច្ចភេសជ្ជៈ ចំនួន ៣០០កន្លែង, ការផលិតនំ ចំនួន ៣០០កន្លែង, ការងារកំបោរ ចំនួន ១៨០កន្លែង, ការដំឡើង និងថែទាំកាមេរ៉ាសុវត្ថិភាព ចំនួន ១២០កន្លែង, សេវាកម្មកុំព្យូទ័រ ចំនួន៦០កន្លែង និងការរចនាក្រាហ្វិកដោយកុំព្យូទ័រ ចំនួន ៦០កន្លែង។
លក្ខខណ្ឌ ៖ យុវជនមកពីគ្រួសារក្រីក្រ (បណ្ណក្រីក្រ ១ , ក្រីក្រី ២ ឬបណ្ណគ្រួសារងាយរងហានិភ័យ ទទួលបានប្រាក់ឧបត្ថម្ភប្រចាំខែចំនួន ២៨០,០០០រៀល/ខែ និងសិក្សាឥតគិតថ្លៃ ), បងប្អូនដែលជាពលករចំណាក់ស្រុក ត្រូវបានផ្ដល់អាទិភាព ចុះឈ្មោះចូលរៀនដោយពុំមានបង់ប្រាក់, មានអាយុចាប់ពី ១៥ ឆ្នាំឡើងទៅ, មានអត្តសញ្ញាណបណ្ណខ្មែរ ឬសំបុត្រកំណើត។
ព័ត៌មានលម្អិត សូមទំនាក់ទំនងទៅកាន់ទូរស័ព្ទលេខ 077 489 398 / 093 403 852 ឬទៅកាន់វិទ្យាស្ថានផ្ទាល់ស្ថិតនៅតាមបណ្តោយផ្លូវវិថីសម្តេចវិបុលបញ្ញា សុខ អាន ក្នុងក្រុងសៀមរាប ខេត្តសៀមរាប៕
